Deuteronomio 3:2 - Biblia Dc en Mixe de Quetzaltepec

² Ënätës yë Dios xy'ënëmaay: Këtii tääpë ja'ay xytyimtsë'ëkëty. Jä'ä ko yë'ë tëëjës nkë'ëyäky ma mijtsën, mëët tëkokyë yë tsyiptuunpëtëjk ets nyaax kyajpn. Ets jëtu'un o'ktëy xytyunëty tä xytyuunyën yë Sihón, jampë ënety y'ëne'emyën Hesbón ma Amor ja'ayëtyën.

Biblia Mixe de Quetzaltepec

² Ënätës yë Tios xy'ënëmaay: Këtii tääpë ja'ay xytyimtsë'ëkëty. Jä'ä ko yë'ë tëëjës nkë'ëyäky ma mijtsën, mëët tëkokyë yë tsyiptuunpëtëjk ets nyaax kyajpn. Ets jëtu'un o'ktëy xytyunëty tä xytyuunyën yë Sihón, jampë ënäty y'ëne'emyën Hesbón ma Amor ja'ayëtyën.

Deuteronomio 3:2 ပူးပေါင်းရင်းမြစ်များ

2 Crónicas 20:17

Ma ya'atë tsip tyuna'anyën ka'ap myiitsëty mtsiptuna'antë. Miitsëty je'eyëp ko mnëjkxtë ets jam mna'ix mnawoontëty, je'eyëp ko ënät xy'ixtëty wi'ix ja Wintsën tuna'anyën ya'atë kajpn ets wi'ix myajtso'oka'anëtën. Miitsëty Jerusalén ja'ayëty ets miitsëty Judá ja'ayëty, këtii ninu'un mtsë'ëkëtëty; nëjkxtë jopy wiinkuwa'akëtë tääpë mëtsip, yë Wintsën yë'ë mëët myajpaata'antë.

Isaías 41:10

Këtii mtsë'ëkëty, ëjts yajpatpës ma mijtsën, ëjts mijts xyTyios'ajtp. Ëjts mijts nmëjaawmoopy ets nputëjkëp, mëëtës ja nkë'ë nmajts'ity ets xëmë mmëta'akëty.

Isaías 43:5

Këtii mtsë'ëkëty, ëjts mijts nkuwa'anäämpy. Wä'än tjamëty ma xëëw pyëtsimyën ets ma xëëw kyëtä'äkyën; nyajwinpitäämpyës jatëkok yë mja'ay ets jatëkok tyu'ukyëtëty.

Hechos 18:9

Tëkok, koots ënety ko ja Pablo ja Wintsën ojts myëkäjpxyë jëtu'un tä ja'ay wyinkuma'ayën ets y'ënëmaayë: Këtii mtsë'ëkëty. Kajpxwa'kx'ëtë'ëts ja oy'aaw oy'ayuk, këtii m'amonëty.

Hechos 27:24

Etsës të xy'ënëëmë: Këtii mtsë'ëkëty Pablo, jä'ä ko kopkpëky ko xywyinkuwa'akëja'any ja yajkutujkpë ets näjyëtu'un ja Dios të y'ënä'äny ko nitu'uk kya'ooka'any mëti'ipë mëët myajpaatyën jap kepy nëëwinye'epyëjoty.

Deuteronomio 20:3

ets t'ënëëmëty: Mëtoow'itë ya'atë aaw ayuk miitsëty Israel ja'ayëty. Tyam miits yë mëtsiptëjkëty xywyinkuwa'akëja'antë, këtii nijënu'un mtimtsyë'ëkëtëty ets këtii mwinmaaytyëkatstëty.

Deuteronomio 3:1

Ënet ojts wiinkpë tu'u npëktës ets nëjkxtës jam Basán. E yë Og mëti'ipë jam yajkutujkpën, ojts xynyitsoontës mëët nimay yë tsyiptuunpëtëjk ets tsyiptuna'any mëët ëëtsëty jam Edrei.

Deuteronomio 3:11

Yë yajkutujkpë Og, yi'iyë ënety tu'uk jaakwë'ëmp ma Refa ja'ayëtyën. Yë myaapäjn aak juunpujxn ënety mëët y'oytyunyëty ets jä'ä y'ayenyëty mäjtsk xajpk ja mäjtsk kë'ënux ets myëjwiinëty tu'kxajpk. Tyampaat jaakyaj'ijxp yë jëtu'unpë ma Amón ja'ayëtyën jam Rabá.

Deuteronomio 3:3

Jëtu'un'äämpy ojts yë nWintsën'ajtëm Dios tkë'ëyäky yë Og ma ëëtsëtyën mëët tëkokyë yë tsyiptuunpëtëjk ets nyaj'o'ktaaytyës nitëkokyë, nitu'uk ojts juuky kyawë'ëmy.

Josue 10:8

ets ja Wintsën y'ënëmaayë: Këtii ninu'un mtimtsyë'ëkëty, ëjts tëëjës yë nkë'ëyäky tääpë ja'ayëty ma mijtsën ets ni pën tkajëkyepy ënät ëxëëk m'ëk tuunënëtëty.

Apocalipsis 2:10

Këtii mtsë'ëkëty ko m'ëyowa'any, jä'ä ko ja mëjku'u tëë tuknipëjktaakë ko tsuma'an tmatsa'any ja mmëku'uktëjk ets t'ixa'any pën mëk mëpëktë; ets majk xëëw jëtu'un m'ëyowa'antë. Mëk m'itëty oy mtimy'ooktëty, ëjts mijts nmo'ojäämpy ja juukyajtën tä tu'uk ja kuma'ayënën.