Deuteronomio 27:2 - Biblia Dc en Mixe de Quetzaltepec

² Ko ënety jam të mja'ajnëtë ma ja Jordán mëjnëëjën ets ënety të xypyatnëtë ja naax kam mëti'ipë ja mWintsën Tiosëty mo'ojanëtëpën, nëjkxëp yë tsaa jam kanaak xytyajëtë ets xytyukwinkoytyëty yë jaam, jëtu'unts poop kyëxë'ëkëty.

Biblia Mixe de Quetzaltepec

² Ko ënäty jam të mja'ajnëtë ma ja Jordán mëjnëëjën ets ënäty të xypyatnëtë ja naax kam mëti'ipë ja mWintsën Tiosëty mo'ojanëtëpën, nëjkxëp yë tsaa jam kanaak xytyajëtë ets xytyukwinkoytyëty yë jaam, jëtu'unts poop kyëxë'ëkëty.

Deuteronomio 27:2 ပူးပေါင်းရင်းမြစ်များ

Ezequiel 36:26

etsës mpëjkta'aka'any ma miitsëtyën jemypyë jot ja'awën ets jemypyë jot winma'any. Njuutäämpyës ma miitsëtyën tääpë juunpë jot ja'awën, jëtu'unpë jyuunëtyën tä tsaajën etsës mpëjkta'aka'any yu'unkpë jot ja'awën.

Ezequiel 11:19

Njëpëkäämpyës yë jyot wyinma'anyëty, jëtu'unpë tä tsaajën ets nmo'oja'antës ja jyuukyjotëty mëët ja jemypyë ja jot winma'any.

Josue 8:31

Jëtu'un tä ënety ja Moisés të tuk'ëne'emyën ja Israel ja'ayëty ma jyaak juuky'ätynyëmën ets tä jap myinyën ma ja ënä'ämën mëti'ipë ja Moisés jyääyën: Ja wintsë'këntyakn ka'apë wyopëtyën kyä'ätsyëtyën. Ënet ja Israel ja'ayëty jam ja wintsë'kën tyajktë, ojts ja tsajpkaa jam tnino'k tnixaamtë ets ja Wintsën tukwintsë'këtyë, jëtu'un tuuntë ja nay'ëëw'oy näykyajpx'oyë.

Josue 4:1

Tëë ënety ja Jordán mëjnëë tuknajxta'atë, ko ja Wintsën ojts tmëkäjpxy ja Josué:

Josue 1:11

Tukjëtijtëtya'atë yë it naaxwiinyëtë maajëty tsyëënëtën yë Israel ja'ayëty ets xy'ënëëmëtëty wä'än tnäjyëjp'ixëtë mëët ja jyi'kxy pyikyëty tääts wëxtëjkm ja tso'onk y'itëty ets yajtuknaxëty ja Jordán mëjnëë ma ja it naaxwiinyëtë niwa'aka'anëmën mëti'ipë ja Wintsën të xymyo'oyëmën.

Deuteronomio 27:3

Jam yajkëxja'ajëty tëkokyë mëti'ipës yam të nikäjpxyën. Mtuntëp jëtu'un ijxtëm yam yajni'ënä'ämën, ko ënety jam mjajnëtë, ma ja it naaxwiinyëtën ma ka'ap ja jë'kxy pëky y'ëmaaytyä'äkyën, mëti'ipë yë Wintsën mo'ojanëtëpën, mëti'ipë tyukwinwa'anëyën ja m'ap m'okëty.

Deuteronomio 26:1

Ko ënety jam të mja'ajnë ma ja it naaxwiinyëtën, mëti'ipë yë mWintsën mmo'ojanëpën ets xyjyä'ä'atëty ets ënety jam të mtsënaaytyaknpëjknë.

Deuteronomio 11:31

Wäänë yjaak'ita'any ets xytyuknaxtëty yë Jordán mëjnëë ets xynyiwa'aktëty ja naaxwiinyëtë mëti'ipë yë Dios mo'ojanëtëpën. Ko ënety të xynyiwa'knëtë tääpë it naaxwiinyëtë ets ënety jam mtsënaaynyëtë.

Deuteronomio 9:1

Mëtoow'itë tyam miitsëty Israel ja'ayëty, tëë jëtu'un ja xëëw jëmëjt tpaaty ets xytyuknaxtëty ja mëjnëë mëti'ipë yajtijpën Jordán; niwa'kta'atë ja naax kajpn mëti'ipë mëjjëtyën këjääjëtyën këtiinëm miitsëty, mëti'ipë ja kyajpnëty këjxmëty ets mäjpxyëty nyapotsyëtyën.

Deuteronomio 6:1

Ya'atë ënä'ämën'ajtp tëy'ajtën'ajtp ets ja aaw ayuk mëti'ipë Wintsën të xytyuk'ëne'emyënës ets ntukni''ixëtëty ets yë'ë xypyatuntëty ko ënety jam myajpatnëtë ma ja it naaxwiinyëtën mëti'ipë mjä'ä'atantëpën.

Deuteronomio 27:1

Ënet ja Moisés mëët ja mëjja'aytyëjkëty ojts ja ënä'ämën tyaktë ma ja naax kajpnën: Mtuntëp ya'atë mëti'ipë yam myajtuk'ënä'ämtëpën.

Deuteronomio 27:4

Paaty ko ënety tëë xytyuknajxnëtë ja mëj Jordán nëë, nëjkxëp jam kopkëjxm xytyajëtë tu'uk yë tsaa ayenypë, ma txëëwatyën Ebal ets jaam poop xywyinkoytyëty.

Josue 8:30

Jam ma Ebal kopkën, jam ojts yë Josué tu'uk wintsë'këntyakn tyaj'oyë ma Wintsën mëti'ipë Israel ja'ayëty Tyios'ajtëpën yajmëjjawëty.

Josue 8:32

Tää ja Josué tyëjkëy jääpyë jam tsaakëjxm, ma ënety të tyu'ukmujkta'atën ja Israel ja'ayëty ets tkëxjaaytyääy ja ënä'ämën tëyajtën mëti'ipë ja Moisés të tyajwë'ëmyën.

Job 19:24

Jääpëk jeexyë pën tkëxpajy muum tsaakëjxy ëkë muum yu'unk pujxnkëjxy ets jeexyë jam xëmëkyëjxm wyi'imy këxpajy.