Deuteronomio 28:24 - Biblia Dc en Mixe de Quetzaltepec

²⁴ Yë Wintsën naaxway nëjkx tyaj'awinpijta'ay yë it naaxwiinyëtë ma mkam mtu'ujën, naaxjok yajwinpa'ixëp, jëtu'un tä jeexyë të tyu'uy të pyojyën, jëtu'un y'itëty jeky koonëm mkëxëty mtukëty,

Biblia Mixe de Quetzaltepec

²⁴ Yë Wintsën naaxway nëjkx tyaj'awinpijta'ay yë it naaxwiinyëtë ma mkam mtu'ujën, naaxjok yajwinpa'ixëp, jëtu'un tä jeexyë të tyu'uy të pyojyën, jëtu'un y'itëty jeky koonëm mkëxëty mtukëty,

Deuteronomio 28:24 ပူးပေါင်းရင်းမြစ်များ

Deuteronomio 28:12

Kyäxäämpy yë nëë tuu ma mkam mtu'ujën, tä yë naaxwiinyëtë tyajmëyätyën ets ja mpëjktä'äky wyintëwëty, jëtu'un ka'ap nyatëkë'atëty ja mjot mëjaaw. Nëjkxëp xy'ëkyajnu'kxnë wiinkëtypë naax kajpn, e mijts ka'ap nëjkx tii xynyu'kxy.

Amós 4:11

Ojts ntukyajkutëkoytyë ëyo'on jotmay tä jam tyuunën jyajtën Sodomë ets Gomorra; jëtu'un yaj'ijxy tä ja'ay jëëntyuk tkajppëtsëmyën jëënjoty; e miitsëty kä'äpyëm ojts xynyiwinpitës. Jëtu'un yë Wintsën y'ënä'äny.

Isaías 5:24

Paaty miitsëty, jëtu'un nëjkx mjatë mkëpätë tä aay pu'uxm nyitoyën ets tä aaykyëta'ak jaam jok jyätyën, tä yë kepypyu'utë'ëkyën ets tä yë pyijy tyëtsta'ayën ets naax y'awinpity. Mëët ko ja Wintsën mëti'ipë maaytyääyëpën winë ja y'ijxpëjkën ets ja y'ënä'ämën ka'ap të xypyatuunëtë.

Génesis 19:24

Tä yë Dios tyajjëëntu'uy atsë'ëk ajawë jam Sodomë ets Gomorra.

Deuteronomio 11:17

Jä'ä ko jëtu'unpë ja winma'any xypyaatëty, yë Wintsën nëjkxëp mëk mtukjoot'anpëkëtë ets ka'ap nëjkx yë nëë tuu t'ëkkäjxnë ma ja kam tu'ujën, jëtu'un'äämpy nëjkx mjë'kx kyutëëtsëtë ets ka'ap xy'ëkmëët'ajnëtëty tii mkaytyëp m'uuktëp ets m'o'kta'a mtëkooytya'atëty ma ya'atë oynyaax oykyamën, mëti'ipë ja Wintsën mo'ojanëtëpën.

Deuteronomio 28:23

Jam tsajpkëjxm kamaa kyakëxë'ëkëty yë yoots nëma'a ets jeexyë tyu'uy pyojy, e yaa naaxwiiny wi'ix winë y'ëk'it y'ëkwintëwëty mëti'ipë mjë'kxëp mpëkëpën.

Hageo 1:10

Paaty ka'ap yë nëë tuu y'ëkka'anë ma miitsëtyën ets ka'ap tii y'ëk'ijt y'ëkwintëëwnë ma tii xyjyaniyu'ujëtën.