Deuteronomio 28:25 - Biblia Dc en Mixe de Quetzaltepec

²⁵ ets mnakëty. Ko ja mëtsip xyanitsoonëty, je'eyë xywyinku'ixëty ko nimay mniminyë, tääts poj'am mkä'äkëty, mijts ko ënety ëxëëk'o'ktëy mjajnë mkëpäjnë, yë'ë nëjkx ja wiink naax wiink kajpn xytyuk'atsë'ëk xytyuk'ajawë.

Biblia Mixe de Quetzaltepec

²⁵ ets mnakëty. Ko ja mëtsip xyanitsoonëty, je'eyë xywyinku'ixëty ko nimay mniminyë, tääts poj'am mkä'äkëty, mijts ko ënäty ëxëëk'o'ktëy mjajnë mkëpäjnë, yë'ë nëjkx ja wiink naax wiink kajpn xytyuk'atsë'ëk xytyuk'ajawë.

Deuteronomio 28:25 ပူးပေါင်းရင်းမြစ်များ

Ezequiel 23:46

Jëtu'un ja Wintsën y'ënä'äny: Wä'än ja naax kajpn tu'ukmuky ets tääpë to'oxytyëjkëty yajnitu'ukmukëty, wä'än tyaj'ëtsë'ëkëtë ets wä'än tyajmä'tsta'atë;

Isaías 30:17

Tu'uk ja ja'ay nëjkx je'eyë y'ity mëti'ipë nitu'kmil yajkä'äkëpën, nimëkoxk ja ja'ay nëjkx y'itë mëti'ipë myajkäkta'ajëtëpën; koonëm niwäänë mwë'ëmtëty, jëtu'un tä tu'kpajk muum yë kepy të yajkuwopën tunkëjxm mëti'ipë ja'ay ijxpäjn wyäämpyën.

Jeremias 24:9

Ëjts nyajkutukäämpy ets wiinkëtypë naax kajpn y'ëxëëk'ixëtëty mëti'ipë wiink naaxwiinyëtë yajpatëpën ets ijxpät wya'anëty ko ënety ëxëëk të jyatë, ko ënety ni pën kyatsokëtë, ko ënety ja'ay y'ëxëëk'ixëtë ets ko ënety të yajpoktë ma tu'kë'ëyë ja naax kajpnën ma awojpwä'kxy y'itën.

Deuteronomio 28:7

Yë'ë nëjkx myajmëtä'äkyë, ko ënety ja mmëtsip mëët mnäpyäätyë, ëkë ko ënety ëxëëk mjatuna'anëtë. Yë'ëjëty nëjkx janty nimay jyatsoontë ets waatswitsy jyamintëty, tääts nyätyijyë myajkutëkoya'anëtë, ko ënety miitsëty mnäkyuwa'anëtë, yë'ëjëty jëtu'unyë nëjkx kyäkta'atë.

Deuteronomio 32:30

Tu'uk je'eyë ja myëtsip mëti'ipë nitu'kmil yajkekpyën ja myëtsip. ¿Wi'ix jëtää ko jyëtu'unëty? E ja mäjtskpë ja myëtsip majk mil tyajke'eky. ¿Näy wi'ix ko jyëtu'unëty? E ¿tiikyëjxm ko jëtu'un jyajnëtë kyëpäjnëtë? Yë'ë ko Wintsën jëtu'un të tuknipëjktaakë, mëti'ipë ijty këwent'ajtëtëpën. E tyam jä'ä ko tëë y'ëxmajtsënëtë, paaty o'ktëy jyajnëtë kyëpäjnëtë ma ja myëtsipëtyën.

Lucas 21:24

Tam mëti'ipë nëjkx yajkupuxyën, mëti'ipë nëjkx yajtsumy yajmatsyën wiink naax wiink kajpn; ets ja mëtsip jëtu'unyë nëjkx t'ateeny tukteeny ja Jerusalén kajpn koonëm tpaatëty ja nyixëëw ma ënety të yaj'akäjpxyën.

Jeremias 34:17

Paatyës mëti'ipë Wintsën'ajtpën, jëtu'unës n'ëna'any: Miitsëty ka'apës të xymyëmëtowtë, ka'ap të xy'ëxmatstë ets të xyaj'ëwaatsëpëtsëmtë ja mjëëky mmëku'ukëty mëti'ipë të xyajmëtuntën; e ëjts yë'ëjës nnajtsmatsëjäämpy yë tsip käjpxy, yuu xëëw ets pa'am ëyo'on, mëti'ipë ëxëëk myajjat myajkëpätëtëpën ets naax kajpn tsyë'ëkëtëty. Ëjts Wintsën, ëjts ënaanp.

Jeremias 29:18

Yë'ë mëët npajëtita'antës tsip, yuu xëëw ets pa'am ëyo'on. Ëjts nyajkutukäämpyës ets naax kajpn wiinkëtypë tsyë'ëkëtëty jyawëtëty ko ënety t'ixtë ets ijxpät wyë'ëmtëty ma ja naax kajpnëtyën ko tëë yajpoktë ets wintsëtyu'un jëjptsëtyu'un të wyë'ëmtë, mëti'ipë nëjkx yë naax kajpn tsë'ëkëtën ets tmëkjawëtën ko ënety tëë n'ëxwoptës ets të nwojpwa'kxtës.

Josue 7:4

Ënet ojts nitëkëëk mil yë ja'ayëty tsyoontë ets tninëjkxtë yë Aí. Ko jam jyajtë ka'ap yajmëtakëtë ja Aí ja'ayëty ni'ikyë ojts yajkäkta'ajëtë,

Jueces 2:14

Paaty ojts yë Wintsën mëk tukjoot'anpëky yë Israel kajpn ets tyajkutujky ets ja mä'tspë ëxëëk tyunëtëty ets tpëjkta'ajëty tiijaty ënety myëët'ajtëpën ets ëxëëk tyuunëtë ja myëtsipëty mëti'ipë ënety jam mëwinkon'ajtëtëpën.

1 Samuel 4:10

Ënet ja filistejë ja'ayëty tyëjkëtyë tsiptuunpë mëët ja Israel ja'ayëty, ja filistejë ja'ayëty yë'ë ojts myëtakojnëtëpë; ja Israel ja'ayëty jëtu'unyë ja kyäktaaytyë ets nyëjkxtaaytyë ma ënety y'ijta'aktën. Nimay yajxon ja ja'ay y'o'ktë jä'ä xëëw. Mëti'ipë naaxkëjxy tsiptuuntën ja Israel ja'ayëty, jä'ä y'o'ktë ni''i'px majk mil.

1 Reyes 8:33

Ko ënety ja mëtsip ëxëëk ja mnaax mkajpn tuny mëët ko ja pyoky tkëpety ma të myajmëtëkoyën, ets jyotwinpitëty ets yaa myinëty, mëjëëytya'ak mënu'kxta'ak t'amëtowëty ja poky wimmä'kxën.

2 Crónicas 28:8

Ja Israel tsiptuunpëtëjkëty ëpëky ja Judá ja'ay may tsuumtë tmajtstë, nimäjtsk mëko'px mil nyiwinë'ajtë, ye'etyëjk to'oxytyëjk ets pi'k ëna'k; ojts winë tyajpëtsëëmta'atë jam kajpnjotm ets tyajnëjkxtaaytyë jam Samaria.

2 Crónicas 29:8

Paaty ja Wintsën tukjoot'anpëjky ja Judá ja'ay ets ja Jerusalén ja'ayëty, ëtsë'ëk ajawë je'eyë yaj'ijxnë, jëtu'un tä miitsëty kë'ëm të xy'ixtën.

Jeremias 19:7

Ma ya'atë it naaxwiinyëtën nyajma'ta'ajäämpyës tëkokyë mëti'ipë yë Judá ja'ayëty ets Jerusalén ja'ayëty tyuknipëjktakëtëpën. Ëjts nyajkutukäämpy ets myëtsip ëxëëk tyunëtëty, yaj'ookëtëty, yë jyot nyini'kxëty yë'ë nëjkx lut majkwejkxy ets kaa tsyu'tsëtë.

2 Crónicas 6:24

Ko ënety ja myëtsip të myëmëtä'äkyë ya'atë ja mnaax mkajpn mëët ko të pyokytyuntë ets jatëkok jyotwinpitëty, tmëjpëjkta'aktëty ja mxëëw ets myintëty yaa ma mtsajptëjkën jëëytyak nu'kxtakpë,

Oseas 8:3

E yë Israel tëë t'ixtijy mëti'ipë oyën, paatykyëjxm yë myëtsip y'ëxjëtita'any pyajëtita'anyë.