Deuteronomio 24:12 - Biblia Dc en Mixe de Quetzaltepec

¹² Pën m'ijxtëp ja ja'ay ko janty ëyoop ets ënety tii mo'ojëtë mëti'ipë ja nu'kxy tyukëpejtypyën, këtii tu'ktsu'um xyajninaxtëty ets xymyëët'atëty ja mëti'ipë ënety të tyäkyën.

Biblia Mixe de Quetzaltepec

¹² Pën m'ijxtëp ja ja'ay ko janty ëyoop ets ënäty tii mo'ojëtë mëti'ipë ja nu'kxy tyukëpejtypyën, këtii tu'ktsu'um xyajninaxtëty ets xymyëët'atëty ja mëti'ipë ënäty të tyäkyën.

Deuteronomio 24:12 ပူးပေါင်းရင်းမြစ်များ

Deuteronomio 24:17

Këtii nëkoo o'ktëy xytyuntëty yë jaaypyo'kxy, ni yë'ë ëxaty xykyatuntëty yë ku'ooky u'unk ets ja ku'ookytyo'oxy, ko ënety mënu'kxy'ätyë. Këtii yë wyit tyujkxy xypyëjkëtëty mëti'ipë ja nu'kxy mtukutëkëtëpën.

Job 24:9

Pyëjkëtyëp näjyëtu'un yë ku'ookytyo'oxy yë y'u'unk myääy mëti'ipë je'eyë tim mëxu'unk'ajtpën ets ëyoowpëja'aytyëjk ni'ikyë winë t'amëtowtë ko tii tuknu'kxtsowtë.

Job 24:3

pyëjkëtyëp yë kyupixyny yë ku'ooky u'unk ets ku'ookytyo'oxy.

Job 22:6

Mijts, oy xykyayajmëyäty ënety tii, m'amëtoopy ijty ja mjëëky mmëku'uk winë ko xyajnu'kxy, mpëjkëp ijty yë wyit tyujkxy ets niwa'ats ëxwa'ats xyajwë'ëmy.

Deuteronomio 24:11

Yë'ë kë'ëm y'ixëp pën tii yakäämpy ets jä'ä ja nu'kx tukëpätëty, e miitsëty jap tëja'p m'ëwxitëty.

Deuteronomio 24:13

Pën yë'ë të tyäky yë nyipä'än, xëmë xymyënëjkxëyëty ux ux ma jyëën tyëjkën ets tjëkyäpëty tii nätyuknipä'änëtëpën, ko mya'aja'an pyo'kxa'anëty. Jëtu'un nëjkx janty mëj tkukajpxë ets tja'awëkyëtä'äky ma miitsëtyën ets Wintsën oy nëjkx t'ixy ko jëtu'un xytyuntëty.

Job 24:7

Jëtu'un yë tsuu tyajnaxtë, ka'ap tii tmëët'atë tii nätyuknimu'uxëtëp, ka'ap tii mëti'ipë jeexyë nätyuk yu'tsëtëpën ko tyëpooktë.

Job 24:10

Yë ëyoowpëja'aytyëjk je'eyëp ko niwa'ats ëxwa'ats kyajëtitë, yë'ë oy yuu'ooktëty nëkoo ko wiink ja'ay yë tsyajpmok tsëëmjëtijtëtë.