Deuteronomio 3:10 - Biblia Dc en Mixe de Quetzaltepec

¹⁰ Tëkokyë yë naax kajpn mëti'ipë ënety jam nijoykyëjxm yajpatpën, tëkokyë jënu'un yë Galaad tnitänën ets Basán, jam jyä'ty ma txëëwatyën Salcá ets Edrei, ja naax kajpn mëti'ipë ënety nyitënääpyën yë Og, jampë Basán, wa'ats ojts nyajkutëkooytya'atës.

Biblia Mixe de Quetzaltepec

¹⁰ Tëkokyë yë naax kajpn mëti'ipë ënäty jam nijoykyëjxm yajpatpën, tëkokyë jënu'un yë Galaad tnitänën ets Basán, jam jyä'ty ma txëëwatyën Salcá ets Edrei, ja naax kajpn mëti'ipë ënäty nyitënääpyën yë Og, jampë Basán, wa'ats ojts nyajkutëkooytya'atës.

Deuteronomio 3:10 ပူးပေါင်းရင်းမြစ်များ

1 Reyes 4:13

Ben-guéber, jam ojts t'atänë Ramot mëti'ipë Galaad nyitënääpyën, yë'ë ojts timy'awintumjaty ja kajpn mutskjatyëtypë jam Galaad y'itjotm, mëti'ipë nyiwantëpën ja Jair ja'ayëty jampë tsyëënën ma ja Manasés ja y'itjotmën ets nän jëtu'un ma ja itjot yajtijyën Argob, jampë yajpaatyën Basán, ma ënety nitëkë'px ja mëj kajpnën napotsypë ets ku'ëtuky ta'tspëky mëët yë pujxn;

1 Crónicas 5:11

Gad ja y'u'unk y'ok mëti'ipë tsënaaytyën jam winkon ma ja Rubén ja'ay tsyëënëtën, ma y'itjotmën yë Basán ets tyimja'ty jam ma ja Salcá kajpnën, jä'ä xyëëwajtë:

Deuteronomio 4:43

E ya'atë ojts kyajpn'atë, mëti'ipë ojts wyä'änyën tsoktakn: Béser ja jampë joyjotmën të'ëts'itum, mëti'ipë jyä'ä'ajtëpën ja Rubén ja'ayëty ets ja wiinkpë ja kajpn jä'ä txëëwaty Ramot, jam yajpaaty Galaad nyaaxjotm mëti'ipë ja Gad ja jyä'äy jyä'ä'ajtëpën ets ja wiinkpë Golán txëëwaty, jam yajpaaty ma Basán nyaaxjotmën mëti'ipë jyä'ä'ajtëpën ja Manasés ja jyä'äy nikujkwä'kxy.

Deuteronomio 4:49

Yë'ë nyitënääpy tëkokyë yë Arabá, mëti'ipë wë'ëmpën jam ëpa'tkë'ëmtsow ma ja Jordán nëëjën ets jyä'ty jam ma ja Ookymyëjmejyën, jam Pisgá kopk'ëjxm.

Josue 13:16

ja nyaaxëty jampaat tsyo'ontä'äky Aroer ets jam nyäxy ma ja Arnón nëëpa'ajën; tyimja'ty jam ma ja kajpnën jampë joyjyotm yajpaatyën ets tu'kë'ëyë ja it naaxwiinyëtë mëti'ipë jamën nijoykyijxy.

Josue 13:30

Yë'ë ojts tjä'ä'atë mëti'ipë ja Og ijty nyitënääpyën, jampë yajkutujkpë'atyën Basán, yë'ë jyä'ä'ajtë Basán'itjot tyimtso'ontä'äky jam Mahanaim, tëkë'px majk ja myutsk kajpn mëti'ipë jam näkyuwa'anëtëpën Jair.

Josue 13:31

Yë'ë jyaak niwa'ktë kujkwä'kxy ja Galaad ets ja kajpn mëti'ipë xyëëwajtëpën Astarot ets Edrei. Tëkokyë ya'atë it naaxwiinyëtë yë'ë ojts tpëktë ja Maquir ja y'u'unk y'ok nikujkwä'kxy, ja Manasés ja myaank, jëtu'un yajtuknikäkëtyääytyë tä ënety nyiwinë'atën.