Deuteronomio 3:1 - Biblia Dc en Mixe de Quetzaltepec

¹ Ënet ojts wiinkpë tu'u npëktës ets nëjkxtës jam Basán. E yë Og mëti'ipë jam yajkutujkpën, ojts xynyitsoontës mëët nimay yë tsyiptuunpëtëjk ets tsyiptuna'any mëët ëëtsëty jam Edrei.

Biblia Mixe de Quetzaltepec

¹ Ënät ojts wiinkpë tu'u npëktës ets nëjkxtës jam Basán. E yë Og mëti'ipë jam yajkutujkpën, ojts xynyitsoontës mëët nimay yë tsyiptuunpëtëjk ets tsyiptuna'any mëët ëëtsëty jam Edrei.

Deuteronomio 3:1 ပူးပေါင်းရင်းမြစ်များ

1 Reyes 4:19

Guéber, myaank yë Urí, jam ojts t'atänë ma ja y'itjotmën yë Gad, mëti'ipë ijty nyitënääpyën yë Sihón, jampë ojts y'ëne'emyën ma ja Amor ja'ayëtyën ets jam näjyëtu'un Ok, mëti'ipë jam ënä'ämën Basán. Ojts näjyëtu'un tu'uk ëpëky y'ijtpë ja ja'ay mëti'ipë ni'ëmukë nyiwintsën'ajtën ya'atë ja'ayëty ma tëkokyë ja naax kajpnën.

Nehemías 9:22

Yë'ë mtukë'ëpëjkëtyääytyë ja naax kajpn mëjjatyëtypë, jëtu'un xypyëjkwa'kxta'ay tä ja'ay kam tu'u tyajwä'kxyën, yë'ë jyä'ä'ajtë ja Hesbón kajpn ma yajkutukyën ja Sihón ets Basán ets ma yajkutujkyën yë Og.

Salmos 136:20

Ja Og, mëti'ipë ënety ënä'ämpën jam Basán, jä'ä ko yë tsyojkën jya'awën winë xëëw winë jëmëjt yë y'ijtëy.

Deuteronomio 2:32

Ja Sihón ojts näjyëtu'un jam tsyo'ompë ma ënety yajpaatyën mëët ja myäytsyiptuunpë ets xynyimiintës jam maas ënety nyajpaatën ets tsyiptuna'any mëët ëëtsëty jam Jahas.

Deuteronomio 29:7

Ko ojts nja'ajtëmë ma tääpë it naaxwiinyëtën, ënät ojts xynyitso'onëmë yë Sihón yajkutujkpë ets xyaj'o'kta'aja'anëmë. Yë'ë mëti'ipë ënety jam yajkutujkpën Hesbón, ojts mëët nyäpyikyë yë Og, jampë yajkutujkpë'atyën Basán. E oyën ojts amëjaaw xyjyanitso'onëmë, yë'ëjëty ka'ap ojts myëta'aktë.

Deuteronomio 3:2

Ënätës yë Dios xy'ënëmaay: Këtii tääpë ja'ay xytyimtsë'ëkëty. Jä'ä ko yë'ë tëëjës nkë'ëyäky ma mijtsën, mëët tëkokyë yë tsyiptuunpëtëjk ets nyaax kyajpn. Ets jëtu'un o'ktëy xytyunëty tä xytyuunyën yë Sihón, jampë ënety y'ëne'emyën Hesbón ma Amor ja'ayëtyën.

Deuteronomio 31:4

Yë Wintsën jëtu'un nëjkx ya'atë naax kajpn tyajkutëkoy tä tyajkutëkooyën yë Sihón ets Og, mëti'ipë jam yajkutujktën ma Amor ja'ayëtyën.

Deuteronomio 4:47

Yë Israel ja'ayëty yë'ë ojts tniwa'aktë ja Og nyaaxjot, mëti'ipë jam ënä'ämpën Basán ets ja nimäjtskpë ja yajkutujkpë mëti'ipë ënety jam yajpatëpën a'oytsyow ma Jordán nëë jyënäkyën.

Josue 12:1

Yaa yajnimëtyä'äky jënaak ojts y'ooktën ja yajkutujkpëtëjk mëti'ipë ja Israel ja'ayëty yaj'o'ktën jam a'oytsyow ma ja Jordán mëjnëëjën ets ja it naaxwiinyëtë mëti'ipë nyiwa'kën jampë tsyo'ontä'äkyën Arnón ets jyä'ty jam ma Hermón kopkën ets tu'kë'ëyë jënu'un ja jyoyjyot jam yajpaatyën awinmtsow ma ja Jordán mëjnëëjën.

Josue 12:4

Og mëti'ipë jam ënä'ämën Basán, ja Refa ja'ay mëti'ipë ënety jam jaakyajpatpën Astarot ets Edrei.

Josue 13:30

Yë'ë ojts tjä'ä'atë mëti'ipë ja Og ijty nyitënääpyën, jampë yajkutujkpë'atyën Basán, yë'ë jyä'ä'ajtë Basán'itjot tyimtso'ontä'äky jam Mahanaim, tëkë'px majk ja myutsk kajpn mëti'ipë jam näkyuwa'anëtëpën Jair.

Josue 9:10

ets näjyëtu'un wi'ix tuunyën ja yajkutujkpëtëjk mëti'ipë Amor ja'ayëtyën jampë yajpaatën nëë'awinaxy ma Jordán mëjnëë jyënäkyën. Jä'ä ja Sihón mëti'ipë jam kukajpn'ajtpën Hesbón ets ja Og jampë y'ëne'emyën Basán mëti'ipë tsënaayën jam Astarot.