Deuteronomio 30:10 - Biblia Dc en Mixe de Quetzaltepec

¹⁰ E ënät jyëtu'un'atëty, pën mëmëtoowtëp yë Wintsën ets pën mpatuuntëp ja y'ënä'ämën tyiyajtën, mëti'ipë jap jaaypyety miinpën ma ja nokyën ma këxja'ay myiinta'ayën ja y'aaw y'ayuk ets ko ënety të mjootwinpitë winë aaw winëjot.

Biblia Mixe de Quetzaltepec

¹⁰ E ënät jyëtu'un'atëty, pën mëmëtoowtëp yë Wintsën ets pën mpatuuntëp ja y'ënä'ämën tyiyajtën, mëti'ipë jap jaaypyety miinpën ma ja nokyën ma këxja'ay myiinta'ayën ja y'aaw y'ayuk ets ko ënäty të mjootwinpitë winë aaw winëjot.

Deuteronomio 30:10 ပူးပေါင်းရင်းမြစ်များ

Deuteronomio 4:29

E pën miitsëty mja'amyäjtstëp jatëkok ja mWintsënëty mëti'ipë mTiosajtëpën ets winë aaw winëjot xymyëkajpxtë, nëjkxëp xypyaatë.

1 Corintios 7:19

Ka'ap maa tyuny pën tsuky katsuky, yë'ë tuunp pën pyatuumpy ja Dios ja y'ënä'ämën.

Nehemías 1:9

e ojts näjyëtu'un xynyikäjpxy pën ëëts jootwinpijtëpës ets mpatuuntëpës ja m'ënä'äm mtëyajtën ets oy ëëts axit ako'owë ënety nyajpaatë, koos mpatuntëty ja m'ënä'ämën mtëyajtën, mijts jamës nëjkx xyajtsoontë ets xyajmintës jatëkok ma ja kënu'kxypyën ja naax kajpn ma mijts xywyin'ijxyën ets jam ja mxëëw y'itëty ets yaja'amyatsëty.

Deuteronomio 30:8

E miitsëty nëjkxëp jatëkok mjootwinpitë ma ja Wintsënën ets nëjkx xymyëmëtowtë ets xypyatuunëtë ja y'ënä'ämën tyiyajtën, mëti'ipë tyam ntuk'ënä'ämtëpën.

Deuteronomio 30:2

Ets mjootwinpitëty, xyjyä'ämyätstëty jatëkok ja Wintsën mëët tu'kë'ëyë ja m'u'unk m'ëna'k ets xytyuntëty winë aaw winëjot tä yam të ntuk'ënä'ämtën.

Hechos 26:20

Täätsës jëyëjp ojts ntuk'ëwaanëtë ja Dios ja y'aaw y'ayuk ja ja'ayëty mëti'ipë jam tsënaaytyëpën Damaskë ets näjyëtu'un jam Jerusalén ets mëti'ipë jam ijtëpën Judea y'itjotm; näjyëtu'un ntuk'ëwa'anëtyës mëti'ipë ka'ap jyutiis ja'ay'atën. Jëtu'unës ja ja'ay n'ënëmaay ets jyotwinpitëty ets ja Dios tmëpëktëty ets jëtu'un tyajnikëxë'ëktëty ko tëë t'ëxmatstë ja y'ëxëëk winma'anyëty.

Hechos 3:19

Paaty xy'ëxmatstëty ja m'ëxëëk winma'anyëty ets mwinpitëty ma Tiosën, jëtu'unts ja mpoky yajmä'kxtëty,

Ezequiel 33:19

Ets pën yë ëxëëk ja'ay y'ëxmajtsyp yë y'ëxëëk juukyajtën ets tuny ja mëtëypyë ets oy jyuuky'äty, mëëtkyëjxm ko ënety ja jyuukyajtën të tyajtëkatsy nëjkxëp ja jyuuky'äty.

Ezequiel 33:14

E koos tu'uk yë ëxëëk ja'ay nyajnitukëty ets y'ookëty ets yë'ë tyaj'oyëty ja jyuukyajtën ets tii winë oy tunëty,

Ezequiel 33:11

E ëjts Wintsën, njuukyajtënës yam ntukkajpxpejtyp ko ëjts ka'apës ntsoky ets ëxëëk ja'ay y'ookëty, yë'ëjës ntsojkpy ets jyuukyajtën tyajtëkatstëty ets jyuuky'atëty. Miitsëty Israel ja'ayëty ëxmatstë tääpë ëxëëk juukyajtën. ¿Tii ko m'ooktëty?

Ezequiel 18:21

E pën yë ëxëëk ja'ay y'ëxmajtsyp yë y'ëxëëktu'un y'ëxëëk kajpxën ets tpatuny tëkokyë yë ntëyajtënës ets tuny mëti'ipë mëtëyën ets wa'atsën, tëyajtën yë'ë ko tääpë ja'ay juuky'ataanp ets ka'ap y'ooka'any.

Deuteronomio 29:21

Yë Wintsën ëpëky nëjkx tpëjktä'äky jëtu'unpë ja'ay ma Israel ja'ayëtyën ets nëjkx jam muum atu'uk tyuk'ëyoowtu'uty ets ja pojkën atu'uk tmë''ëyowëty, tä mëti'ipë jap yajnikajpxtëpën ma ja nokyën ma ja tëyajtën myinyën.

Deuteronomio 30:11

Ijxtëm yam kë'ëm xy'ixtën xytyuntën ya'atë tëyajtën, ka'ap nëkooyë tsyipëty ijxkëm m'ënaanpëtë ka'ap yajmëmëta'akëty.

Deuteronomio 6:5

Tsok jawë yë Wintsën Dios winë aaw winëjot, mëët tu'kë'ëyë mjot mja'awën ets tu'kë'ëyë mjot mmëjaaw.

Zacarías 6:15

Nëjkxëp yë ja'ay muum jëkäm tsyoontë mëti'ipë nëjkx tyuntën ma ënety ja Wintsën ja tyëjk yajkoj'oyën; jëtu'un xynyijawëtëty ko yë Wintsën mëti'ipë maaytyääyëpën winë yë'ëjës të xykyexy. Ya'atë tunan jatanëp ko ënety miitsëty xymyëtowtë ets xypyatuntë ja Wintsën ijxtëm të y'ënä'änyën.