Deuteronomio 27:20 - Biblia Dc en Mixe de Quetzaltepec

²⁰ Poky yë ja'ay wyë'ëmëty mëti'ipë myëët'ajtypyën yë tyeety yë tyo'oxytyëjk. Jä'ä ko tyeety jëtu'un ënety yë myëyajtën wyintsë'kën yajtëkooyëp. Ënet ja ja'ay y'ëtsowtëty: Oy, jëtu'un'atëp.

Biblia Mixe de Quetzaltepec

²⁰ Poky yë ja'ay wyë'ëmëty mëti'ipë myëët'ajtypyën yë tyeety yë tyo'oxytyëjk. Jä'ä ko tyeety jëtu'un ënäty yë myëyajtën wyintsë'kën yajtëkooyëp. Ënät ja ja'ay y'ëtsowtëty: Oy, jëtu'un'atëp.

Deuteronomio 27:20 ပူးပေါင်းရင်းမြစ်များ

Deuteronomio 22:30

Ni pën tkajëkyäpëty tmëëttsëënëty ja to'oxytyëjk mëti'ipë ja tyeety tyo'oxytyëjk'ajtypyën. Jä'ä ko jëtu'un y'ëtë'ëtsëty, ja tyeety ënety ja myëyajtën wyintsë'kën yajtëkooyëp.

1 Corintios 5:1

Jëtu'un yajnijawëy'äty ko tam ma miitsëtyën nitu'uk mëti'ipë ëtëtsnajxpën. Yë'ë mëj tëko'oyën nyäxy ko ja'ay kyutaak to'oxytyëjk'aty. Jampaat jëtu'unpë ka'ap yajkupëky ma ja ja'ayëtyën mëti'ipë ka'ap ja Dios tmëpëktën.

Amós 2:7

Tyiytyuuntëp ets ka'ap tmëj'ixtë yë ëyoopëja'aytyëjk, ko jya''amëtoyë ja ëyoopëja'ay ets jeexyë tpaye'ey, ka'ap tpaye'ey. Yë u'unkteety ets myaank tu'ukyë ja to'oxytyëjk tukmujknëtë ets tmëët tsëënëtë, tyajnipäxëtëkëtë jëtu'un ja nxëëwës.

Ezequiel 22:10

Tam mëti'ipë myëëtko'knaaynyëpën ja tyeety ja tyo'oxytyëjk ets tam mëti'ipë myëëtko'knääpyën ja to'oxytyëjk mëti'ipë ëmaay'ajtpën.

1 Crónicas 5:1

Ja Rubén ja y'u'unk y'ëna'k mëti'ipë ja Israel kyä'äxkopk'ajtypyën, jä'ä xyëëwajtë: Hanoc, Falú, Hesrón ets Carmí. Rubén yë'ë ojts jyakä'äxkopk'aty, je'eyëp ko ojts tyajtëkoy ko ojts ja tyeety ja tyo'oxytyëjk ojts tmëëtko'knaayë, tääts ojts yë'ë ja José tmëwë'ëmy ja kä'äxkopk'ajtën, nän yë'ë Jacob Israel myaank. Je'eyëp ko Judá mëj'äämpy ojts ok pyëtsimy, ma yë'ë jyä'äyën jam tu'uk Wintsën y'ijty, ja José yë'ë myëwë'ëm ja kä'äxkopk'ajtën.

2 Samuel 16:22

Ënet ojts tu'uk yë tëjk tnikämtë jap tëjkkëjxy mëti'ipë tyukni'oytyu'unëtyën yë Absalón ets jap tmëëtko'knëty ja to'oxytyëjktëjk mëti'ipë ja tyeety të tmëët'atyën ets ni'ëmukë ja ja'ay t'ixtëty;

Génesis 49:4

Pyaatäämpy ja xëëw jëmëjt ma mijts ka'ap m'ëk jëyëjp'ajnëty, jä'ä ko jëtu'un mijts mja'ay'äty tä mëj nëëkomën, mëti'ipë ka'ap tjëkyepy yaj'ëtukëtyën. Mijts ka'ap të xywyinkutsë'ëkë yë nmaapäjnës, mëëtko'knaay ja to'oxytyëjk mëti'ipës ënety mëët jëtu'unyë ntsëënën.

Génesis 35:22

Jam ënety yë Israel të tsyënaaytyaknpëjknëtë ko yë Rubén ojts tmëëtko'knë yë Bilhá, mëti'ipë ënety ja tyeety të tmëmäjtsk to'oxytyëjk'atyën. Ko yë Jacob tnija'awëy ko ënety jëtu'un yë Rubén të y'ëti'itsy, ënät ojts yajxon jyantyjyoot'anpëky. Yë Jacob yë y'u'unk y'ëna'këty nimajkmäjtsk ojts y'itë.

Deuteronomio 23:1

Mëti'ipë ja'ay nakën yë y'ëxtsyaapajk, ëkë tuktsukë yë ye'etyëjkajtën, ka'ap tjëkyepy jam yajpaatëty ma ja Wintsën ja nyaax kyajpnën.