Deuteronomio 30:9 - Biblia Dc en Mixe de Quetzaltepec

⁹ Yë Wintsën yë'ë mputëkëjanëtëp oy tii xytyimtuntëty. Yë'ë nëjkx tkënu'kxy ja m'u'unk m'ëna'këty, mjëyujk mtsajpkaajëty, mtsajppax mkupixynyëty ets mkamëty mtu'ujëty, ijxtëm yam xymyëtowtën. Yë Wintsën jotkujk myaj'ita'anëtë. Jotkujk nëjkx nyäjyawëty ko ënety mputëkëtë, jëtu'un tä ijty tputëkën ja m'ap m'okëty.

Biblia Mixe de Quetzaltepec

⁹ Yë Wintsën yë'ë mputëkëjanëtëp oy tii xytyimtuntëty. Yë'ë nëjkx tkënu'kxy ja m'u'unk m'ëna'këty, mjëyujk mtsajpkaajëty, mtsajppax mkupixynyëty ets mkamëty mtu'ujëty, ijxtëm yam xymyëtowtën. Yë Wintsën jotkujk myaj'ita'anëtë. Jotkujk nëjkx nyäjyawëty ko ënäty mputëkëtë, jëtu'un tä ijty tputëkën ja m'ap m'okëty.

Deuteronomio 30:9 ပူးပေါင်းရင်းမြစ်များ

Jeremias 32:41

Ëjts oyës nëjkx nnäjyawëty ko ënety oy jyuuky'atë, winë aaw winëjot nëjkx yaa nyajtsëënëtës ma ya'atë naax kajpnën.

Jeremias 33:9

Yë Jerusalén kajpn nëjkxëpës mëj këjää ntukxoontä'äky, nëjkxëp jam yaj'ixy ja nmëj'ajt n'oyajtënës ets nijawëtëty tu'kë'ëyë ja naax kajpn. Nëjkxëp tsyë'ëkëtë ko ënety tnijawëtë wi'ix ja Jerusalén kajpn tpaatyën ja näypyutëkë maas ëjtsën ets wi'ix të jyotkujkta'aktën.

Deuteronomio 28:4

Kënu'kxy y'itëty yë m'u'unk m'ëna'k, yë mkam mtu'u ets mjëyujk mtsajpkaa, mtsajppax mkupixyny.

Juan 15:11

Paaty jëtu'un nëëmëtë ets mxoonta'aktëty mëët ëjts ets ja mxoontakën kya'pxtëty.

Lucas 15:32

Tyam, kopkpëky ntu'unmëty yë xëëw, tsojk ntukxoontakëmë. Jä'ä ko ya'atë n'u'unkës, jëtu'un tpaaty ijxtëm jeexyë të y'o'knën; e tyam, tëë jyuukpyiky; jëtu'un tpaaty ijxtëm jeexyë të tyëkoy'ityën e tyam tëë yajpaaty.

Jeremias 31:28

Jëtu'un tääjës ojts poj'am nwijxë'ëky nnujkë'ëkyën ja ëxëëkpë ets nkujijtnajxyës mëti'ipës ka'ap n'oy'ixyën, xit ko'ow ntuunyës ets nyajkutëkooytyääyës ja ka'apë myëtëyëtyën, jëtu'unës näjyëtu'un jëjp'ixy nyajpaata'any ets jyää'atëty ja kojën mä'kxën. Ëjts Wintsën, ëjts ënaanp.

Isaías 65:19

Ëjts jotkujkës nnäjyawëja'anyë mëët yë Jerusalén, ets xoonta'akaanpës mëëtës yë nnaax nkajpn, ka'ap nëjkx nijëna'a pën jyi'iy yä'äxy, ets ka'ap nëjkx nijëna'a pën myony tyuky.

Deuteronomio 28:63

Jëtu'un tä ënety ja Wintsën janty'oy të nyäjyawëtyën ko të mayëtë, nëjkxëp oy nyäjyawëty ko ënety o'ktëy mjajnëtë mkëpäjnëtë ets ni'ikyë mkukëjx mkutujkënëtë, ma ja it naaxwiinyëtën mëti'ipë të mjayajmo'otën, atsip nëjkx jam mtso'ontaaynyëtë.

Sofonías 3:17

Yë Wintsën, mëti'ipë mTios'ajtypyën, itkujky yajpaaty ma mijtsën, yë'ë maaytyääyëp winë ets myajtso'okanëp. Mtukxoontakëp yë Wintsën. Yë tsyojkën jya'awën yë'ë mjuukyajtën yaj'ajämëjäämpy; ets tyukxoonta'akäämpy ko ënety jotkujk yajpaaty

Isaías 62:5

Jëtu'un tä tu'uk yë yä'äy ëna'k pyikyën mëët ja kiixy, jëtu'un ja Dios mpëka'anyë, nëjkxëp myaj'oyëty ets jotkujk nyäjyawëja'anyë mëët mijts tä tu'uk ye'etyëjk nyäjyawëtyën ko pyiky mëët ja tyo'oxytyëjk.

Deuteronomio 30:8

E miitsëty nëjkxëp jatëkok mjootwinpitë ma ja Wintsënën ets nëjkx xymyëmëtowtë ets xypyatuunëtë ja y'ënä'ämën tyiyajtën, mëti'ipë tyam ntuk'ënä'ämtëpën.

Jeremias 31:27

Jëtu'un yë Wintsën y'ënä'äny: Pyatäämpy ja xëëw jëmëjt ma myäyëja'antë yë ja'ay ets aayjëyujk ujtsjëyujk ma Israel kajpnën ets ma Judá kajpnën.

Deuteronomio 7:14

Miitsëty ni'ik nëjkx myajkënu'kxtë këtiinëm ja wiinkëtypë ja naax kajpn. Tëkokyë yë to'oxytyëjkëty nëjkxëp yë y'u'unk y'ëna'k tmëët'atë ets ye'etyëjktëjk aak'oy aak mëk yajpaatëty; yë mjëyujk mtsajpkaajëtyën ets mtsajppaxëty mkupixynyëty nëjkxëp oy tsuj y'u'unk'ixtë.

Isaías 62:4

Ka'ap nëjkx m'ëk yajtijnë Tëë yaj'ëxmatsy ets ka'ap nëjkx mnaax mkam y'ëkyajtijnë Tëë kyutëkoy, yë mxëëw jä'ä nëjkx yajtijy Ëjts Ntsojkën, ets mnaax mkajpn jä'ä nëjkx yajtijy Ëjts Nto'oxytyëjk, jä'ä ko mijts yë Wintsën ni'ik mtsojkën'ajtëp, ets yë'ë jëtu'un itaanp tä mniye'etyëjkën ma mnaax mkajpnën.