Deuteronomio 30:17 - Biblia Dc en Mixe de Quetzaltepec

¹⁷ E pën kajts xytyuntë këwentë, ja wiink wintsën jä'ä mpanëjkxtëjkëtyëp ets mwinkoxtënaaytyëp.

Biblia Mixe de Quetzaltepec

¹⁷ E pën kajts xytyuntë këwentë, ja wiink wintsën jä'ä mpanëjkxtëjkëtyëp ets mwinkoxtënaaytyëp.

Deuteronomio 30:17 ပူးပေါင်းရင်းမြစ်များ

Hebreos 3:12

Mëku'uktëjkëty, näkyëwent'atëtë këtiipë nitu'uk ja mjot mwinma'any xymyëët'atëty ëxëëk, mëti'ipë tuk'ëxmajtspën ja Dios Juukpyë, ko ënety xykyamëpëktë.

2 Timoteo 4:4

Ka'ap tmëtoow'ita'antëty ja mëtëypyë, yë'ë nëjkx tmëjpëjkta'aktë ja apmëtyä'äky.

Proverbios 1:32

Yë ja'ayëty mëti'ipë ka'ap tii tjatën tnijawëtën, mëpaatëp y'ooktë ko ka'ap tii tmëwinma'anypyaatë, ets mëti'ipë tsuujëtyën kë'ëm ëxëëk nyätyunëtë ko ka'ap tii yajxon tmëmay tmëtajtë.

Hebreos 12:25

Näkyëwent'atëtë, mëmëtowtë ja Dios. Mëti'ipë ja Dios kyamëmëtoowtën ko ojts jyamëkajpxëtë yaa naaxwiiny, kyëpäjtë jä'ä. Näyjyëtu'un nëjkx njajtëm pën npäjxëm mëti'ipë xymyëkajpxëmën tsajpjotm.

Proverbios 14:14

Yë tsuuja'ay jotkujk nyäjyawëty ko tsyuujëty; e yë wijyjyä'äy yë'ë yajjotkujk'ajtëp ko wyijyëty.

1 Reyes 11:2

yë'ë ya'atë to'oxytyëjkëty mëti'ipë ojts yë Wintsën tnikäjpxyën ka'ap mëët ja Israel ja'ayëty pyëktëty y'uuktëty, jä'ä ko pën pëjktëp uktëp mëët kopkpëky ko ja jyot wyinma'any yajtëko'oyxyëtëty. E ja Salomón mëët ko ja tsyojkën jya'awën tyajwintu'upëjky myëëttsënaay jëtu'unpë ja to'oxytyëjk.

1 Samuel 12:25

E jää tëynyë ko ënety miitsëty je'eyë ja ëxëëkpë xypyanëjkxtëjkënëtë, nëjkxëp ja mkutëkooynyëtë, näjyëtu'un ja myajkutujkpëty.

Deuteronomio 17:17

Ka'ap mëpaat nëkooyë yë to'oxytyëjk tmëët'aty, këtiipë nyäyajkujo'opëtëty ets pu'ts pujxn poop pujxn ka'ap nëkooyë tmëët'atëty.

Deuteronomio 30:16

Pën mtuuntëp ijxtëm yam ntuk'ënä'ämtën ets pën mtsojktëp mja'awëtyëp ja mWintsën mëti'ipë mTiosajtëpën ets pën mpanëjkxtëp ja nyë'ë tyu'u ets pën mpatuuntëp ja y'ënä'ämën tyiyajtën ets ja y'aaw y'ayuk, jotkujk nëjkx mjuuky'atë ets Wintsën mëti'ipë miits mTiosajtëpën nëjkxëp mkënu'kxëtë näjyëtu'un ja m'u'unk m'ëna'këty jam ma ja it naaxwiinyëtën mëti'ipë mjä'ä'atantëpën.

Deuteronomio 30:18

Tyam yajxon ntimtyukja'aymyätstë, ko miitsëty nëjkxëp m'o'kta'atë, ka'ap nëjkx ninu'un jam m'ëk poxnëtë ma ja it naaxwiinyëtën, mëti'ipë mnitsiptunantëpën ets xynyiwa'aka'antën, jä'ä jëtu'un ja jampë yajpaatyën nëë awinaxy, ma ja Jordán mëjnëëjën.

Deuteronomio 11:16

E miitsëty mëk mnäkyëwent'atëtëty, këtii myajwin'ëëntëty, këtiipë Wintsën nijëna'a xy'ëxmatstëty ets wiink wintsën xypyanëjkxtëkëtëty, xy'ëwtatëty, ëkë xywyinkoxtänëtëty.

Josue 22:15

Tä ojts tyu'upëktë ets jam jyajtë Galaad ma ënety jam yajpaatën ja Rubén, Gad ets nikujkwä'kxy ja Manasés ja jyä'äy, tääts t'ënëmaaytyë:

1 Samuel 12:21

Këtii yë'ë xypyanëjkxtëkëtëty yë wiink tios, mëti'ipë ka'ap tjëkyepyën mputëkëty ets myajtso'okëtëty.