Deuteronomio 26:2 - Biblia Dc en Mixe de Quetzaltepec

² Ja aaytyëëm ujtstëëm, ëkë ja aaypyajk ujtspajk mëti'ipë ënety ëka'any myajpëtë'kpyën, yë'ë mwin'ixëp yë oyëtypë tsujëtypë ets jap xy'apëkëty ma tu'uk yë katsyën, tääts xymyënëjkxëty jam ma ja it naaxwiinyëtën, mëti'ipë yë mWintsën ënety kë'ëm të twin'ixyën, ko jam yë xyëëw yaj'ëwtatëty yaja'amyätsëty.

Biblia Mixe de Quetzaltepec

² Ja aaytyëëm ujtstëëm, ëkë ja aaypyajk ujtspajk mëti'ipë ënäty ëka'any myajpëtë'kpyën, yë'ë mwin'ixëp yë oyëtypë tsujëtypë ets jap xy'apëkëty ma tu'uk yë katsyën, tääts xymyënëjkxëty jam ma ja it naaxwiinyëtën, mëti'ipë yë mWintsën ënäty kë'ëm të twin'ixyën, ko jam yë xyëëw yaj'ëwtatëty yaja'amyätsëty.

Deuteronomio 26:2 ပူးပေါင်းရင်းမြစ်များ

Éxodo 23:19

Yë oyjyätyëtypë aay ujts mëpaat xymyënëjkxy ma mWintsën yë tsyajptëjkën, mëti'ipë ëka'any tëëm'ajtë'kpën. Këtii yë tsajppax u'unk jap xyajwinkë'ëwëty ma tyaak yë tyi'tsknëëjën.

Éxodo 23:16

Mnixëëwtunëp näjyëtu'un yë pëjktä'äky ma ëka'any xyajpëtë'ëka'anyën yë mpëjktä'äky, näjyëtu'un mëti'ipë jää myajpëtë'kpyën ma jajëmëjt kyëjxnën, ma ënety xyajpëtë'ktaaynyën tëkokyë mëti'ipë të xynyi'ipy të xykyojyën.

Ezequiel 44:30

Yë teetytyëjkëty nän yë'ë nëjkx tjä'ä'atë mëti'ipë më''ëka'any pëtë'kpën kamjoty tu'ujoty ets ja ayajk ako'onën mëti'ipë më''ëka'any yajyajkpën. Ets ko ënety ja jëtsy yajwooky mëti'ipë tsajpkääky yajtuk'oytyuunpën, yë'ë nëjkx yë teetytyëjkëty tjä'ä'atë. Jëtu'un nëjkx yë nkënu'kxënës jam kyëtä'äky ma mjëën mtëjkëtyën.

Santiago 1:18

Jä'ä ko Dios jëtu'un të tsojkën'aty, paaty të xymyo'oyëm ja juukyajtën mëtëypyë mëët ja aaw ayuk. Tu'kë'ëyë mëti'ipë Dios yajkojën, jëtu'un yë'ë ijxtëm tii tyëëm'atyën ets n'ijtmëty ijxtëm ja aay ujtsën mëti'ipë jëyëjp tëëm'ajtë'kpën.

1 Corintios 16:2

Wintu'ktominkë xynyikoonpätëty ja putëjkën, jëtu'un xypyukontëty wi'ix ënety tii xypyaatën ets xypyëjkë'ëktëty. Koos nja'tëty, ka'ap jää myukëty ja putëjkën.

1 Corintios 15:20

E yë'ë tëy'ajtën'ajtp ko ja Kristë të jyuukpyiky, yë'ë jëtu'un ijxtëm më''ëka'any pyëti'ikyën ja pëjktä'äky, yë'ë jëyëjp të jyuukpyiky.

Romanos 11:16

Jëtu'un ijxtëm ja jëtsyën mëti'ipë ja Dios yajtuknipëjktakëpën kënu'kxy ja nyäxy, näjyëtu'un ja tsajpkääky nän kënu'kxy jä'änë. Näyjyëtu'un ënät tu'uk ja kepy tyikts ko tëë Dios tkënu'kxy, ja kepyxye'enty aak wa'ats ja nyajxtaaynyë.

Romanos 8:23

Ka'ap yi'iyëty y'ëyowtë, näjyëtu'un ëëtsajtëm n'ëyo'owëm nijënaak ja Dios të xymyo'oyëmën ja Kënu'kxymyëkajtën, ijxtëm jeexyë ëka'any të xymyo'oyëmën mëti'ipë xymyo'oja'anëmën. Mëk nku'ëyo'owëmë ko n'a'ijx njëjp'ijxëmë ets ja Dios xykyupëjkmëty ijxtëm ja y'u'unk y'ëna'kën, mëti'ipë nëjkx ni'kx'ajt nkopk'ajtëm tyaj'ëwaatsëpëtsëmyën.

Ezequiel 48:14

Yë'ë nëjkx ya'atë naax ni'ik mëj nyaax'aty ma naax kajpnën. Tyaapë naax ka'ap tjëkyepy yajtookëty nitu'kjënu'un ets nän ka'ap tjëkyepy pën yajmo'ojëty, jä'ä ko yë'ë të yajtuknipëjktaakë yë Wintsën.

Ezequiel 20:40

Tëkokyë yë Israel ja'ayëty jam nëjkx xy'ëwtatës maas yë wa'atspë nkopkën, jampë yajpaatyën nkajpnjotmës. Ëjts Wintsën ëjts ënaanp. Jamts jotkujk n'ëxajëtëty; jam n'amëtowa'antë yë ayajk ako'onën ets tmëmintëty mëti'ipë më''ëka'any yajpëtë'ktëpën ma nyaax kyamëtyën ets oy tyimtiijëty tiijës xytyukmëyoxantëp.

Deuteronomio 16:10

Jää xyajtso'onta'aktëty ja xëëw ma yajnixëëwtunyën wëxtujk sëmaanpë ja pëjktä'äky ets ja Wintsën jää yajmëjjawëty; ma ja xëëw ënety tyunyë jyätyën nëjkxëp xyaktë yë m'ayajk m'ako'onënëty ets oytyiijëty tii ënety yë Wintsën mtukmëjjawëjantëpën.

Éxodo 34:26

Yë'ë mëpaat xymyënëjkxtë ma ja mWintsën Dios ja tyëjkën, oyëtypë aaytyëëm ujtstëëm mëti'ipë tëëm'ajtë'kpën më''ëka'any, jampë pyëtsimyën naaxwinm kamwinm. Këtii yë tsajppax u'unk jap xyajkë'ëwtëty ma tyaak yë tsyi'tsk nëëjën.

Apocalipsis 14:4

Yë'ë mëti'ipë oy tsuj të jyä'äy'atën ets ka'ap të nyäyaj'ëxëëkëtë mëët ja to'oxytyëjk. Wa'ats yë'ëjëty të nyäyaj'itëtë, pyanëjkxtëp oy tyimmaajëty mëti'ipë yajtijpën Kupixyn U'unk. Yë'ë jëtu'un jëwyiin të nyätyukmëyoxëtë ja Dios ets mëti'ipë yajtijpën Kupixyny U'unk ets të tuknitso'oktë.

Romanos 16:5

Kajpxpo'kxtë näjyëtu'un ja mëpëjkpëtëjkëty mëti'ipë niye'eypyäjtëpën ma ja Priscila ets Aquila ja tyëjkën. Kajpxpo'kxtë ja Epeneto, mëti'ipës nmëku'ukja'apën, yë'ë ojts tmëpëky ja Kristë jëyëjp jam Asia y'itjotm.

Jeremias 2:3

Israel wa'ats ijty yajpaaty ma ëjtsën, jëtu'unës ijty njawë tä ni'ik oypyë npëjktä'äkyënës. Ko ijty pën wi'ix tyunyë, pojënës ntukumëtoy ja pyoky mëti'ipë ëxaty tuunëpën ets ntuknikexyës ja ëyo'on jotmay. Ëjts Wintsën, ëjts ënaanp.

Nehemías 13:31

ets näjyëtu'un y'o'oyëtyääy ja jotmay mëti'ipë ënety jamën, ojts yajkajpxmuky wi'ix ja jëën ja'axy yajmëminëtyën ets wi'ix'äämpy ja jë'kxy pëky näjyëtu'un myukëtyën. Dios, ma mijts n'ëwtatyën: ja'amyäjtskës ets oyjya'awëkës.

Nehemías 12:44

Jä'ä xëëw jä'ä jëmëjt ojts yajnikajpxpätë ja'ayëty mëti'ipë y'ijx'it kyëwent'atëpën ja jëën tëjk maajaty nyipetyën ja jë'kxy pëky, ja ayajk ako'onën japë tsajptëkoty myukyën ets ja pëjktä'äky mëti'ipë kyëjääjë yajpëjkp yajtuunpën ets mëti'ipë yajpupëjkpën ma ja majkjatypë yajpëjkwä'kxyën, mëti'ipë mujkpën ets yajtukniyajkëtyëpën yë teetytyëjkëty ets Leví ja'ayëty; ya'atë ja ayajk ako'onën paaty tyajktë ëmuumtu'ukjot jä'ä ko y'oyjya'awëtyëp ijty ja teetytyëjkëty ets ja Leví ja'ayëty mëti'ipë jam tuuntën.

2 Crónicas 31:5

E ko ojts ja ayuk jëtu'unpë ye'eywyä'kxy, ja ja'ayëty kë'ëm jot kë'ëmwinma'any ijty winë tjanty yaktë, mëti'ipë yajë'kx yajpëjkpën ets mëti'ipë yaj'ukpën, ja kamwinmëpë pyëtsimyën. Ëpëky näjyëtu'un tyajktëpë tu'kpëkyjyäty ja maypyë.

2 Crónicas 6:6

e ëjts ojtsës nwin'ixy yë Jerusalén ets jam yajmëjjawëty yë nxëëwës ets nwin'ijyxës yë ntuunpës David ets yë'ë tu'uwinye'eyëty yë naax nkajpnës.

2 Reyes 4:42

Ok tu'uk yë ja'ay jam jyä'äjty, jam tsyoony Baal-salisá, yë'ë tyuknimiin ja Elisejë yë tsajpkääky, i'px tyajmiiny ets tsajpmoktë'ëts jam ma ja xyuumyën. Tä ja Elisejë ojts tuk'ëne'emy ja tyuunpë: Yajkaaytya'a ja'ay.

Josue 18:1

Ja Israel ja'ayëty jam ojts jya'ajtmujkta'atë Siló ets jam tkoja'antë ja Wintsën ja wyittëjk ma mëët ja näpyaatë y'ityën. Ja naaxwiinyëtë jampë yajpaatyën oy ënety të tjajä'äpëjkta'atë,

Deuteronomio 18:4

Näyjyëtu'un ja aaytyëëm ujtstëëm, ja aaypyajk ujtspajk, tä yë tsajpmokën, tsatsymnyëëjën ets on mëti'ipë ëka'any yajpëjkë'kpën; näjyëtu'un ja u'kxywyit mëti'ipë ëka'any ja ja'ay nyëëke'pyën ma ja kyupixynyën.

Éxodo 22:29

Ka'ap xymyëpo'kxëty yë m'ayajk m'ako'onën ets mpëjktä'äky mëti'ipë mmëminëpën ma ëjtsën. Yë m'u'unk mmaay, mëti'ipë ënety më''ëka'any mëxu'unk'ajtpën, ëjts xymyo'ojëp.

1 Corintios 15:23

Tuknipëjktaakë y'ity nitu'ukjaty. Ja Kristë jëyëjp ets ok nimina'any ja jyä'äy.

Éxodo 20:24

Paaty yam n'ënëëmëtë ets xy'oytyuntëty tu'uk yë wintsë'këntyakn, yë naax mtukpotstëp ets jamts xymyo'otëtyës yë mjëyujk mtsajpkaajëty ets xynyino'oktëty, jëtu'un'äämpy ntu'unmëty ja nay'ëëw'oy näykyajpx'oyë. Ëjts minaanpës ma miitsëtyën ets nkënu'kxa'antë, oy jëtu'un tyimmaa'atëty maas ënety ntsokyën etsës ja nxëëw mëj jaanty y'itëty.

Deuteronomio 26:1

Ko ënety jam të mja'ajnë ma ja it naaxwiinyëtën, mëti'ipë yë mWintsën mmo'ojanëpën ets xyjyä'ä'atëty ets ënety jam të mtsënaaytyaknpëjknë.

Deuteronomio 26:3

Ets mnäkyajpxkëxë'ëkëtëty ma ja teetyën, mëti'ipë ënety jam tuunpën; xy'ënëëmëty: Ëjts yë'ëjës yam nikäjpxyp nWintsën wintum ko tëëjës nja'ty ma ya'atë it naaxwiinyëtën mëti'ipë yë Wintsën ojts tukwinwanën yë n'ap'ajt n'ok'ajtëmë, ko t'ënëmaay koos ya'atë naax kam xymyo'oja'antë.