Deuteronomio 28:32 - Biblia Dc en Mixe de Quetzaltepec

³² Nëjkxëp xyjya'ixy, ko ënety yë mnëëx ets maank yajmënëjkxnëtë ets mja'ëna'anëty jatëkok xya'ixa'anëty, mijts nitii nëjkx mkamayë.

Biblia Mixe de Quetzaltepec

³² Nëjkxëp xyjya'ixy, ko ënäty yë mnëëx ets maank yajmënëjkxnëtë ets mja'ëna'anëty jatëkok xya'ixa'anëty, mijts nitii nëjkx mkamayë.

Deuteronomio 28:32 ပူးပေါင်းရင်းမြစ်များ

Joel 3:6

Jëkäm xymyënëjkxtaaytyë ja Judá ja'ayëty ets Jerusalén ja'ayëty ets xytyo'ktë xyajktë ma griego ja'ayëtyën ets jam y'ëyow myëtuntëty.

Deuteronomio 28:41

Mjamëët'atëp yë mmaank ets mnëëx; wäänë y'itëty, tääts yë mmëtsip mtukja'tëtëty ets tyajnëjkxta'ajëty. Tääts nëjkx mijts mwë'ëmnë u'unktuk ëna'ktuk.

2 Crónicas 29:9

Jëtu'un ja nteety'ajt n'ap'ajtëm may y'o'ktë jam tsipjotm, ja n'u'unk'ajt nëëx'ajtëmë ets ja nto'oxytyëjk'ajtëm aak tsumy matsy nyëjkxtaaytyë.

Miqueas 4:10

Näwyiit näyxyaatsët ets ya'ax jok, mijts Sión kajpn, jëtu'un tä tu'uk yë to'oxytyëjkën mëti'ipë u'unk maay pyaatäämpy y'ixäämpyën, jä'ä ko tso'onta'ajantëp yë mja'ay ets nëjkx jam muum wintë'ëtstuuy jyuuky'atë, jampaat Babilonyë jya'ta'antë. E yë Wintsën nëjkxëp jam tyajpëtsëmy yë nyaax kyajpn; nëjkxëp tyajtso'oky ma ënety yajpaatyën myëtsip'akujky.

Amós 5:27

Paatykyëjxm n'ëxwojpta'aja'antë, tsumy matsy nyajnëjkxta'aja'antë wiink naax wiink kajpn, mwinaxtëp yë Damasco kajpn. Yë Wintsën jëtu'un ënaanp, yë Dios mëti'ipë maaytyääyëpën winë ets jëtu'un txëëwaty.

Ezequiel 24:25

Tyam mpëjkëtya'ajäämpyës yë Israel yë nyaax kyajpn këwent'atypë y'ityën, mëti'ipë tsyajptëjk'ajtypyën, oypyë yaj'ijxyën, mëti'ipë tsyojkpyën ets y'oyjya'apën. Mpëjkëtya'ajäämpyës näjyëtu'un yë y'u'unk y'ëna'k ye'etyëjkpë to'oxytyëjkpë.

Lamentaciones 5:17

Paaty ëëts ja n'aaw njotëty pyëktë y'atontë; paaty ëëtsëty ja n'ijxën myoonëtë.

Lamentaciones 4:17

Ëëtsajtëm oy jënu'un wiin nyaj'ënu'kxëmëty ets oy jënu'un nja'ëwxijtmëty ja näypyutëkë, ka'ap tii mpaata'anëmë. Yë'ë ntsaty'ëwxijtëmë tu'uk yë kajpn mëti'ipë ka'ap tjëkyepyën xyajtsokmëty.

Lamentaciones 2:11

Moonëpës yë n'ijxën koos je'eyë një'ëy nyä'äxy, jëtu'unës njawë mëpaatëpës yowë nkatsy pyëjnë; tëëjës näjyawëty ntimy xyejykyukëxë koos të n'ixy ja nja'ayës ja nyaax kyajpn të kyutëkoy, koos n'ixy ko yë'ëpaat pi'k ëna'k yuu'o'knëtë tu'ujoty.

Isaías 38:14

Je'eyës njaak ajëjy tä kuukën, tä pakën. Tëës ja nwiin nyatimy'ënu'kxënë mëët koos jam tsajpkëjxm mpa'at'ixy. Wintsën ëjts ëxëëkës näjyawëty, tun mëyajtën mijtsës ni ijxkëtak.

Salmos 119:123

Tëës yë nwiin nya'ënu'kxënë koos yi'iyë ntsäty'ëwxity jëna'ajës xyajtso'oky, koos ntsäty'ëwxity jëna'ajës xy'ëkyaj'ëwaatsëpëtsëmy, ijxtëm të xywyinwanën.

Salmos 119:82

Ënu'kxënëpës yë nwiin ko ntyäty y'ëwxity etsës nmay ntajy: ¿Jëna'ajës xymyo'oja'any ja jotkujk'ajtën?

Salmos 69:3

Tëës yë nyo'kn nyatimtsyëtsnë koos nyä'äxy njoky; jajnëp tooynyëpës yë nyaxn; ets nwiinës tëë nya'ënu'kxënë koos njajantyjyëjp'ixy yë Dios.

Job 17:5

Wä'än t'ayuu'atë yë y'u'unk y'ëna'këty yë ja'ayëty mëti'ipë nyimeenypyëjktëpën jyiiky myëku'uk.

Job 11:20

Yë ëxëëkja'aytyëjk oy nëjkx tjatsoktë näypyutëkë, nëkoopë nëjkx t'ixta'atë, ka'ap tpaata'antë ijtakn maa nyäyu'utsëtëtyën, yë o'kën tëko'oyën yë'ë nëjkx tpaatë t'ixtë.

Deuteronomio 28:65

Ko ënety jam myajpatnë wiink naax wiink kajpn, ninu'un nëjkx mkajotkujk'aty ets ninu'un nëjkx jam mkapo'kxy. Jä'ä ko yë Wintsën yë'ë nëjkx t'ëwa'atsy ets je'eyë xëmë mtsë'ëkëty mjawëty, ja mwiin mjëjp nëjkxëp kyiixë'knë, mjatsokëp jam ja jotkujk'ajtën.

Deuteronomio 28:18

Poky y'itëty yë m'u'unk m'ëna'k ets mpëjktä'äky, näjyëtu'un yë mjëyujk mtsajpkaa ets mtsajppax mkupixyny.

Deuteronomio 28:31

Mwintuuy yë ja'ay tyaj'ookëty yë mtsajpkaa, e yë nyitsu'utsy nitu'k'aaw xykyajawëty. Jëtu'un xyjya'ixëty ko yë ja'ay tmëtso'onëty yë mkrukts ets mjajëjp'ixëp jatëkok mooywyimpitëtëty; yë mtsajppax mkupixyny yë mëtsip nëjkx tjä'ä'ajta'ay, oy jënu'un xyjyanitsiptunëty nitii nëjkx xykyatuny.

Lamentaciones 1:18

Yë Wintsën jä'ä të tuny mëti'ipë mëtëyën, ëjts tëëjës njanty kyäjpxy kyumëtoownaxy. Mëtoow'itë nnaax kajpn; ixtë wi'ixës pëjkën ijxën nmënaxy nyajnaxyën. Yë ëna'ktëjkëty ets to'oxy'ëna'këty tsumy matsy wiink naax wiink kajpn të yajmënëjkxta'atë.

Miqueas 2:1

Janty mon janty tuk yë ja'ay yajpaatë mëti'ipë koots myëmaay myëët'ajtëpën wi'ix yë jyiiky myëku'uk ëxëëk tuntëtyën ets ko xyiinyë tëë nyatuuntëkooynyëtë jä'ä ko myëët'ajtëp ja kuttujkën mëk'ajtën.

Job 31:8

jyëkyejpy yë wiink ja'ay tjë'kxëty mëti'ipës të ni'ipy të nkojyën ets jyëkyejpy twijxë'ëktëty mëti'ipës të nkojy të nmä'kxyën.