Deuteronomio 28:54 - Biblia Dc en Mixe de Quetzaltepec

⁵⁴ Oy ënety tu'uk ja ja'ay janty tëtä'äky jyä'äy'äty ets janty oyjyä'äy, ko ja yuu xëëw y'itëty ëxëëk nëjkx ja myëkä'äx t'ijxnë ets ja y'u'unk tyo'oxytyëjk, y'u'unk y'ëna'k mëti'ipë ënety mëk të tsokyën.

Biblia Mixe de Quetzaltepec

⁵⁴ Oy ënäty tu'uk ja ja'ay janty tëtä'äky jyä'äy'äty ets janty oyjyä'äy, ko ja yuu xëëw y'itëty ëxëëk nëjkx ja myëkä'äx t'ijxnë ets ja y'u'unk tyo'oxytyëjk, y'u'unk y'ëna'k mëti'ipë ënäty mëk të tsokyën.

Deuteronomio 28:54 ပူးပေါင်းရင်းမြစ်များ

2 Samuel 12:3

e ja mëti'ipë ëyoopën je'eyë tu'kpajk ja kupixyny tmëëtëty mëti'ipë ënety kë'ëm të tjuyën. Kë'ëm ojts tyajyeeky tu'knax mëët ja y'u'unk y'ëna'k, jëtu'un tu'knax tyajkay tyaj'uuky; tmu'uxy tpe'eny, yë'ë tyukjë'kxyp mëti'ipë kë'ëm jyi'kxyp pyijkpyën ets nän jap tu'ukyë mëët y'ukmuky ma ja y'a'ukënyën. Ja ja'ay jëtu'un ja kyupixyny ënety tjawë tä jeexyë nyëëxën.

Salmos 103:13

Yë Wintsën jëtu'un Tyios'aty tä tu'uk u'unkteetyën ma ja'ayëtyën mëti'ipë mëjpëjktakëpën,

Proverbios 23:6

Këtii mnëjkxëty kääpyë ma ja'ayën mëti'ipë wintukën, këtii xy'atsokëty oypyë jyi'kxy pyiky,

Proverbios 28:22

Mëti'ipë ja'ay tyäty atsojkpën, poj'am ja wit meeny tjapaata'any ets ka'ap tnijawë ko niminanëp ja ëyo'on.

Isaías 49:15

¿Wä'än jëtää tu'uk u'unktaak tja'atyëkoyëty yë y'u'unkë ëkë ka'ap t'ëktsojknëtyë? Pën jyä'äytyëkoopy ëjts ka'apës mijts nja'atyëkoyä'äny.

Miqueas 7:5

Këtii xymyëpëkëty ja y'aaw y'ayuk ja mmëku'uk mëti'ipë mëët oy mnämyäyën ets këtii xytyuk'ijxpätëty ja ja'ay mëti'ipë mëku'ukja'apën; mëk xykyëwent'atëty ja m'aaw m'ayuk ko mëtya'akëty mëët ja mto'oxytyëjk.

Mateo 11:8

Ets pën ka'ap, ¿tii ojts xynyinëjkxtë ets tii ojts xy'ixtë? ¿Tu'uk ja ja'ay janty tsujpë xyoxyëtyënë? Mnija'awëtëp miits mëti'ipë janty tsuj näxyojxëtëpën, jam ja y'itë ma ja yajkutujkpë tsyëënëtën.

Mateo 20:15

ëjts kë'ëm xypyatp wi'ixës nyajtuunkpaata'any yë nmeenyës, ¿këtiijë? ¿Ëkë yë'ë xytyukka'oy'ijxpës koos oy tii ntunyë?

Deuteronomio 13:6

Pën yë mëkä'äx, ëkë m'u'unk, ëkë mnëëx, ëkë mto'oxytyëjk mëti'ipë oy mtsojkpy mja'apën, ëkë mjëëky mëku'uk, ni'ikyë mjanty'ënë'ëmxëty ets wiinkpë wintsën xy'ëwtatëty, mëti'ipë miitsëty ets m'ap m'ok ka'ap t'ixy'atën,

Deuteronomio 15:9

Këtii jëtu'unpë ëxëëk jot ëxëëk winma'any xypyaatëty ets m'ëna'anëty: Tyam ya'atë wëxtujk jëmëjtpë kya'pxanë ma jëtu'unyë nu'kxy yajnime'kxyën. Paaty ka'apës yam tii pën ntuknu'kxa'any ets ka'ap tii ja mjëëky mëku'uk xytyuknu'kxa'anëty. Jä'ä ko pën jëtu'un mijts mja'ay'äty, yë'ë nëjkxëp yë Wintsën tuk'ëwaanë ets ja jëtu'unpë pokytyu'unën nëjkx nyäxy.

Deuteronomio 28:53

Ma ënety ja mëtsip mpajëtityën, yë yuu xëëw yë'ë nëjkx ka'ap myajmëtä'äkyë, nëjkxëp kë'ëm ja m'u'unk m'ëna'k xytsyu'tsnë, wä'än yë'ëjëty ja yä'äy'ëna'kpë to'oxy'ëna'kpë mëti'ipë ja mWintsën të mjamo'oyën.

Deuteronomio 28:55

Mëët ko tkayaka'any ja tsu'utsy mëti'ipë jam tsyu'tsypyën, ja tsu'utsy mëti'ipë ja y'u'unk y'ëna'k xyixy'äjtypyën. Nimaa yë jë'kxy pëky xykyapaatëty ko ënety ja mëtsip m'ixjëtity mpajëtityë, ja ëyo'on jotmay yajxon nëjkx myajtuk'ëyoowtu'utyë ets jëtu'un yajpaatëty oy myatsowëty maajaty ja naax kajpn xynyitänën.