Deuteronomio 3:11 - Biblia Dc en Mixe de Quetzaltepec

¹¹ Yë yajkutujkpë Og, yi'iyë ënety tu'uk jaakwë'ëmp ma Refa ja'ayëtyën. Yë myaapäjn aak juunpujxn ënety mëët y'oytyunyëty ets jä'ä y'ayenyëty mäjtsk xajpk ja mäjtsk kë'ënux ets myëjwiinëty tu'kxajpk. Tyampaat jaakyaj'ijxp yë jëtu'unpë ma Amón ja'ayëtyën jam Rabá.

Biblia Mixe de Quetzaltepec

¹¹ Yë yajkutujkpë Og, yi'iyë ënäty tu'uk jaakwë'ëmp ma Refa ja'ayëtyën. Yë myaapäjn aak juunpujxn ënäty mëët y'oytyunyëty ets jä'ä y'ayenyëty mäjtsk xajpk ja mäjtsk kë'ënux ets myëjwiinëty tu'kxajpk. Tyampaat jaakyaj'ijxp yë jëtu'unpë ma Amón ja'ayëtyën jam Rabá.

Deuteronomio 3:11 ပူးပေါင်းရင်းမြစ်များ

Génesis 14:5

Kom jëmëjt yë yajkutujkpë Quedorlaomer ets mëët ja yajkutujkpëtëjk jënu'un mëët oy nyäyaj'ityën, ojts nyëjkxtë ma ja it naaxwiinyëtë txëëwatyën Astarot Carnaim. Jamts ojts tmëmëta'aktë ja Refa ja'ayëty, zuzitë ja'ayëty jam ma yajtijyën Ham, ja emitas ja'ayëty jam ojts yajmëmëta'aktë ma yajtijyën Save-quiriataim,

Génesis 6:15

Ko nëjkx xyajkojy yë kepy nëëwinye'epyë, yë'ë ya'atë kijpxëny nëjkx xyajtuny: jä'ä xyaj'ayeny'atëty tëkë'px majkmokx xajpk ets jä'ä xyajmëjjwiin'atëty majkmäjtsk xajpk ja kujkm ets xyajkëjxm'atëty wëxtujk xajpk ja kujkm.

2 Samuel 11:1

Jëtu'un ojts tëkok tyunyë jyätyë xëkopkjoty, ma ënety yë ënä'ämpëtëjkëty tsyoontë jya'tën ets muum nyëjkxtë tsiptuunpë; paaty ja David tkejxy ja Joab mëët ja tsyiptuunpëtëjk jampë yajpaatën Israel. Ma ojts tsyiptuntën ojts tyajkutëkoytyë ja Amón ja'ayëty ets näjyëtu'un tyajkutëkooytyë ja Rabá kajpn. E ja David ojts wyi'imy jam Jerusalén.

2 Samuel 12:26

Ja Joab mëët ja tsyiptuunpëtëjk, ojts tsyoontë ets nyëjkxtë jam Rabá ma ja Amón ja'ayëty ja kyajpnëtyën ets tnitëkëja'antë, Joab tëë ënety t'a'ixë ko yë'ë mëtaknëp,

Jeremias 49:2

Oy ko jyëtu'unëty, ëjts, mëti'ipë Wintsën'ajtpën, jëtu'unës n'ëna'any: Jam ma Rabá kajpnën, ma Amón ja'ay tsyëënëtën, nëjkxëp tmëtowtë ko ënety ja myëtsip t'akajpxtë ja tsip; xit ko'ow jyata'antë ets nyaax kyajpnëty nëjkxëp tyooytyä'äy. Ënet nëjkx jatëkok yë Israel ja'ayëty tpaatë ja nyaax kyajpnëty. Ëjts Wintsën, ëjts ënaanp.

Ezequiel 21:20

Mtuknikäätsëp ja tu'u maajaty tmënaxëtyën ja tyiypyujxn ja Babilonyë yajkutujkpë. Yë'ë nyinëjkxëp ja Rabá kajpn, ma ja Amón ja'ay tsyëënëtën ets ja Jerusalén kajpn, ma tsyëënëtën ja Judá ja'ayëty.

Ezequiel 25:5

Mëëyjot yë Rabá kajpn nyaj'awinpita'anyës ma nëjkx jëyujk jëku'ux y'oktën ets Amón kajpn kupixynytyënaaytyakn nyaj'awinpita'anyës. Ënet nëjkx xy'ijxpaatës ko ëjts Wintsën.

Amós 1:14

Paatykyëjxmës nyajnitoyä'äny yë potsy mëti'ipë nyapots'ajtypyën yë Rabá kajpn ets tääpë jëën yë'ë nyo'okäämpy yë kutujkëntëjk ma ënety ja jëën tsip y'ityën jëtu'un tä tyu'uyën.

Amós 2:9

Ëjts, ojtsës yë Amor ja'ayëty nyajkutëkoy ets miits mnaxtëty; oy ënety jëtu'un jyakëjxm'atë tä yë ajë kepyën ets tä yë piitskepyën kepyën.

Deuteronomio 2:11

Yë ja'ayëty jëtu'un ënety tyijëtë refaita ja'ayëty, e yë Moab ja'ayëty jä'ä ënety tyijëtë emitas.

Deuteronomio 2:20

Ya'atë naax kajpn yë'ë ijty tëëyëp yajtukjä'ä'ajtëp yë Refa ja'ay, yë'ë jam tsënaaytyë, mëti'ipë yë Amón ja'ayëty tyijtëpën zamzumitas.

Josue 12:4

Og mëti'ipë jam ënä'ämën Basán, ja Refa ja'ay mëti'ipë ënety jam jaakyajpatpën Astarot ets Edrei.

Josue 13:12

Yë'ë ojts tjä'ä'atë tëkokyë jënu'un yë Og tnitänën mëti'ipë ijty jam ënä'ämpën Basán jampë ojts yajkutukyën Astarot ets Edrei, Refa ja'ayëty ets yi'iyë ënety atu'uk jaakwë'ëmp, ko Moisés tyukja'ajtë ka'ap ojts yajmëtä'äkyë ets ojts wa'ats y'ëxwojpta'ajëtë.

Apocalipsis 21:17

Ënet näjyëtu'un ojts tkijpxy ja potsy. Tëkë'px mëkoxk metro kyëjxmëty. Jëtu'un ja tsajpjotmëtë kukäjpxy tkijpxy ijxtëm ja ja'ay kyijpxtën.

1 Samuel 17:4

Ajotkumonë tu'uk pyëtsiimy yë ja'ay jam ma filistejë ja'ayëtyën, janty këjxm tyänë jä'ä yenyëty tu'kxajpk ja kujkm ets ja tu'kë'ë. Jä'ä txëëwaty Goliat, jam kyukajpnëty Gad.