Deuteronomio 28:53 - Biblia Dc en Mixe de Quetzaltepec

⁵³ Ma ënety ja mëtsip mpajëtityën, yë yuu xëëw yë'ë nëjkx ka'ap myajmëtä'äkyë, nëjkxëp kë'ëm ja m'u'unk m'ëna'k xytsyu'tsnë, wä'än yë'ëjëty ja yä'äy'ëna'kpë to'oxy'ëna'kpë mëti'ipë ja mWintsën të mjamo'oyën.

Biblia Mixe de Quetzaltepec

⁵³ Ma ënäty ja mëtsip mpajëtityën, yë yuu xëëw yë'ë nëjkx ka'ap myajmëtä'äkyë, nëjkxëp kë'ëm ja m'u'unk m'ëna'k xytsyu'tsnë, wä'än yë'ëjëty ja yä'äy'ëna'kpë to'oxy'ëna'kpë mëti'ipë ja mWintsën të mjamo'oyën.

Deuteronomio 28:53 ပူးပေါင်းရင်းမြစ်များ

Lamentaciones 4:10

Oy ënety ja to'oxytyëjkëty oy ja jyot wyinma'any tjamëët'atë, ojts ja y'u'unk tyajkëëwnëtë; ojts ja y'u'unk tsu'tsnëtë ko kyutëkooy ja naax kajpn.

Lamentaciones 2:20

Ëk'ix Wintsën, mëmay mëtaj ko mijts ka'ap ni pën jëtu'un xytyunyëm ëxëëk. ¿Mëpaat jëtäätën tu'uk u'unktaak tsu'utsëty yë kyë'ëm u'unkë? ¿Mëpaat jëtäätën y'ooktë tyëkoytyë yë teetytyëjkëty ets käjpxynyajxpëtëjkëty jap ma tsajptëjkënë?

Jeremias 19:9

Ëjts nyajkutukäämpy ets ja ja'ay tsu'utstëty ja kyë'ëm u'unk kyë'ëm ëna'k, ye'etyëjkpë to'oxytyëjkpë; nixim niyam nëjkx nyätsyu'tsënëtë ko ënety o'ktëy jyajnëtë ets kyëjxtaaynyë ja jë'kxy pëky mëët ko ja myëtsip të yajnatukëtë.

Deuteronomio 28:57

Mëët ko ënety tkayaka'any ja mëxu'unk mëti'ipë yajminäämpyën naaxwiiny ets ja ne'pyny mëti'ipë pëtsëëmpën ma ja u'unk tyajmëxu'unk'atyën ets ayu'utsyë tsu'utsa'any, mëët ko ënety ka'ap t'ëkmëët'ajnë tii jyë'kxëpën, mëët ko ja mëtsip ka'ap yajjotkujk'atyë ma ja naax kajpnën.

Ezequiel 5:10

Ma miitsëtyën nëjkxëp yë taak teety yë y'u'unk y'ëna'k tsu'utstë, yë u'unk ëna'k nëjkxëp yë tyaak tyeety tsu'utstë. Ntukumëtowäämpy yë mpoky ets mëti'ipë juuky jaakwë'ëmtëpën taxkpëkyës nyajye'eywya'kxa'any.

Deuteronomio 28:55

Mëët ko tkayaka'any ja tsu'utsy mëti'ipë jam tsyu'tsypyën, ja tsu'utsy mëti'ipë ja y'u'unk y'ëna'k xyixy'äjtypyën. Nimaa yë jë'kxy pëky xykyapaatëty ko ënety ja mëtsip m'ixjëtity mpajëtityë, ja ëyo'on jotmay yajxon nëjkx myajtuk'ëyoowtu'utyë ets jëtu'un yajpaatëty oy myatsowëty maajaty ja naax kajpn xynyitänën.

Mateo 24:19

Mëk nëjkx y'ëyowtë ja to'oxytyëjkëty mëti'ipë ënety ja u'unk nyëkëjxm'ajtëpën ets mëti'ipë ënety yaj'u'unktsi'tstëpën jä'ä xëëw.

Deuteronomio 28:18

Poky y'itëty yë m'u'unk m'ëna'k ets mpëjktä'äky, näjyëtu'un yë mjëyujk mtsajpkaa ets mtsajppax mkupixyny.

Deuteronomio 28:54

Oy ënety tu'uk ja ja'ay janty tëtä'äky jyä'äy'äty ets janty oyjyä'äy, ko ja yuu xëëw y'itëty ëxëëk nëjkx ja myëkä'äx t'ijxnë ets ja y'u'unk tyo'oxytyëjk, y'u'unk y'ëna'k mëti'ipë ënety mëk të tsokyën.