Deuteronomio 28:68 - Biblia Dc en Mixe de Quetzaltepec

⁶⁸ Oy ënety ja Wintsën të jya'ëna'any, ko mijts ka'ap jap nijëna'a m'ëk winpijnëty Egiptë, nëjkxëp jatëkok jap mwinpity. E mijts jä'ä nëjkx mwinpijnë kepy nëëwinye'epyëjoty ets ja mmëtsip nëjkx jap myajnëjkxyë ets mtookëtëty. E oy ënety pën mjatooka'anyë, ka'ap nëjkx myajjuy. Oy xyajtsojkën'atëty jeexyë jap mwë'ëmy.

Biblia Mixe de Quetzaltepec

⁶⁸ Oy ënäty ja Wintsën të jya'ëna'any, ko mijts ka'ap jap nijëna'a m'ëk winpijnëty Egiptë, nëjkxëp jatëkok jap mwinpity. E mijts jä'ä nëjkx mwinpijnë kepy nëëwinye'epyëjoty ets ja mmëtsip nëjkx jap myajnëjkxyë ets mtookëtëty. E oy ënäty pën mjatooka'anyë, ka'ap nëjkx myajjuy. Oy xyajtsojkën'atëty jeexyë jap mwë'ëmy.

Deuteronomio 28:68 ပူးပေါင်းရင်းမြစ်များ

Jeremias 44:12

Ëjts nyajkutukäämpyës ko ja Judá ja'ayëty mëti'ipë të wyë'ëmtën ets y'ëna'antë ko jap Egiptë nyëjkxa'antë tsënääpyë, jap nëjkx y'o'kta'atë. Ni'ëmukë nëjkx y'o'kta'atë, mëj mutsk; tam mëti'ipë nëjkx y'ookyën tsipjotm ets mëti'ipë yuu ookaanpën ets ijxpäjtën nëjkx wyë'ëmtë ko të yajpoktë, ko o'ktëy të jyat të kyëpätë. Ko yaj'ixtëty, je'eyë nëjkx yajtsë'ëkëtë.

Oseas 9:3

Wimpitäämpy yë Efraín jatëkok jap Egiptë ets jam Asiria jyë'kxäämpy yë ëxëëkpë jë'kxy pëky. Ka'ap y'ëktsëënëjanë jam ma Wintsën yë kyajpnën,

Jeremias 43:7

Ojts ja Wintsën tkäjpxykyutëjtë, ni'ëmukë nyëjkxtaaytyë jap Egiptë ets jyajtë jam ma tu'uk kajpn txëëwatyën Tafnes.

Oseas 8:13

Yi'iyë tsyojkën'ajtëp yë wintsë'kën ets tyaktë yë wintsë'kën ets tsu'utstë yë tsu'utsy mëti'ipë të tukwintsë'ëkëtën ja y'awinaxëty; e ëjts Wintsën ka'apës jotkujk näjyawëty: Nja'amyätsäämpyës yë y'ëxëëktu'un y'ëxëëk kajpxënëty ets ntuktëytyunäämpyës yë nyëë pyokyëty, nyajwinpitäämpyës jap jatëkok Egiptë.

Lucas 21:24

Tam mëti'ipë nëjkx yajkupuxyën, mëti'ipë nëjkx yajtsumy yajmatsyën wiink naax wiink kajpn; ets ja mëtsip jëtu'unyë nëjkx t'ateeny tukteeny ja Jerusalén kajpn koonëm tpaatëty ja nyixëëw ma ënety të yaj'akäjpxyën.

Deuteronomio 17:16

Ja ja'ay mëti'ipë ënety ënä'ämpën, ka'ap mëpaat nëkooyë kyëwaay tmëët'aty ets ni tkakäxëty yë ja'ay jap Egiptë ets tyajmayëja'anëty ja kyëwaay. Jä'ä ko yë Wintsën tëë m'ënë'ëmxëtë ko ma tääpë në'ë tu'ujën nijëna'a jää mka'ëkwinpijnëtëty.

Ester 7:4

Jä'ä ko tëëjës nijawë ko ëëtsëty ets nnaax nkajpnës tëëjës nyajtook nyajyaktë ets ni'ëmukë nkëjxta'a ntëkooytya'atëtyës. Ëjts ka'apës jeexyë wi'ix n'ëna'any koos jeexyë je'eyë të nyajtooktë ets nmëtuntëtyës, ja mëtsip ka'ap jeexyë nëkoo jëtu'un tyimtuuntëkoy ma ja yajkutujkpën.

Nehemías 5:8

etsës n'ënëmaaytyë: Ëëtsëty oyës wi'ix të nmëwinjatë etsës të nyaj'ëwaatsë pëtsëmtë ja nmëku'uktëjkëtyës mëti'ipë ënety wiinkë'ëy wiink kajpn të yajmënëjkxnëtën tsumy matsy ets juy tooky; ¿e miitsëty tääts ënät ni'ikyë ja mjëëky mëku'uk xytyookan xyakanëtë ets ënät jatëkok ëëts nyaj'ëwaatsëpëtsëmtëtyësë? Amonyë ojts tyimwë'ëmta'atë ninu'un tkanijawëtë wi'ixëtën y'ëtsowtëty.

Éxodo 20:2

Ëjts jëtu'un Wintsënajtp, mëti'ipë mijts mTios'ajtypyën, mëti'ipë ojts mjuutyën jap Egiptë, ma ënety mmëtuny m'ëyoyën.

Lucas 12:45

E pën tääpë tuunpë, mëët ko myäy tyäjy ko ja wyintsën ka'ap tsyojkmina'any, ets niwa'akëty ja tuunpëtëjk ye'etyëjkpë to'oxytyëjkpë, twopëty tka'atsëty; ets tyëjkënëty ukpë mukëpë.

Deuteronomio 28:67

Je'eyë xëmë ja näy'atsë'ëk näy'ajawë xyajnaxëty, ko jyopyëp'atëty mja'ëna'anëp: Jääpëk jeexyë poj'am tsyu'ujë. E ko kyoots'atëty mja'ëna'anëp: Jääpëk jeexyë poj'am xyiinyë.

Deuteronomio 29:1

Jëtu'un ojts jyëjpkëxy ja mëtyä'äky mëti'ipë ja Wintsën tyuk'ënä'ämën ja Moisés ets tunëty tu'uk ja käjpxytyu'unën mëët ja Israel kajpn jam Moab. Ëpëky ja käjpxytyu'unën mëti'ipë tyuunën jam ma ja Horeb kopkën.

Éxodo 13:17

Ko yë Egiptë mëj'ënä'ämpë ojts t'ëwatsë yë nyë'ë tyu'ujëty yë Israel ja'ayëty, ka'ap ojts jamtsow yë Dios yajnëjkxëtë ma filistejë ja'ayëty yë nyaaxjotmëtyën, ma ja tu'u nyäxyën mëti'ipë jaak'akonën. Jä'ä ko tyaa ojts myäy tyäjy, ko ja Israel ja'ayëty ka'ap ja tsyiptuna'antëty ets tsojk ja wyimpita'antëty jatëkok jap Egiptë.