Deuteronomio 3:24 - Biblia Dc en Mixe de Quetzaltepec

²⁴ Wintsën mijts ëka'any të xytyuk'ixy ya'atë mtuunpë yë mmëkajtën ets m'oyajtën. Ka'ap ma wiinkpë jëtu'unpë Dios myëjëtyën tä mijtsën, jam tsajpkëjxm ets yaa naaxkëjxy ets jëtu'unpë tyajkëxë'ëkyën ja myëj'ajt y'oyajtën.

Biblia Mixe de Quetzaltepec

²⁴ Wintsën mijts ëka'any të xytyuk'ixy ya'atë mtuunpë yë mmëkajtën ets m'oyajtën. Ka'ap ma wiinkpë jëtu'unpë Tios myëjëtyën tä mijtsën, jam tsajpkëjxm ets yaa naaxkëjxy ets jëtu'unpë tyajkëxë'ëkyën ja myëj'ajt y'oyajtën.

Deuteronomio 3:24 ပူးပေါင်းရင်းမြစ်များ

Éxodo 15:11

Wintsën; nimëti'ipë tios mijts mkamëpaatëtëty. Nimëti'ipë tios winë tëyajtën tkatuny, tä mijts winë tëyajtën xytyunyën. Mijts mëj këjää winë xytyuny ets atsë'ëk ajawë. Mijts mpatëp myajmëjjaw myajjaantyjyawëty.

Salmos 71:19

Yë mëtëypyë mnipaye'eyën, mijts Dios, jajtp jam tsajpwinm; mëjwiin këjää winë të xytyuny, kamaa jëtu'unpë tios tä mijtsën.

Deuteronomio 11:2

Ja'aykyukëtë tii ja Wintsën mtukni''ixëjanëtëp, oy ja m'u'unk m'ëna'këty tyam ka'ap tja'akyukëtë ets ka'ap tnijawëtë. Mëmay mëtajtë wi'ix yë'ë myëjëtyën ets wi'ix winë tunyën.

Salmos 86:8

Ka'ap ma wiinkpë tios jëtu'unpë tä mijtsën, Wintsën. Ka'ap ma wiinkpë mëti'ipë jëtu'un winë tyuunpyën tä mijtsën.

2 Samuel 7:22

paatyës njanty y'ënä'äny, ko mijts Wintsën mëj këjää winë xytyuny xykyäjpxy, ka'ap maa wiinkpë jëtu'unpë tä mijtsën; ka'ap maa jëtu'unpë Wintsën tä mijts mWintsën'atyën, mëti'ipës kë'ëm të n'ixtën ets të nnijawëtën.

Daniel 3:29

Tyam yë'ëjës yam nikäjpxyp ko pën ëxëëk tnikäjpxy tnimëtya'akëty yë Dios mëti'ipë tyaapë ëna'këty y'ëwtajtëpën nëjkxëp yaj'atsuk yajtuktsukë ets nëjkx ja jyëën tyëjk tsaanipiy y'awinpity oy ënety myaakajpnëty tsyoony ets wä'än myëti'ipë y'ayukëty tkäjpxy, jä'ä ko ka'ap maa tios mëti'ipë jëtu'un yajtsokpën tä yë'ëjëty yë Tyiosëtyën.

Jeremias 10:6

Wintsën, ni pën kyajëtu'unëty tä mijtsën: Mijts mmëët'ajtyp yë mëj'ajtën, yë mxëëw mëj këjää muum nyäxy ets mmaaytyääyëp winë.

Isaías 40:25

Jëtu'un ja Wintsën Wa'atspë tyajtëy tyam: ¿Tiis mëët xy'ijxkijpxa'antë? ¿Pën xy'ëkmëpaatëpës?

Salmos 145:6

Nëjkxëp yajnikäjpxy yajnimëtyä'äky yë mëjpë këjääpë të xytyuny të xykyäjpxyën ets atsë'ëk ajawëpë, näjyëtu'un nnimëtya'akäämpyës yë mmëjajtën mkëjxm'ajtën.

Salmos 106:2

¿Pën ëkmayëtëp tnimëtya'akëty wi'ix yë Wintsën të myëtä'äkyën, ¿Pën ëkmayëtëp tmëjpëjkta'akëty ijxtëm pyaat'atyën?

Salmos 89:8

Wintsën, mëti'ipë maaytyääyëpën winë, tëkokyë yë mëj'ajtën kuttujkën mijts yë mjä'ä, mijts jä'ä m'ity natuky mëët yë tëyajtën; paaty ka'ap ma wiinkpë Dios jëtu'unpë tä mijtsën.

Salmos 89:6

Ka'ap maa wiinkpë tios tsajpjotm, jëtu'unpë Tyiosëtyën tä mijtsën Wintsën.

Salmos 35:10

Täätsës n'ëna'ana'any ëmuumtu'ukjot: ¿Pën jëtu'un tä mijtsën Wintsën? Myaj'ëwaatsëpëtsëëmpy yë ëyoopëja'ay ets mëti'ipë winë yajmëyäjtypyën ma ëxëëk yajtun yaj'ënëëmëtën, ma ja jotmëktëjkëtyën.

Nehemías 9:32

Paaty ënät yam myaj'ënëëmë mijts Wintsën, ma myajTeety'äty myajTios'atyën, mëti'ipë mëjën, mëti'ipë maaytyääyëpën winë ets kutsë'ëkë; ma mijts xykyuuytyunyën ja m'aaw m'ayuk ets mtsojkën mja'awën, ja'atyëkoy ja nyëë pyokyëty ëëts ja n'ap n'okëty, ëëts ja nyajkutujkpëty, ja nkopktëjkëty, ja nteetyëjkëty ets ja nwinkajpxpëtëjkëty ets tëkokyë ja naax kajpn mëti'ipë ijty ënä'ämëtëpën Asiria ja'ayëty ets mëti'ipë tyampaatën.

Isaías 40:18

¿Tii mëët xy'ëk'ijxkijpxtëty yë Dios? ¿Wi'ix ja y'awinax xy'ëkyajkojëtëty?

Salmos 145:3

Yë Wintsën janty mëj yë'ë ets patëp yajmëjpëjkta'akëty. Yë myëj'ajtën tsip nja'akyujkëmëty.

Éxodo 8:10

Oy jopy, jëtu'un ja mëj'ënä'ämpë y'ëtsooy. Tä ja Moisés y'ëtsoowëmpijty: Tyam jëtu'un yajtunëty ets xynyijawëty, ko ka'ap maa wiinkpë jëtu'unpë tä nWintsën'ajtëm Tiosën.

Éxodo 9:14

Jä'ä ko ëjts nkäxäämpyës tu'kë'ëyë yë ëyo'on jotmay ma mijtsën mëti'ipës të ntuknipëjktaakën, näjyëtu'unës nkäxa'any ja ëyo'on ma ja mwintsëntëjkëtyën ets ma ja mja'ayëtyën, jëtu'un'äämpy xynyijawëtëty, ko ka'ap ma wiinkpë pën jëtu'unpë tä ëjtsën.

Deuteronomio 3:23

Jä'ä xëëw jä'ä po'o ojts yë Dios nmënu'kxtä'äkyës etsës t'ënëmaay:

Deuteronomio 32:3

Yë'ëjës yam nikajpxäämpy yë Wintsën yë xyëëw, ets xynyijawëtëty ko yë Dios mëj këjää yë winë tuny.

1 Reyes 8:42

Pën miintëp ja ja'ayëty wiink kajpnëpë yaa jëëytyak nu'kxtakpë, ma yaa mjëën mtëjkën.

2 Crónicas 6:14

ets y'ënäny: Wintsën, Dios teety, mëti'ipë yë Israel ja'ayëty y'ëwtajtëpën: Ka'ap jam tsajpwinm ets naaxwiiny ma jëtu'umpë Wintsën myëjëty tä mijtsën, jä'ä ko mijts tëë ja m'ayuk xytyukniwä'äky ijxtëm m'ënanyën ets m'oyjya'ap mtsujja'ap ja mëti'ipë winë aaw winëjot mëtuunëpën;

Salmos 150:2

Mmëjpëjkta'aktë ko winë mëj këjää të tuny. Mmëjpëjkta'aktë ko myëjwiin kyëjääjëty.