Deuteronomio 3:5 - Biblia Dc en Mixe de Quetzaltepec

⁵ Tëkokyë tääpë naax kajpn aak napotsy ets kuwa'any ijtyëty, oyëty ets ta'tspëkyëty yë nyitëjk'aaw. Ëpëky näjyëtu'un ja kajpnëty mëti'ipë ka'ap nyapotsy'atën.

Biblia Mixe de Quetzaltepec

⁵ Tëkokyë tääpë naax kajpn aak napotsy ets kuwa'any ijtyëty, oyëty ets ta'tspëkyëty yë nyitëjk'aaw. Ëpëky näjyëtu'un ja kajpnëty mëti'ipë ka'ap nyapotsy'atën.

Deuteronomio 3:5 ပူးပေါင်းရင်းမြစ်များ

Nehemías 9:25

Ojts tjä'ä'atë may ja naax kajpn mëti'ipë ënety ta'tspëkyëtyën ets mëti'ipë myëët'ajtypyën ja naax kajpn oyëtypë ets jë'kxynyaaxpë, ja naax kajpn ma oyëtypë ja jëën tëjkën ujtsëty mëët ja jë'kxy pëky ets wit meeny, jam'ajtp ja nëë, jam'ajtp ja kam, aaykyam ujtskam ets jë'kxykyam; ets kyääytyë y'uktë koonëm kyuxëtë ets jyot tyiin'ak tyaj'ujtstë mëët ko ënety mijts ja m'oyjot m'oywyinma'any xymyëët'aty.

Ester 9:19

E ja Jutiiyë ja'ayëty mëti'ipë tsënaaytyëpën ma ja mutsk kajpnën, mëti'ipë ka'ap nyapotsyëtyën, jää xyëëwtuuntë ma myajkmajkts'anyën yë Adar po'o. Tääts jää xyiktë y'ëwë'ktë ets xoontä'äky yajpatë ma ja xëëw ënety tyunyë jyätyën, nixim niyam nyämyooyëtë ja näynyamo'ojë.

Deuteronomio 1:28

E tyam, ¿maa ënät nëjkxmëty? Yë nmëkukajpn'ajtëmë jëtu'un y'ëna'antë, ko ma tääpë itjotmën tam yë ja'ayëty mëti'ipë mëkëtyën ets këjxmëty tyänëtë. Ets nyaax kyajpnëty ta'tspëky oy nyapotsy'atë ets näjyëtu'un nikajpxtë, ko tëë t'ixtë yë y'u'unk y'ok yë ja'aypyajkyeny Anac. Tääpë aaw ayuk jëtu'unyë të xy'ëtsë'këtyä'äyëmë.

Deuteronomio 3:4

Ja nyaax kyajpn ojts niwa'ktaayëtës ets nitu'uk ojts nkayajwë'ëmtës, jä'ä nyiwinë'ajtë tëkë'px ja kajpn, jampë ënety yajpaatën, ma ja it naaxwiinyëtë txëëwatyën Argob, mëti'ipë nyiwäämpyën ja Og jampë y'ëne'emyën Basán.

Deuteronomio 3:6

Tëkokyë tääpë kajpn ojts nyajkutëkooytya'atës, jëtu'un tä ënety të ntuntënës ja Sihón ja nyaax kyajpn jampë y'ëne'emyën Hesbón. Wa'ats nyaj'o'ktaaytyës ye'etyëjk to'oxytyëjk ets mëjpë mutskpë.

Hebreos 11:30

Mëët ko myëpëjktë, ojts ja Jericó kajpn napotsypë kyëtäy ko ja Israel ja'ayëty wëxtujk xëëw ja kajpn tna'ëwtijtë.

1 Samuel 6:18

E ja tsuk näjyëtu'un nyiwinë'atë tä ja filistejë ja kyajpnëtyën, ma ja nimëkoxpë kyukajpn'atën ja filistejë ja'ayëty. Ja mëjtsaa mëti'ipë yajnikajpxpën ma tpëjktaktën ja kaaxë, tyampaat je'eyën jam yaj'ixy ma jam ja kyamën ja Josué mëti'ipë jam kukajpn'ajtpën Bet-semes.