Deuteronomio 28:26 - Biblia Dc en Mixe de Quetzaltepec

²⁶ Lutëty ets witsnëty yë'ë tsyu'utstëp wyëtstëp ja mjot mnini'kx ets oyxyëp jeexyë pën jyam'aty pën y'ëtsë'këpën.

Biblia Mixe de Quetzaltepec

²⁶ Lutëty ets witsnëty yë'ë tsyu'utstëp wyëtstëp ja mjot mnini'kx ets oyxyëp jeexyë pën jyam'aty pën y'ëtsë'këpën.

Deuteronomio 28:26 ပူးပေါင်းရင်းမြစ်များ

Jeremias 34:20

Paatyës të ntuknipëjktaakë ets jam kya'atëty ma myëtsipëtyën kutsë'ëkëpë ets nyini'kxëty nëjkx tsyu'tsxëtë lut majkwejkxy ets kaa jëyujk,

Jeremias 16:4

Pa'am nëjkx yaj'ookëtë ets ka'ap pën nyiya'axa'anëtë, tä të'ënyën nëjkx muum wyimputskëta'aktë. Tsipjoty y'ooka'antë, lut majkwejkxy ets kaa jëyujk nëjkx tsyu'utsëtë wyëtsëtë ja o'kpë.

Jeremias 7:33

Yë may o'kpë yë'ë nëjkx tsyu'tsta'ajëtë lut majkwejkxy, kaa, ka'ap pën y'ita'any pën tääpë jëyujk y'ëtsë'ëkëpën.

Jeremias 19:7

Ma ya'atë it naaxwiinyëtën nyajma'ta'ajäämpyës tëkokyë mëti'ipë yë Judá ja'ayëty ets Jerusalén ja'ayëty tyuknipëjktakëtëpën. Ëjts nyajkutukäämpy ets myëtsip ëxëëk tyunëtëty, yaj'ookëtëty, yë jyot nyini'kxëty yë'ë nëjkx lut majkwejkxy ets kaa tsyu'tsëtë.

Jeremias 8:1

Jëtu'un yë Wintsën y'ënä'äny: Jä'ä xëëw nëjkx yë wyääy pyajk yajjuutë naaxjoty ma ënety të nyaaxtëkëtën yë Judá yajkutujkpëtëjk ets Judá wintsëntëjkëty, yë teetytyëjkëty ets käjpxynyajxpëtëjkëty ets mëti'ipë jam Jerusalén të jyuuky'atën,

Isaías 34:3

Xii yaa muum ja o'kpë jyëpijpnëja'any, aakyë'ë xyuuka'any jyoka'any oymyaajëty, aak ne'pny muum yaj'ixaanp nëë wok käätswok, tunjot kopkjot.

Proverbios 30:17

Mëti'ipë ja'ay ja tyeety y'ëxëëk'ijxypyën ets je'eyë ja tyaak tnëxi'iky tukxi'iky ko myëjja'ayënë, tääpë jëtu'unpë ja'ay nitëjkëyëp ets lut tsyu'tspëtsë'ëmxëtëty yë wyiin ets witsn y'awoon y'apotëtëty.

Jeremias 15:3

Ëjts, mëti'ipë Wintsën'ajtpën, ëjts jëtu'un ënaanp: Taxkpëkyës nkäxa'any yë ëyo'on jotmay: tam mëti'ipë tsipjotm ookaanpën, tam mëti'ipë uk nëjkx tsyu'utyën, tam mëti'ipë lut majkwejkxy nëjkx yë jyot nyini'kx yajkëjxëty ets tam mëti'ipë nëjkx kaa jëyujk myätsyën.