Deuteronomio 24:14 - Biblia Dc en Mixe de Quetzaltepec

¹⁴ Këtii ni'ikyë winë xypyëjkëtëty ja ëyoopëja'ay, ko mmëtunëtëty, këtii xyajpo'oxëty ja myëju'uny. Tyaapë yajnikäjpxyën, mtunëp oy jyamëty ma ja mëkunaax mëkukajpnën ëkë ma jaaypyaat jaaypyo'kxyën.

Biblia Mixe de Quetzaltepec

¹⁴ Këtii ni'ikyë winë xypyëjkëtëty ja ëyoopëja'ay, ko mmëtunëtëty, këtii xyajpo'oxëty ja myëju'uny. Tyaapë yajnikäjpxyën, mtunëp oy jyamëty ma ja mëkunaax mëkukajpnën ëkë ma jaaypyaat jaaypyo'kxyën.

Deuteronomio 24:14 ပူးပေါင်းရင်းမြစ်များ

Malaquías 3:5

Yë Wintsën mëti'ipë maaytyääyëpën winë jëtu'un y'ënä'äny: Minaanpës ets miitsëty nipaye'eya'antë. Näyjyëtu'un kë'ëm n'ixa'any nmëtowa'anyës wi'ix ënety yajtuntën ja mëti'ipë najtsja'awëtëpën, mëti'ipë ka'ap twintsë'ëkën ja nyiye'etyëjk ëkë ja tyo'oxytyëjk; mëti'ipë nanëkoo ëëwpäjn kajpxpäjn wyäämpyën yë Dios yë xyëëw; mëti'ipë ka'ap tsow tmëjuyën yë tyuunpë, je'eyë mëk tyajtuny; mëti'ipë o'ktëy tyuunpyën ja ku'ookytyo'oxy ets ja ku'ooky u'unk; mëti'ipë yaj'ëyoopyën ja jaaypyaat jaaypyo'kxy ets mëti'ipë ka'ap wyinkutsë'ëkën.

Proverbios 14:31

Ja'ay mëti'ipë wyojpy kyä'tsypyën yë ëyoopëja'ay, Dios myëtëkoopy mëti'ipë të yajkojyën; e mëti'ipë pya'ëyoopyën yë ëyoopëja'ay, yajmëjnajxëp yë Dios.

Proverbios 22:16

Mëti'ipë ja'ay pyëjkëpën tii yë ëyoopëja'ay ets nyäyajkumeenytya'aka'anyë mëk ëyoopëja'ay y'awinpita'any.

Amós 4:1

Mëtoow'itë ya'atë aaw ayuk miitsëty Samariapë to'oxytyëjkëty, Basán kajpnëpë tsyëënëtën, jëtu'unpë jyuuky'atën tsajpkaato'oxyën, mëti'ipë yaj'ëyoowtëpën tyiytyuuntëpën yë ëyoopëja'ay ets mëti'ipë ëxëëk tyuuntëpën mëti'ipë winë yajmëyajtëpën, mëti'ipë y'ënä'ämtëpën yë nyiye'etyëjktëjkëty ets myëmi'inxëtëty yë tsatym nyëë tëëpë nyimaanaxyën.

Lucas 10:7

Jam wë'ëmtë ma tääpë tëjkën, mkaytyëp m'uuktëp pën tii ja ja'ay mmooyëtëp, jä'ä ko ja tuunpë paat'ajtëp myëju'uyën. Ka'ap winjëën wintëjk mjëtitëty.

Amós 2:7

Tyiytyuuntëp ets ka'ap tmëj'ixtë yë ëyoopëja'aytyëjk, ko jya''amëtoyë ja ëyoopëja'ay ets jeexyë tpaye'ey, ka'ap tpaye'ey. Yë u'unkteety ets myaank tu'ukyë ja to'oxytyëjk tukmujknëtë ets tmëët tsëënëtë, tyajnipäxëtëkëtë jëtu'un ja nxëëwës.

Amós 8:4

Mëtoow'itë ya'atë aaw ayuk, miitsëty mëti'ipë myaj'ëyoowtëpën ets mtëytyuuntëpën yë ëyoopëja'aytyëjk ets o'ktëy xytyuntë xy'ënëëmëtë ja'ay mëti'ipë yu'unk naxym ja'ay'ajtëpën ma naax kajpnën;

Ezequiel 22:7

Yë ja'ayëty mëti'ipë tsënaaytyëpën ma mijtsën ka'ap twinkutsë'ëkëtë yë tyaak tyeetyëty; ëxëëk tuntë yë jaaypyo'kxy, yaj'ëyoowtëp yë ku'ooky u'unk ets ku'ookytyo'oxy.

1 Timoteo 5:18

Jä'ä ko jëtu'un ja Dios ja y'aaw y'ayuk y'ënä'äny mëti'ipë këxja'ay miinpën: Këtii ja tsajpkaa xytyuk'ajänëty ja xuumy ko ja tsajpmok twintäänëty. Näyjyëtu'un y'ënä'äny: Yë tuunpë patëp yajmëjuyëty.

Deuteronomio 15:7

Pën yajpatp yë ëyoopëja'ay ma naax kajpnën, mëti'ipë ënety yë mWintsën të mo'oyën. Yajnikëxë'ëk ja m'oyjot m'oywyinma'any ma yë'ëjën, mo'o tii yajmëyäjtypyën, këtii ja mëkunaax mëkukajpn jëtu'unyë xynya'ixëty.