Deuteronomio 26:3 - Biblia Dc en Mixe de Quetzaltepec

³ Ets mnäkyajpxkëxë'ëkëtëty ma ja teetyën, mëti'ipë ënety jam tuunpën; xy'ënëëmëty: Ëjts yë'ëjës yam nikäjpxyp nWintsën wintum ko tëëjës nja'ty ma ya'atë it naaxwiinyëtën mëti'ipë yë Wintsën ojts tukwinwanën yë n'ap'ajt n'ok'ajtëmë, ko t'ënëmaay koos ya'atë naax kam xymyo'oja'antë.

Biblia Mixe de Quetzaltepec

³ Ets mnäkyajpxkëxë'ëkëtëty ma ja teetyën, mëti'ipë ënäty jam tuunpën; xy'ënëëmëty: Ëjts yë'ëjës yam nikäjpxyp nWintsën wintum ko tëëjës nja'ty ma ya'atë it naaxwiinyëtën mëti'ipë yë Wintsën ojts tukwinwanën yë n'ap'ajt n'ok'ajtëmë, ko t'ënëmaay koos ya'atë naax kam xymyo'oja'antë.

Deuteronomio 26:3 ပူးပေါင်းရင်းမြစ်များ

1 Pedro 2:5

Näyjyëtu'un miits ja Dios myajnaxa'anëtë ijxtëm ja tsaajën mëti'ipë juukyën, tu'uk ja tsajptëjk ma ja Dios yajwintsë'ëkëtyën, tu'uk ja teety wa'atspë; ko tëë ja Jesukristë xymyëpëktë ets ja wintsë'kën xyaktëty mëti'ipë ja Dios y'oyjya'apën.

Hebreos 13:15

Paaty, tsojk ja Dios nmëjja'wëmë ko ja Jesukristë të nmëpëjkëmë. Yë'ë jëtu'un ya'atë mëpaat ntukwintsë'këmë, tsojk nmëjja'aw njaantyja'awëmë ja Dios mëët ja aaw ayuk.

Hebreos 10:21

Jä'ä ko ja Jesús yë'ë nTeetywintsën'ajtëm mëti'ipë yajpatpën ma ja Dios ja tyëjkën.

Hebreos 7:26

E jëtu'un yë Jesús, të nyäxy Mëj teety wintsën mëti'ipë ënety nyajmëyajtëmën. Yë'ë kënu'kxy, wa'ats, ka'ap poky tmëëtëty, ka'ap pyokyjä'äyëty ijxtëm ëëtsajtëmën, wäänë këjxm yë'ë y'ity këtiinëm ja tsajp.

Deuteronomio 19:17

Nimäjtsk yajwoownëjkxtëty ma ja Wintsën yajmëkäjpxyën, näjyëtu'un ma ja teetytyëjkëtyën ets ma ja kutuunktëjkëtyën, mëti'ipë jam tuuntëpën jä'ä xëëw jä'ä jëmëjt.

Génesis 26:3

E tyam jaakjuuky'ajtkoj ma tampë kajpnën. Ëjtsës mëët mijts nyajpaata'any ets nkënu'kxäämpy. Jä'ä ko mijts ets mëët yë m'u'unk m'ok, yë'ëjës ya'atë it naaxwiinyëtë nmo'ojantëp. Jëtu'unës ëjts npatuna'any ja käjpxytyu'unën mëti'ipës ja mteety Abraham të ntukwinwanën.

Génesis 17:8

Mijts ets yë'ëjëty nmo'ojantëp yë naaxwiinyëtë jampë Canaán ma mijts tyam mtsëënën ets yë'ë tkuma'ayën'atëty, etsës ëjts nTios'atëty.

Deuteronomio 26:2

Ja aaytyëëm ujtstëëm, ëkë ja aaypyajk ujtspajk mëti'ipë ënety ëka'any myajpëtë'kpyën, yë'ë mwin'ixëp yë oyëtypë tsujëtypë ets jap xy'apëkëty ma tu'uk yë katsyën, tääts xymyënëjkxëty jam ma ja it naaxwiinyëtën, mëti'ipë yë mWintsën ënety kë'ëm të twin'ixyën, ko jam yë xyëëw yaj'ëwtatëty yaja'amyätsëty.

Deuteronomio 26:4

Tääts ja teety nëjkx t'ëxajë ja katsy ujts mëët ja tsajpmok ets jam tpëjkta'akëty ma ja wintsë'këntyaknën, mëti'ipë yë mWintsën'ajtëm jyä'ä'ajtypyën.

Deuteronomio 1:8

Tääpë it naaxwiinyëtë mijts të nmo'otë, nëjkxtë jam ets jä'ä'atë tääpë naax kam, ëjts maas nWintsën'atyën, yë'ë ojts ntukwinwanëtës yë m'ap m'okëty tä yë Abraham, Isaac ets Jacob ets näjyëtu'un yë y'u'unk y'okëty.