Deuteronomio 3:13 - Biblia Dc en Mixe de Quetzaltepec

¹³ E ja kujkwä'kxy ja Galaad ja y'itjot ets tëkokyë ja Basán ja y'itjot, mëti'ipë ënety ja Og kutujktakn të tnitänën ets ja Argob ja y'itjotm, ja y'itjotm mëti'ipë ënety ja Refa ja'ayëty nyitënaaytyëpën, yë'ëjës ojts ntukë'ëtëkëtë yë Manasés yë jyä'äy kujkwä'kxy.

Biblia Mixe de Quetzaltepec

¹³ E ja kujkwä'kxy ja Galaad ja y'itjot ets tëkokyë ja Basán ja y'itjot, mëti'ipë ënäty ja Og kutujktakn të tnitänën ets ja Argob ja y'itjotm, ja y'itjotm mëti'ipë ënäty ja Refa ja'ayëty nyitënaaytyëpën, yë'ëjës ojts ntukë'ëtëkëtë yë Manasés yë jyä'äy kujkwä'kxy.

Deuteronomio 3:13 ပူးပေါင်းရင်းမြစ်များ

Génesis 14:5

Kom jëmëjt yë yajkutujkpë Quedorlaomer ets mëët ja yajkutujkpëtëjk jënu'un mëët oy nyäyaj'ityën, ojts nyëjkxtë ma ja it naaxwiinyëtë txëëwatyën Astarot Carnaim. Jamts ojts tmëmëta'aktë ja Refa ja'ayëty, zuzitë ja'ayëty jam ma yajtijyën Ham, ja emitas ja'ayëty jam ojts yajmëmëta'aktë ma yajtijyën Save-quiriataim,

2 Reyes 10:33

Tsyo'ontä'äky jam ëpa'tkë'ëmtsow ma ja Jordán mëjnëë jyënäkyën, nyäxy ma ja Galaad y'itjotmën ets y'ëwtity ma ja nyaaxjotëtyën ja Gad, Rubén ets Manasés; jam jatëkok tsyo'ontä'äky wiinkpë Aroer, winkon ma ja woknëë mëti'ipë yajtijpën Arnón ets Galaad ets Basán.

Deuteronomio 29:7

Ko ojts nja'ajtëmë ma tääpë it naaxwiinyëtën, ënät ojts xynyitso'onëmë yë Sihón yajkutujkpë ets xyaj'o'kta'aja'anëmë. Yë'ë mëti'ipë ënety jam yajkutujkpën Hesbón, ojts mëët nyäpyikyë yë Og, jampë yajkutujkpë'atyën Basán. E oyën ojts amëjaaw xyjyanitso'onëmë, yë'ëjëty ka'ap ojts myëta'aktë.

Deuteronomio 29:8

Ko ka'ap myëtaktë, tä ja nyaax kyajpnëty ojts niwa'kta'ayëmë ets jä'ä tjä'ä'ajtë ja jyä'äyëty ja Rubén, Gad ets kujkwä'kxy ja Manasés ja jyä'äyëty.

Deuteronomio 3:12

Ja naax kam mëti'ipë ojts niwa'aktësën jä'ä xëëw jä'ä jëmëjt, yë'ë ojts nmo'otës yë Rubén yë jyä'äjëty ets Gad yë jyä'äjëty. Jam tsyo'ontä'äky ma Aroer mëjnëëjën ets nyäxy ma ja Arnón mëjnëëpa'ajën, kujkwä'kxy ja Galaad kopkjot tpëjky, mëët ja nyikajpn.

Deuteronomio 3:14

Yë Jair, yë jyä'äy yë Manasés, yë'ë ojts tniwä'äky yë Argob yë y'itjot jampaat ma nyäpyäätyë mëët yë Guesur ets Maacá ets ojts txëëwmo'oy ja itjot, jëtu'un tä ënety yë'ë kë'ëm txëëwatyën, jä'ä ojts tijy Havot-jair, tyampaat jëtu'un yajtijp, mëti'ipë ijty tëëyëp yajtijpën Basán.

Deuteronomio 3:4

Ja nyaax kyajpn ojts niwa'ktaayëtës ets nitu'uk ojts nkayajwë'ëmtës, jä'ä nyiwinë'ajtë tëkë'px ja kajpn, jampë ënety yajpaatën, ma ja it naaxwiinyëtë txëëwatyën Argob, mëti'ipë nyiwäämpyën ja Og jampë y'ëne'emyën Basán.