Deuteronomio 30:7 - Biblia Dc en Mixe de Quetzaltepec

⁷ Yë Wintsën mëti'ipë miits mTiosajtëpën tyajkëtä'äky ja jotmay ma mmëtsipëtyën jëtu'un tä të yajnikäjpxyën ets mëti'ipë ënety të m'ëxëëk'ixëtën ets të m'ixjëtit të mpajëtitëtën.

Biblia Mixe de Quetzaltepec

⁷ Yë Wintsën mëti'ipë miits mTiosajtëpën tyajkëtä'äky ja jotmay ma mmëtsipëtyën jëtu'un tä të yajnikäjpxyën ets mëti'ipë ënäty të m'ëxëëk'ixëtën ets të m'ixjëtit të mpajëtitëtën.

Deuteronomio 30:7 ပူးပေါင်းရင်းမြစ်များ

Deuteronomio 7:15

Yë Wintsën jyëpëkäämpy yë pëjkën ato'onën ma miitsëtyën ets ja ëyo'on jotmay jëtu'unpë tä ja mëti'ipë jap këtakën Egiptë, e jä'ä tëy ja mëti'ipë mëtsip'ajtëtëpën, nëjkxëp ja mëk tyaj'ëyoy mëët ja ëyo'on jotmay.

Isaías 10:12

Ko ënety ja Wintsën të tyajnaxy ja tsyip y'äkë ma ja Jerusalén ja'ayëtyën, tääts tëytyu'una'any ja Asiria yajkutujkpë, mëët ko ënety amëj akëjxm të jyuuky'äty.

Zacarías 12:3

Ënet yë Jerusalén kajpn nyaj'awinpita'anyës tä tu'uk yë juuntsaajën ma ja naax kajpnëtyën. Yajtsëtyutäämpy ja ja'ay mëti'ipë ënety ja këëyë'ëkanëpën. Nëjkxëp tu'kë'ëyë ja naax kajpn nyäkyäjpxyë ets nëjkx tyajnatuktë ja Jerusalén kajpn,

Abdías 1:10

Wintsëtyu'un jëjptsëtyu'un nëjkx mwë'ëmy ets xëmëkyëjxm nëjkx mkutëkoy ko ëxëëk të xytyuny ets të xyaj'ooky ja mëkä'äx Jacob.

Amós 1:13

Jëtu'un yë Wintsën y'ënä'äny: Yë Amón ja'ayëty mëj këjää yë nëë poky të tuuntëkoytyë paaty kopkpëky koos ntëytyuna'antë; jä'ä ko yë'ëjëty ko ja nyaax kyajpn tyajmëjëjantë, yaj'o'ktë ja to'oxytyëjk mëti'ipë ënety u'unk maay nyëkëjxm'ajtëpën ets tmoxmëtsujkëtyääytyë mëti'ipë jam Galaad yajpatëpën.

Amós 1:11

Jëtu'un yë Wintsën y'ënä'äny: Yë Edom ja'ayëty mëj këjää yë nëë poky të tuuntëkoytyë ets ka'apës jëtu'unyë nyajninaxa'any; jä'ä ko yë'ëjëty mëët yë tëypyujxn tpajëtijtë yë jyiiky myëku'ukëty, yë Israel ja'ayëty ets ninu'un tkapa'ëyoowtë. Ka'ap ojts kyu'uxëtë mëët ja jyoot'an, ka'ap kyijxy ja tsyip y'äkëty.

Amós 1:9

Jëtu'un yë Wintsën y'ënä'äny: Yë Tirë ja'ayëty mëj këjää yë nëë poky të tuuntëkoytyë ets ka'apës jëtu'unyë nyajninaxa'any; jä'ä ko yë'ëjëty ojts tkë'ëyaktë yë naax kajpn mëti'ipë ënety mëët ja käjpxytyu'unën të tuntën, jëtu'un tä tu'uk ja'ay tu'kmëkä'äx tii tkäjpxytyunyën ets tkë'ëyajktë jam ma Edom ja'ayëtyën.

Amós 1:6

Jëtu'un yë Wintsën y'ënä'äny: Yë Gaza ja'ayëty mëj këjää nëë poky të tuuntëkoytyë ets ka'apës jëtu'unyë nyajninaxa'any; jä'ä ko yë'ëjëty naax kajpn të tmatstë ets ojts tukmëtooktë yë Edom ja'ayëty tä tu'uk ja'ay yajtookyën mëti'ipë ëyoop mëtuunpën.

Amós 1:3

Jëtu'un yë Wintsën y'ënä'äny: Yë Damasco ja'ayëty mëj këjää yë nëë poky të tuuntëkoytyë, ka'apës jëtu'unyë nyajninaxa'any; jä'ä ko jëtu'un yë Galaad ja'ay të twop të tka'atstë tä ja'ay twinwopyën yë tsajpmok mëët yë pujxn ko tyajpajk'aty.

Ezequiel 25:15

Ëjts Wintsën jëtu'unës n'ëna'any: Yë filistejë ja'ayëty tëë y'äkë tuunwinpitë, tëë ëxëëk y'ëtë'ëtstë y'ëna'antë ijxtëm yë jyot wyinma'any tyim ëna'antën; tëë tyajkutëkooytya'atë winë tä të tuknipëjktaakëtën ma tmëtsip'atën xëmë yë Israel ja'ayëty.

Ezequiel 25:12

Ëjts, Wintsën, jëtu'unës n'ëna'any: Edom tëë tuunwinpity ijxtëm ojts tyunyën yë Judá, paaty ja nëë poky të tsëëmë'ëky.

Ezequiel 25:8

Ëjts Wintsën jëtu'unës n'ëna'any: Moab ja'ayëty ets Seir ja'ayëty jëtu'un y'ëna'antë ko yë Judá kajpn näjyëtu'un yë'ë tä wiinkëtypë kajpnën.

Ezequiel 25:6

Ëjts Wintsën, ëjts ënaanp: Miitsëty Amón ja'ayëty tëë m'ätstë ets tëë mxoonta'aktë, tëë xy'ixtijtë yë Israel kajpn.

Ezequiel 25:3

Xy'ënëëmëty ko wä'än t'amëtoow'itë ja aaw ayuk mëti'ipë Wintsën tuknikäjxëtëpën: Miitsëty ojts xytyukxoonta'aktë ko xy'ijxtë ja ntsajptëjkës o'ktëy jyäty kyëpety, ko xy'ijxtë ja naax kajpn kyutëkooy ets ko ojts ja Judá ja'ayëty yajmënëjkxtë tsumy matsy wiink naax wiink kajpn.

Jeremias 25:29

Jä'ä ko jamës nyajtso'onta'aka'any yë ëyo'on jotmay ma ja kajpnën mëti'ipës ojts ëjts njayajtuknikënu'kxën. ¿E miits m'ënantëp ko ka'ap myajtëytyuntëtyë? Miitsëty ka'ap myajnimä'kxa'antë, jä'ä ko nyajtso'onta'akäämpyës yë tsip ma tëkokyë yë naax kajpn yajpaatën. Ëjts Wintsën mëti'ipë maaytyääyëpën winë, ëjts ënaanp.

Éxodo 23:22

E pën mëmëtoopy ets mtuumpy jëtu'un ijxtëm yam n'ënëëmën, ëjts nmëtsip'atëpës ja mëti'ipë mmëtsip'ajtëpën ets njëjpkuwa'akëjäämpyës ja mëti'ipë mjëjpkuwa'këyëpën.

Deuteronomio 30:8

E miitsëty nëjkxëp jatëkok mjootwinpitë ma ja Wintsënën ets nëjkx xymyëmëtowtë ets xypyatuunëtë ja y'ënä'ämën tyiyajtën, mëti'ipë tyam ntuk'ënä'ämtëpën.

Jeremias 30:16

Je'eyëp tëy ko pën ëxaty mtunëtëty, ëxëëk jyata'any, tëkokyë yë mmëtsiptëjk nëjkxta'ajantëp tsumy matsy wiink naax wiink kajpn, yajpëjkëtya'ajantëp mëti'ipë të mpëjkëtyën ets yajmä'tsta'ajantë mëti'ipë të mmäätsëtën.