Deuteronomio 27:15 - Biblia Dc en Mixe de Quetzaltepec

¹⁵ Poky yë ja'ay wyë'ëmëty mëti'ipë yajkojpyën yë awinax, ja awinax mëti'ipë pujxn mëët y'oytyunyëtyën ets ja ja'ay mëti'ipë tyuunk'ajtypyën janty'oy ja ijxën tmo'ojëty ets ënät tpëjkta'akëty muum yu'utsytyuuy. Yë jëtu'unpë y'ëxëëk'ijxyp yë Wintsën. Ënet ja ja'ay y'ëtsowtëty: Oy, jëtu'un'atëp.

Biblia Mixe de Quetzaltepec

¹⁵ Poky yë ja'ay wyë'ëmëty mëti'ipë yajkojpyën yë awinax, ja awinax mëti'ipë pujxn mëët y'oytyunyëtyën ets ja ja'ay mëti'ipë tyuunk'ajtypyën janty'oy ja ijxën tmo'ojëty ets ënät tpëjkta'akëty muum yu'utsytyuuy. Yë jëtu'unpë y'ëxëëk'ijxyp yë Wintsën. Ënät ja ja'ay y'ëtsowtëty: Oy, jëtu'un'atëp.

Deuteronomio 27:15 ပူးပေါင်းရင်းမြစ်များ

Éxodo 34:17

Kajëna'a mëpaat xykyayajkoj'awinaxtë oytyiijëty mëët yë pujxn.

Éxodo 20:4

Ka'ap tii kë'ëm xyajkojëty ëkë xyajnikojtu'utëty mëti'ipë jam tsajpjotm ijtpën, ëkë mëti'ipë naax pa'tkë'pën, ëkë mëti'ipë jap nëëjotyën naaxpa'tkë'pë yajpaatyën.

Deuteronomio 5:8

Ka'ap xyajnikojtu'utëty ets xy'ëwtatëty mëti'ipë yajpatpën tsajpkëjxm, naaxkëjxy, nëëjoty ets naaxpa'tkë'pë y'ityën.

1 Corintios 14:16

Ko mijts ja Dios xy'ëwtatëty ets xyajtunëty ja wiink ayuk, ets ja wiink ja'ay tmëtowëty ko tam ja Dios xymyëkäjpxy, ka'ap tjëkyepy mpukajpxëtëty jä'ä ko ka'ap ënety tja'akyukë mëti'ipë mjakäjpxypën.

Éxodo 20:23

Nitii awinax xykyayajkojtëty, mëti'ipë oytyunyën mëët yë pu'ts pujxn, mëët yë poop pujxn ets xy'ëwtatëty ijxtëm jeexyë ëjts xy'ëwtatën.

2 Crónicas 33:2

Je'eyëp ko yë'ë ka'ap ojts winë oy tuny ma Wintsënën, ojts t'ëwtaty ja tsaapotsy, ja awinax ets oynatii ka'apë Tiosëtyën; näjyëtu'un ojts winë tuny tä ja naax kajpnëtyën mëti'ipë ka'ap ja Wintsën t'ëwtatën, ja naax kajpn mëti'ipë ja Wintsën wyojpëtsëëmën ko jam jyajtë ma ja Israel ja'ayëtyën:

2 Reyes 23:13

Ojts may tjijtë'ëky ja tsajptëjk mëti'ipë jamën awinmtsow ma ja Jerusalén kajpnën ets ëpa'tkë'ëmtsow ma ja Olivos kopkën mëti'ipë ojts ja Salomón tkojyën, jampë yajkutujkyën Israel; jä'ä tyuknikojëy ja Astarté, mëti'ipë ja Sidónja'ay ja'ayëty y'ëwtajtëpën mëti'ipë ja Wintsën ëxëëk t'ixyën; ojts tnikojë näjyëtu'un ja Quemós, mëti'ipë yë Moab ja'ayëty y'ëwtajtëpën ets tuknikojëy näjyëtu'un yë Milcom, mëti'ipë y'ëwtajtën yë Amón ja'ayëty.

2 Reyes 17:19

E ja Judá ja'ay nän kä'äpyëm ojts myäyë tpatuntëty ja Wintsën ja y'ënä'ämën tyiyajtën, jä'ä ojts tpanëjkxtë ja ëxëëktu'un ëxëëk kajpxën mëti'ipë ja Israel ja'ayëty tyuuntën.

1 Samuel 26:19

Mëyajtënës yam npëjktsoopy yë mëj'ënä'ämpë ets tmëtowëty mëti'ipës yam nkajpxäämpyën. Pën yë'ë jëtu'un yë Wintsën të tyajkutuky etsës yë mëj'ënä'ämpë xy'ixjëtit xypyajëtitëty, yë'ë y'ëxajëp ko ënety ja wyintsë'kën myo'oyë. E pën kë'ëmts jëtu'un twinma'any'äty, yë Wintsën pokëtëp yë'ë. Jä'ä ko tëëjës nyaj'ëxwojp nyaj'ixkäjxnë ma ya'atë it naaxwiinyëtën mëti'ipë yë Wintsën jyä'ä'ajtypyën etsës jam të xynyaswopëtë ma ka'ap tsyipëtyën etsës ja wiink tios n'ëwtajnëty.

Deuteronomio 29:17

ma tääpë kajpnëtyën tëë kë'ëm ntimy'ijxëmë mëti'ipë ka'ap tyiosëtyën, mëti'ipë tyijtëpën yë'ëjëty wintsën ets ka'ap wyintsënëty, tä yë tsaatsetsyën kepy tsyetsyën, ëkë mëti'ipë oytyunyën mëët yë pu'ts pujxn poop pujxn ets ënät t'ëwtatë.

Génesis 31:34

Ënet ja Raquel ojts pojën ja tsaamëxan tyu'utsy yujktuumpäjnpa'tkë'p ets jam tni'ënyaaypyejty. Yë Labán tëë ënety tja'ixtaaytyä'äy ja tsyaamëxan ma ja wit tëjkën, ka'ap nimaa tpaty.

Génesis 31:19

Jä'ä ënety ja Labán të tninëjkxy ja kyupixyny ets ja nyijëmk tnëkääpanë, e jam ënety muum yajpaaty ko ja Raquel ojts tmeetsy ja naaxpotsy u'unk mëti'ipë ja tyeety ijty y'ëwtajtypyën.

Génesis 9:25

ets y'ënäny: Poky y'itëty yë Canaán Tuumpë je'eyë wya'anëty ma ja nimäjtskpë y'äjtyën.

Ezequiel 7:20

Ko të t'oy'ixtë kë'ëjiits kë'ëjän tääts mëj këjxm të nyäpyëjkta'akëtë ets yë'ë të tuk'oytyuntë ëxëëkpë y'awinaxëty. Paatykyëjxm nyaj'awinpitanëtës yë kyë'ëjän kyë'ëjiitsëty tä pu'uxmën.

Jeremias 28:6

Oy jëtu'un tä m'ëna'anyën jääpëk yë Wintsën t'ëktuny, oy'ajtp jeexyë ko wyimpitëty yë apëjk atu'unën mëti'ipë jap tsajptëkoty pëtsëëmën ets näjyëtu'un wyimpijta'atëty yë ja'ayëty mëti'ipë ojts tsumy matsy yajmënëjkxtën jam Babilonyë.

Jeremias 23:24

¿Pën ëkmayëtëp nyäyu'utsëtëty maajës winë n'ixyën? Ëjts tamës nyajpaaty tsajpkëjxm ets naaxwiiny. Ëjts Wintsën, ëjts ënaanp.

Jeremias 11:5

Koos xymyëmëtowtëty, ëjts ntunäämpyës tu'kë'ëyë mëti'ipës ojts ja m'ap m'ok ntukwinwanëtën, koos n'ënëmaaytyë nmo'oja'antës tu'uk ja it naaxwiinyëtë ma ja tsi'tsknëë ets uuxpa'ak pyëyi'ikyën tä nëëjën, ijxtëm tyam xymyëët'atën. Ets ojts n'ëtsoyës ja Wintsën, oy'atëp.

Jeremias 11:3

ets xy'ënëëmëty ko ëjts mëti'ipë Wintsën'ajtpën, yë Israel ja'ayëty yë Tyios, jëtu'un y'ënä'äny: Poky yë ja'ay mëti'ipë ka'ap tpatunyën yë käjpxytyu'unën.

Isaías 44:19

Ka'ap nijënu'un myäytyë tyajtë ets ka'ap nijënu'un wyinma'anypyaatë, paaty ka'ap jyä'äkyukëtë ets ka'ap tukjatë wi'ix y'ëna'antëtyën: Kujkwä'kxy ya'atë kepy të nja'axy'ätyës, ets ko të tyooytyä'äky täätsës yë tsajpkääky të ntukyajkë'ëy, tëëjës tsu'utsy ntuktsa'ay etsës të ntukkay; e ja kepy mëti'ipë të nyatëkën yë'ëjës mëët yë awinax të nyajkojy, paaty yë mëti'ipës n'ëwtajtypyën, kepy yë'ë.

Isaías 44:17

Ja kepy mëti'ipë natëjkëpën, tääts ja awinax yajtuktsätsa'any ets ja ja'ay t'ëwtatëty ets tmëjëëytya'ak tmënu'kxta'aktëty, twinjë'ë twinya'axtëty, t'ënëëmëtëty: Tun mëyajtën, yajtsokës, ix mijts ntios'ajtyp.

Mateo 24:15

Ojts ja käjpxynyajxpë Daniel tkuja'ay ja ëxëëkpë ja tuuntëko'oyën. Ko miits xy'ixtëty ma ja wa'atspë ja itën, mëti'ipë nokykyajpxpën wä'än tja'akyukë,

Mateo 6:13

Ka'ap mëpaat ëxëëk n'ëtë'ëtstë n'ëna'antës, ni'ikyës jap xyjyuutëty ma ja ëxëëkpën.

Daniel 11:31

Yë tsyiptuunpëtëjkëty nëjkxëp tyaj'ëxëëkëtë ja tsajptëjk mëti'ipë ta'tspëkpyë, nëjkxëp t'akajpxtuktë këtiipë pën tyakëty ja wyintsë'kën jëpom jëpompë yajyäkyën ets nëjkx jam tpëjkta'aktë ja nëkooyëpë y'ëxëëk'ajnën ets mya'at'ajnën ma ja wintsë'këntyaknën.

Ezequiel 14:4

Oy xymyëmëtya'akëty ets xy'ënëëmëty: Jëtu'un yë Wintsën y'ënä'äny: Tu'kë'ëyë yë Israel ja'ayëty mëti'ipë näkyë'ëyajkëpën ma ka'apë tyiosëtyën ets yë'ë tyuk'ijxpejtyp mëti'ipë yajpokytyuunëtëpën ets ënät ok myinëty ets tyajtëwëty yë käjpxynyajxpë, nëjkxëp t'ëxajë yë ëtsoowinpijtën ijxtëm pyaat'atyën mëët ko ënety kanaak ja tios t'ëwtaty.

Deuteronomio 27:14

E ja Leví ja'ayëty mëti'ipë teety'ajtëpën, nëjkxëp tmëkajpxtë ja naax kajpn mëët ya'atë ja aaw ayuk:

1 Crónicas 16:36

Kënu'kxy mëjjawë ja Wintsën ja xyëëw y'itëty, mëti'ipë yë Israel ja'ayëty y'ëwtajtëpën xëmëkyëjxm. Tä ja naax kajpn y'ëtsooy: Jëtu'un'atëp ets tukxoontaktë ja Wintsën.

Daniel 9:11

Tëkokyë yë Israel ja'ayëty tëë tkäjpxykyumëtoownajxta'atë ja mtëyajtën; paaty ëëtsëty o'ktëy të njat të nkëpätë jëtu'un tä jap myinyën këxja'ay ma ja ënä'ämën tëyajtënën mëti'ipë Moisés jyääyën, mëti'ipë mtuunpëajtën, jä'ä ëëtsëty tëëjës ntëkoytyë.

Deuteronomio 4:25

Ko ënety xymyëët'ajnëtë ja m'u'unk m'ëna'këty, ja m'ok'u'unk m'ok'ëna'këty ets të mmëjja'ayënëtë ets jää xyajkoj'awinajxtëpëty oynatii, mpokytyuntë jëtu'un ma ja Wintsënën mëti'ipë mTiosajtëpën ets yë'ë xyajjoot'anpëktëty.

Deuteronomio 7:25

Nëjkxëp xynyino'kta'atë ja y'awinaxëty, mëti'ipë mëët ja pu'ts pujxn ets ja poop pujxn nyikoyëtyën. Ko xy'ixtëty jëtu'un, këtii xytyontëty ets xyjyä'ä'atantëpëty. Jä'ä ko yë Wintsën y'ëxëëk'ijxyp jëtu'unpë.

Jueces 17:4

Ko yë Micaías tmooy yë tyaak ja poop pujxn meeny, yë tyaak ojts tukë'ëtëky mäjtsk mëko'px ja poop pujxn meeny, tu'uk yë poop pujxn'oytyuunpë ets tyajkojëty ja awinax oytyuny yajxon ets tuknikoyëty yë poop pujxn, ko kyojtaay jap ojts tpëjktä'äky ma ja Micaías ja tyëjkën.

Isaías 44:13

Tsojk ënät näjyëtu'un nimëtyakëm ja ja'ay mëti'ipë tsäjtspën pujxpën: Jëyëjp tkijpxy ja kyepy ets tuknikeetsy mëët ja tyuunpäjn wi'ix tyaj'ijxëntëkëja'anyën, tääts ënät twinxeey ëtyä'äkyë'äämpy mëët yë xyä'äwën; jëtu'un tyajwintu'upëky tyajkëxë'ëky ënät ja'ayën, yajxon tyaj'ijxëntëkë ets oy yaj'ixëty, tim ja'ayën kyëxë'ëky, ko tyaj'o'oyëtyä'äy tääts tmënëjkxy tsajptëkoty.