Deuteronomio 26:10 - Biblia Dc en Mixe de Quetzaltepec

¹⁰ E paatyës yam ëka'any nmëminy ya'atë aaytyëëm ujtstëëm. Mëti'ipë të tyëëm'ajtsoonyën maas yë nkam ntu'ujën, mëti'ipës yë nWintsën të xymyo'oy të xykyexyën. Ënet ja katsy jam xynyajtskëyëty Dios wintum ets mnäkyoxtënaaytya'akëtëty.

Biblia Mixe de Quetzaltepec

¹⁰ E paatyës yam ëka'any nmëminy ya'atë aaytyëëm ujtstëëm. Mëti'ipë të tyëëm'ajtsoonyën maas yë nkam ntu'ujën, mëti'ipës yë nWintsën të xymyo'oy të xykyexyën. Ënät ja katsy jam xynyajtskëyëty Tios wintum ets mnäkyoxtënaaytya'akëtëty.

Deuteronomio 26:10 ပူးပေါင်းရင်းမြစ်များ

Apocalipsis 22:9

Tääts xynyëmaayës: Këtii jëtu'un m'ëtë'ëtsy. Tiosës xytyuunpë'ajtp, näjyëtu'unës ijxtëm mijtsën, ijxtëm ja mmëku'uktëjkën mëti'ipë ja Dios ja y'aaw y'ayuk kyajpxwa'kxëtëpën ets näjyëtu'unës tä mëti'ipë myëjpëjktaktëpën ja jaaypyetypë myinyën ma ya'atë nokyën. Wintsë'ëkë ja Dios.

1 Corintios 10:31

Jëtu'unës yam n'ëna'any, pën mkaaytyëp m'uktëp, ëkë pën tii mtuuntëp mkajpxtëp, jëtu'un winë tuntë ijxtëm ja Dios yajtukmëjjawëtyën.

Romanos 2:1

Paaty mijts ka'ap xymyëët'aty ja pokymyä'kxën, oy mijts mpënëty. Ko ja wiink ja'ay xypyaye'eyë ja nyëë pyoky kë'ëm mnäyajnitukëty; jä'ä ko mijts näjyëtu'un m'ëtë'ëtsy ijxtëm yë'ë y'ëtë'ëtstën.

Isaías 66:23

Wimpo'o, winsëmaan, winpo'kxënxëëw, wintomingo, jëtu'un yaa ja'ay myina'antë ets min xywyinkoxtänëtës. Ëjts, mëti'ipë Wintsën'ajtpën, ëjts ënaanp.

Proverbios 3:9

Mëtun Dios mëët yë mwit mmeeny ets mjë'kxy mpëky; mëët yë m'aay m'ujts mëti'ipë mkamwinm mtu'uwinm myajpëtë'kpyën,

Salmos 95:6

Mintë, tsojk nwinkoxtëna'ayëmë ets n'ëwtajtëmë. Nwinkoxtëna'ayëmë yë Wintsën, jä'ä ko yë'ë të xyajkojëmë.

Salmos 86:9

Mijts Wintsën, mijts të xyajkojy tëkokyë yë naax kajpn, yë'ë mniminanëtëp ets m'ëwtata'anëtë ets tukxoonta'aka'antë yë mxëëw.

Salmos 22:29

Winta'ak naaxkowtë ma yë'ëjën nitëkokyë jënu'un winë mëj këjää xymyëët'atën, tu'kë'ëyë jënu'un naaxway y'awinpita'antën, jä'ä ko ka'ap kë'ëm mnäyajjuuky'atëtë.

Salmos 22:27

Tu'kë'ëyë ja'ay ets ja naax kajpn, ja'ay wiinktsowpë tsyoontën, naaxwiinyëtë apëtsëmy: ja'amyätstë Wintsën ets nnimintë. Yë'ë wiinkoxtänëtë.

1 Crónicas 29:14

jää ko ëjts ets nnaax nkajpnës nitiijës nkakëjxm'atë ets mijts tii nmo'o nkäxtëty mëjwiin këjää. Aakmijts winë mjä'ä'ajtääpy, mëti'ipës yam wäänë nyajktëpën yë'ë mëti'ipës mijts të xymyo'otën.

Deuteronomio 26:17

Tëë kë'ëm xynyikäjpxy ko yë Wintsën yë'ë mTios'ajtyp ets tëë xytyukwinwanë, ko yë nyë'ë tyu'uyë'ë xypyanëjkxanë ets ko yë y'ënä'ämën tyiyajtën xypyatuna'any ets ko yë'ë xëmë xymyëmëtowa'any.

Deuteronomio 26:4

Tääts ja teety nëjkx t'ëxajë ja katsy ujts mëët ja tsajpmok ets jam tpëjkta'akëty ma ja wintsë'këntyaknën, mëti'ipë yë mWintsën'ajtëm jyä'ä'ajtypyën.

Deuteronomio 26:2

Ja aaytyëëm ujtstëëm, ëkë ja aaypyajk ujtspajk mëti'ipë ënety ëka'any myajpëtë'kpyën, yë'ë mwin'ixëp yë oyëtypë tsujëtypë ets jap xy'apëkëty ma tu'uk yë katsyën, tääts xymyënëjkxëty jam ma ja it naaxwiinyëtën, mëti'ipë yë mWintsën ënety kë'ëm të twin'ixyën, ko jam yë xyëëw yaj'ëwtatëty yaja'amyätsëty.

Deuteronomio 18:4

Näyjyëtu'un ja aaytyëëm ujtstëëm, ja aaypyajk ujtspajk, tä yë tsajpmokën, tsatsymnyëëjën ets on mëti'ipë ëka'any yajpëjkë'kpën; näjyëtu'un ja u'kxywyit mëti'ipë ëka'any ja ja'ay nyëëke'pyën ma ja kyupixynyën.

Éxodo 22:29

Ka'ap xymyëpo'kxëty yë m'ayajk m'ako'onën ets mpëjktä'äky mëti'ipë mmëminëpën ma ëjtsën. Yë m'u'unk mmaay, mëti'ipë ënety më''ëka'any mëxu'unk'ajtpën, ëjts xymyo'ojëp.

Éxodo 23:19

Yë oyjyätyëtypë aay ujts mëpaat xymyënëjkxy ma mWintsën yë tsyajptëjkën, mëti'ipë ëka'any tëëm'ajtë'kpën. Këtii yë tsajppax u'unk jap xyajwinkë'ëwëty ma tyaak yë tyi'tsknëëjën.

Deuteronomio 8:18

Ja Wintsën mëti'ipë mTiosajtëpën yë'ë xëmë mja'amyätstëp. Jä'ä ko yë'ë mooyëtëp ja oyajtën mëk'ajtën ets winë xypyaatë xy'ixtëty. Ttuny jëtu'un ja mëti'ipë tyukwinwa'anëyën ja m'ap m'okëty.

Proverbios 10:22

Ni'ik tsyowpaaty ko yë Dios kyënu'kxy jyëkyejpy, jä'ä ko ka'ap yajmony yajtuky.