Deuteronomio 29:1 - Biblia Dc en Mixe de Quetzaltepec

¹ Jëtu'un ojts jyëjpkëxy ja mëtyä'äky mëti'ipë ja Wintsën tyuk'ënä'ämën ja Moisés ets tunëty tu'uk ja käjpxytyu'unën mëët ja Israel kajpn jam Moab. Ëpëky ja käjpxytyu'unën mëti'ipë tyuunën jam ma ja Horeb kopkën.

Biblia Mixe de Quetzaltepec

¹ Jëtu'un ojts jyëjpkëxy ja mëtyä'äky mëti'ipë ja Wintsën tyuk'ënä'ämën ja Moisés ets tunëty tu'uk ja käjpxytyu'unën mëët ja Israel kajpn jam Moab. Ëpëky ja käjpxytyu'unën mëti'ipë tyuunën jam ma ja Horeb kopkën.

Deuteronomio 29:1 ပူးပေါင်းရင်းမြစ်များ

Hebreos 8:9

Ka'ap y'ëkjëtu'un'ajnë ijxtëm ja y'aptëjk ojts mëët nkäjpxy'ätyësën ko ojts nyajpëtsëmtës jap Egiptë y'itjotm; jä'ä ko ka'ap tpatuuntë mëti'ipës ojts mëët nkäjpxy'atën, paatyës ojts n'ëxmatstë.

Jeremias 31:32

Tyaapë käjpxytyu'unën ka'ap jyëtu'un'ata'any tä ja mëti'ipës ntuunën mëët ja y'ap y'okëty, koos nmajtstë kyë'ëkëjxy etsës nyajpëtsëëmtë jap Egiptë; jä'ä ko yë'ëjëty ka'ap ojts tpatuntë ja käjpxytyu'unën oy ënety ëjts Wintsën xyatijtë. Ëjts Wintsën, ëjts ënaanp.

2 Reyes 23:3

Ënet ja yajkutujkpë jam wya'ak'o'oyëy ma ja mëjpotsyën, mëti'ipë ja tsajptëjk pya'tënääpyën ets y'ënäny; ko myëmëtowäämpy ja Wintsën ets ko pyatuunta'ajäämpy ja y'ënä'ämën tyiyajtën; ja y'aaw ja y'ayuk ets ko xëmë tja'amyätsa'any ja käjpxytyu'unën mëti'ipë jap miinpën kuja'ay ma ja nokyën. Näyjyëtu'un ja naax kajpn ojts ja y'aaw y'ayuk tkë'ëyaktë.

Hechos 3:25

Miitsëty tëë myajtukumaytyë ja Dios ja wyaantakën mëti'ipë ja käjpxynyajxpë ojts nimëtya'aktën, ets tëë näjyëtu'un myajtukumaytyë mëti'ipë ja Dios kyäjpxytyuunën mëët ja m'ap m'okëty: Ni'ëmukë ja naaxwiinyëtë ja'ay nëjkx yajkënu'kxtë ko ënety yajkënu'kxtë ja m'u'unk m'okëty.

Jeremias 34:18

Yë kopktëjkëty mëti'ipë ënety mëj'äämpy ijtëpën ma Judá ja'ayëtyën ets ma Jerusalén ja'ayëtyën, mëti'ipë jam tuuntëpën ma kutujkëntëjkën, yë teetytyëjkëty ets nitëkokyë ja'ayëty ojts tuntë tu'uk ja käjpxytyu'unën mëët ëjts: ojts tsujkwa'kxtë ja tsyajpkaa ayääkë ets nyajxtë itkujky ma ënety mäjtskpëky të tyajwa'kxtën. E ok ojts jatëkok ja wyinma'any tyajtëkatstë ets ka'ap ojts jëtu'un t'ëktuunëtë tä ënety të y'ëna'antën.

Jeremias 11:6

Ënet ja Wintsën xy'ënëmaayës: Nikajpx nimëtya'ak ya'atë aaw ayuk në'ë'aay tu'u'aay ma Judá kajpnën ets ma Jerusalén kajpnën. Jëtu'un xy'ënëëmëty yë ja'ayëty: Mëtoow'itë yajxon wi'ix y'ënä'änyën ya'atë käjpxytyu'unën ets patuntë.

Jeremias 11:2

Wä'än yë Israel ja'ayëty tmëmay tmëtajtë wi'ix ja käjpxytyu'unën y'ënä'änyën, mmëëtmëtya'ak ja Judá ja'ayëty ets Jerusalén ja'ayëty,

Deuteronomio 29:25

Tä nëjkx yaj'ëtsowtë: Yë'ëkyëjxm ko të tkamëjpëjkta'aktë ja käjpxytyu'unën, mëti'ipë yë Wintsën yë y'aptëjk Tyios'ajtëpën, mëti'ipë jap ju'tëtë Egiptë.

Deuteronomio 29:21

Yë Wintsën ëpëky nëjkx tpëjktä'äky jëtu'unpë ja'ay ma Israel ja'ayëtyën ets nëjkx jam muum atu'uk tyuk'ëyoowtu'uty ets ja pojkën atu'uk tmë''ëyowëty, tä mëti'ipë jap yajnikajpxtëpën ma ja nokyën ma ja tëyajtën myinyën.

Deuteronomio 29:12

E paaty ya'atë käjpxytyu'unën tpa'atwa'akëtë, mëti'ipë ja Wintsën tyam tyuunpyën mëët miitsëty.

Deuteronomio 4:23

E yë'ë tëy ijxkëm xyjyä'äytyëkoytyë ja Wintsën ja kyäjpxytyu'unën, mëti'ipë yë'ë të tunyën mëët miitsëty. Nitii xykyayajnikojtu'utëty mëti'ipë yë Dios ka'ap t'ëwa'atsyën.

Deuteronomio 4:10

Jä'ä xëëw ma ojts myajpaatën ma ja Wintsën mëti'ipë mTiosajtëpën, jam ma ja Horeb kopkën, tyaajës ojts yë Wintsën xy'ënëëmë: Yajtu'ukmuk yë naax kajpn ets tmëtoow'itëty yë n'aaw n'ayukës ets tjat tnijawëtëty wi'ix mëj xyjyëkyäptëtyës mapaat jyuuky'atën ets jëtu'un ja y'u'unk y'ëna'k tukni''ixëtëty.

Deuteronomio 4:13

Yë Wintsën ojts mtuk'ix mtuknijawëtë yë kyäjpxytyu'unën, majk ojts ja ënä'ämën tëyajtën tja'ay ma mäjtsk ja tsaajën mëti'ipë kepy tsyetsyën ets ojts tni'ënä'ämë ets xykyuuytyuntëty.

Deuteronomio 28:68

Oy ënety ja Wintsën të jya'ëna'any, ko mijts ka'ap jap nijëna'a m'ëk winpijnëty Egiptë, nëjkxëp jatëkok jap mwinpity. E mijts jä'ä nëjkx mwinpijnë kepy nëëwinye'epyëjoty ets ja mmëtsip nëjkx jap myajnëjkxyë ets mtookëtëty. E oy ënety pën mjatooka'anyë, ka'ap nëjkx myajjuy. Oy xyajtsojkën'atëty jeexyë jap mwë'ëmy.

Deuteronomio 29:2

Ko ja Moisés tyajtu'ukmujktaay ja naax kajpn, ënät t'ënëmaay: Miitsëty Israel ja'ayëty, tëë xy'ixtë wi'ix yë Wintsën o'ktëy të tunyën yë yajkutujkpë mëët yë wyintsëntëjk jënu'un mëët tyuunmukyën jap Egiptë.

Deuteronomio 1:1

Ya'atë ojts yë Moisés tkäjpxy tmëtyä'äky ma ja Israel kajpnën ma ënety jam yajpaatën të'ëts'itjotm, a'oytsyow ma ja Jordán mëjnëëjën, jam Arabá ma mëët nyäwyinku'ixëtyën yë Suf, itkujk wyi'imy ma ja it naaxwiinyëtë txëëwatën Parán, Tofel, Labán, Hazerot ets Dizahab.

1 Samuel 12:24

Yi'iyë tëy tsojkëp ets miitsëty xywyinkutsë'ëkëtëty yë Wintsën Tiosë ets xëmë yë'ë xy'ëwtatëty mëët yë tëyajtën ets winë aaw winëjot. Nijëna'a xykyaja'atyëkoytyëty mëti'ipë yë'ë oy winë tyuunpyën mëët miitskyëjxmëty ets xytyuk'oy'atëty.

Salmos 105:27

ets tyaj'ijxëtë ja Dios ja myëk'ajtën jam wintë'ëtstum. Mëj këjää yë mëj'ajtën ojts jam yaj'ixy ma ja Cam ja y'itjotmën.