Deuteronomio 30:16 - Biblia Dc en Mixe de Quetzaltepec

¹⁶ Pën mtuuntëp ijxtëm yam ntuk'ënä'ämtën ets pën mtsojktëp mja'awëtyëp ja mWintsën mëti'ipë mTiosajtëpën ets pën mpanëjkxtëp ja nyë'ë tyu'u ets pën mpatuuntëp ja y'ënä'ämën tyiyajtën ets ja y'aaw y'ayuk, jotkujk nëjkx mjuuky'atë ets Wintsën mëti'ipë miits mTiosajtëpën nëjkxëp mkënu'kxëtë näjyëtu'un ja m'u'unk m'ëna'këty jam ma ja it naaxwiinyëtën mëti'ipë mjä'ä'atantëpën.

Biblia Mixe de Quetzaltepec

¹⁶ Pën mtuuntëp ijxtëm yam ntuk'ënä'ämtën ets pën mtsojktëp mja'awëtyëp ja mWintsën mëti'ipë mTiosajtëpën ets pën mpanëjkxtëp ja nyë'ë tyu'u ets pën mpatuuntëp ja y'ënä'ämën tyiyajtën ets ja y'aaw y'ayuk, jotkujk nëjkx mjuuky'atë ets Wintsën mëti'ipë miits mTiosajtëpën nëjkxëp mkënu'kxëtë näjyëtu'un ja m'u'unk m'ëna'këty jam ma ja it naaxwiinyëtën mëti'ipë mjä'ä'atantëpën.

Deuteronomio 30:16 ပူးပေါင်းရင်းမြစ်များ

Deuteronomio 30:6

Nëjkxëp jap tpëjktä'äky ja oy'aaw oy'ayuk ma ja mjot mwinma'anyëtyën ets ma ja m'u'unk m'ok ja jyot wyinma'anyëtyën. Yë'ë nëjkx tu'ukyë xytsyoktë xyjyawëtë winë aaw winëjot, tu'ukyë jot tu'ukyë winma'any ets nëjkx jotkujk mjuuky'ajnëtë.

Juan 14:21

Pën kyupëjkpy ja n'ënä'ämënës ets pyatuumpy, yë'ë yajnikëxë'kpy koos xytsyoky, ets pën xytsyojkpës, tsokanëp ja nTeetyës ets ntsokäämpyës näjyëtu'un ets nnänyikëxë'ëkanëp ëjts ma yë'ëjën.

Deuteronomio 6:5

Tsok jawë yë Wintsën Dios winë aaw winëjot, mëët tu'kë'ëyë mjot mja'awën ets tu'kë'ëyë mjot mmëjaaw.

1 Corintios 7:19

Ka'ap maa tyuny pën tsuky katsuky, yë'ë tuunp pën pyatuumpy ja Dios ja y'ënä'ämën.

Deuteronomio 4:1

Miitsëty Israel ja'ayëty mëtoow'itë ya'atë tëyajtën ets ënä'ämën mëti'ipë yam ntukni''ixëjantëpën ets xykyuuytyuntëty. Yë'ë mtukjuuky'atëp ko ënety jam myajpaatë ma ja naax kamën mëti'ipë yë Wintsën mo'ojanëtëpën, yë Dios mëti'ipë ja m'ap m'ok Tyiosajtën.

Deuteronomio 30:17

E pën kajts xytyuntë këwentë, ja wiink wintsën jä'ä mpanëjkxtëjkëtyëp ets mwinkoxtënaaytyëp.

Deuteronomio 30:19

E tyam yë'ëjës yam yë tsajp ets naaxwiinyëtë npëjktäkpy tä jeexyë ijxpë nija'apën ets tä jeexyë y'ixtën myëtowtën ma miitsëtyën, ko miits yam ntukwin'ixtë, mëti'ipë juukyajtën mtsojkën'ajtëp: pën yë'ë mwin'ijxtëp ma jeky mjuuky'atëtyën ëkë pën yë'ë ja o'kën tëko'oyën. Pën yë'ë ja näkyënu'kxën ëkë pën yë'ë ja näpyojkën. Ëjts jëtu'unës yam kë'ëm n'ëna'any, ko yë'ë mwin'ijxtëp ja juukyajtën ma jeky mjuuky'atëtyën mëët ja m'u'unk m'okëty.

1 Reyes 3:3

Salomón tsyojkpy jya'ap ënety ja Wintsën ets tyuunpy tä ja David të ënety të tyuk'ëne'emyën, oy jam ja wyintsë'kën xëmë tyäky ma ja tun kopkën,

Proverbios 3:1

U'unk maay, këtii xyjyä'äytyëkoyëty yë n'ijxpëjkënës. Pëjkë'ëk ma mjot mwinma'anyën yë n'ënä'ämënës,

Isaías 1:19

Ko miitsëty xykyupëktëty ko mmëtowantëp, nëjkxëp mka'ayën m'ukën xypyaatë oyëtypë;

Deuteronomio 5:33

Yë'ë ja në'ë tu'u panëjkxtë mëti'ipë ja Dios të mtukni''ixëtën ets jëtu'un jotkujk mjuuky'atëty jeky ma ja it naaxwiinyëtën mëti'ipë ja Wintsën të mmo'ojëtën ets xyjyä'ä'atëty.

Deuteronomio 32:47

Ya'atë aaw ayuk ka'ap tjëkyepy namaa natii xyjyawëtëty, ya'atë ënä'ämën yë'ë nëjkx myajjuuky'atëtë ko xypyatuntëty. Ko xytyuntëty ijxtëm y'ëne'emyën, jeky nëjkx mjuuky'atë ma ja it naaxwiinyëtën jampë yajpaatyën nëë awinaxy, ma Jordán mëjnëëjën, mëti'ipë miitsëty mniwa'akantëpën.

Josue 23:11

Paaty miitsëty mnäkyëwent'atëtëty ets mëk yë mWintsën Tiosëty xytsyoktëty xyjyawëtëty.