Deuteronomio 26:14 - Biblia Dc en Mixe de Quetzaltepec

¹⁴ Ma ënety pën të y'ookyën ets je'eyë ja monyëtukyë y'ity ets pën näjya'awëyëpës, ko tëëjës ja ëxëëkpë xypyääty ja pëjktä'äky ka'apës nëkoo të ntony. Ets ni o'kpë të nkatukwintsë'ëkës. E paaty yam n'ënëëmë mijts Wintsën, ko tëë nmëmëtoy ets tëëjës ntuny tääjës mijts të xytyuk'ëne'emyën.

Biblia Mixe de Quetzaltepec

¹⁴ Ma ënäty pën të y'ookyën ets je'eyë ja monyëtukyë y'ity ets pën näjya'awëyëpës, ko tëëjës ja ëxëëkpë xypyääty ja pëjktä'äky ka'apës nëkoo të ntony. Ets ni o'kpë të nkatukwintsë'ëkës. E paaty yam n'ënëëmë mijts Wintsën, ko tëë nmëmëtoy ets tëëjës ntuny tääjës mijts të xytyuk'ëne'emyën.

Deuteronomio 26:14 ပူးပေါင်းရင်းမြစ်များ

Oseas 9:4

ka'ap t'ëk uukanë yë tsatym nyëë tëpë nyimaanaxyën mëti'ipë Wintsën yajtukmëjja'apën ets nän ka'ap t'ëktukwintsë'ëkëjanë jam yë wintsë'kën. Ja tsajpkääky mëti'ipë kyäyäämpyën jëtu'un tkayä'äny tä ja'ay y'o'kpë nikayën ets pën ënety kyääytyëpën ëxëëk wyë'ëma'antë, yë'ë nëjkx tkaytyë tääpë tsajpkääky ets ka'ap nëjkx tjëkyepy tmënëjkxtë ma Wintsën tsyajptëjkën.

Salmos 106:28

Tä ojts tmëtuntë ja wiink tios mëti'ipë tyijtëpën Baal-peor, ets tkaaynyëtë tjë'kxnëtë ja ka'ayën ukën mëti'ipë të yajtukwintsë'ëkën ja tios ka'apë jyuukyëtyën.

Malaquías 2:13

E miitsëty ni'ikyë winë xyjyaak timtyuuntëkoytyë: mwiinnëë jam mtäämnëtëp mjä'tsnëtëp ma wintsë'këntyaknën ets xy'ënëëmëtë yë Wintsën ko tii ko tka'ëk'ëxajënë yë wintsë'kën mëti'ipë yajmoopy yajkäjxpën.

Ezequiel 24:17

Ame'tsyë m'ëyowëty ets ka'ap xynyimon xynyitukëty yë m'o'kpë tä yë ja'ay yë o'kpë tnimon tnitukyën. Ka'ap jää mjëtitëty kuwa'ats tekywya'ats; ka'ap mnäwyinkuwitsëtëty ko yë m'aaw mjot pyëk y'atonëty ets ka'ap yë tsajpkääky xykyäyëty mëti'ipë yajkääpyën ko jëtu'un tyunyë jyätyë.

Deuteronomio 16:11

Jëtu'un nëjkx ja Wintsën tu'uk ja myëjxëëw xyaj'apaatëtë jam ma ja it naaxwiinyëtë kë'ëm të twin'ixyën ets ja xyëëw jam yaja'amyätsëty; ko tyaapë xëëw xyaj'apaatëtëty, tam'ajtp ënety ja m'u'unk m'ëna'këty, mëtuunpë, Leví ja'ayëty, jaaypyaat jaaypyo'kxy, ku'ooky'u'unkëty ets ku'ookytyo'oxëty.

Deuteronomio 26:13

Ënet nëjkx m'ëna'any jam mWintsën wintum: Tëës npëjktä'äky ëpëky maas yë njëën ntëjkën ja aaytyëëm ujtstëëm, mëti'ipës të nyajpajk'atyën ets tëë nmo'oyës yë Leví ja'ayëty, jaaypyaat jaaypyo'kxyëty, ku'ooky'u'unk, ku'ookytyo'oxëty, mëti'ipë yajpatëpën ma ëëtsëtyën. Ntunyës jëtu'un mëti'ipës mijts të xytyuk'ëne'emyën ets tëëjës jëtu'un njanty tyuny ets ka'apës ja m'aaw m'ayuk nëkoo je'eyë të nkumëtoownaxy.

Deuteronomio 26:15

Mijts Dios mëti'ipë jam ijtpën tsajpkëjxm, ma ja m'ijtaknën wa'atspë, ku'ijxnax yaa naaxwiiny, kënu'kx yë mnaax mkajpn, yë Israel kajpn ets kënu'kx näjyëtu'un yë naaxwiinyëtë mëti'ipës të xymyo'otën ma ja jë'kxy pëky ka'ap y'ëmaaytyä'äkyën ets jëtu'un y'atëwëty ja m'aaw m'ayuk tä ojts xytyukwinwanën ëëts ja n'ap n'okëty.

Jeremias 16:7

Ni pën ja kyääky y'uuky tkanipëjktaakëja'any ets ja o'kpë yajwinkay yajwin'uukëty. Këtii nëkoo tyimmon tyimtuktëty ja mëti'ipë ku'o'këtëpën, oy yë'ë'atëty ja teety taak jyatimy'ooky.

Deuteronomio 13:5

Tääpë käjpxynyajxpë, ëkë mëti'ipë yajniwijpyën yë kuma'ay, nëjkxëp yë y'ooky, mëëtkyëjxm ko ënety tëë mnajts'ëw mnaskajpxëtë ets xykyäjpxy kumëtoownaxtëty ja Wintsën mëti'ipë mTyios'ajtëpën, mëti'ipë myaj'ëwaatsëpëtsëëmëtën jap Egiptë ma ënety mëtun m'ëyowtën ets ka'ap myajmëjuytyë. Jëtu'un ënety ka'ap xy'ijxta'aktë ja ëxëëkajtën ma miitsëtyën.

Deuteronomio 15:5

Ënet jëtu'un pën mëmëtoopy ets mtuumpy, ijxtëm yë'ë tni'ënä'ämën, jëtu'un tä tyam të mtukmëtowëtën.

Salmos 18:22

Yapës njootjoty nwinma'anyjoty ntimmyëët'aty tu'kë'ëyë yë y'ënä'ämën tyiyajtën, ka'apës nijëna'a y'ënä'ämën tyiyajtën të njëjpmëkajpxë.