Deuteronomio 23:3 - Biblia Dc en Mixe de Quetzaltepec

³ Yë Amón ja'ayëty ets Moab ja'ayëty nijëna'a kyayajkupëktëty ma ja Wintsën ja nyaax kyajpnën, oy jyä'äjëty ja y'u'unk y'okëty mëti'ipë ënety të nyajtsmin të nyaskä'äxëtën majk'oknipëtë'ëkë.

Biblia Mixe de Quetzaltepec

³ Yë Amón ja'ayëty ets Moab ja'ayëty nijëna'a kyayajkupëktëty ma ja Wintsën ja nyaax kyajpnën, oy jyä'äjëty ja y'u'unk y'okëty mëti'ipë ënäty të nyajtsmin të nyaskä'äxëtën majk'oknipëtë'ëkë.

Deuteronomio 23:3 ပူးပေါင်းရင်းမြစ်များ

Nehemías 13:23

Ojts näjyëtu'un yajnijawë ko tam ja jutië ja'ayëty mëti'ipë ënety të pyëktën mëët ja to'oxytyëjkëty jampë kyukajpn'atën Asdod, Amón ets Moab;

Nehemías 4:7

E ko ja Sambalat, Tobías, Árabe ja'ayëty, Amón ja'ayëty ets Asdod ja'ayëty tnija'awëtyë ko ja tuunk tam je'eyëm tyu'uye'ey ëti'ity ets ko ënety tëë ja yajpojts'o'oyëtyä'äy ja potsy maajaty ënety të pyijy të kyiitsyën mëti'ipë jamë Jerusalén, ënät yajxon jyänty jyoot'anpëjktë,

Nehemías 4:3

Tam ja Tobías ënety näjyëtu'un pya'u'unyëty ets ojts y'ënaanpë: Ixtë, ko xyijy yë pyotsyëty jam wintu'upëky t'oytyuntë, mëpaatëp jam tu'uk wax kyëxpujnë ets tyajëmaamkëta'akëty.

Rut 4:6

Ko jëtu'un tmëtooy, tä ja myëku'uk y'ëtsooy: Pën jëtu'un, ka'ap tjëkyepy njuyëtyës. Jä'ä ko tsojk jyotmaykyojëty maas ja nkuma'ayënën. E pën mijts mjuyäämpy, oy xyjyuyëty. Tyam mijts nmo'ojëty mëti'ipë ënety ëjts xyjyapatpën.

Isaías 56:3

Pën tu'uk jaaypyo'kxyjyä'äy näkyë'ëyajkëp ma Wintsënën, ka'ap tjëkyepy y'ëna'anëty: Ëjts ëpëkyës yë Wintsën xypyëjktä'äky ma nyaax kyajpnën. Ets ja'ay mëti'ipë të yaj'ixtsyaapëkyën, ka'ap tjëkyepy y'ëna'anëty: Ëjts jëtu'unës tä tu'uk të'ëts kepyën.

Mateo 5:43

Tëë miits xymyëtoy'atë ko ja m'aptëjk yajnëmaaytyë: Tsok ja mmëku'uk ets ëxëëk xy'ixëty ja mmëtsip.

Deuteronomio 23:2

Näyjyëtu'un tu'uk yë ja'ay mëti'ipë ka'ap yajnijawën pën tyeety'äjtypyën, ka'ap tjëkyepy yajpaatëty ma ja Wintsën ja nyaax kyajpnën, ni yë'ë ja y'u'unk y'ëna'k jam kyayajpaatëty.

Jeremias 49:1

Ma Wintsën tnikäjpxyën wi'ix jyata'antën yë Amón ja'ayëty: ¿Maa ënät ja Israel ja'ayëty ja y'u'unk y'ëna'këty? ¿Maa ënät ja mëti'ipë myëwë'ëmantëpën ja kuma'ayën? ¿Wi'ix ko ënät ja tios Milcom yë'ë Gad ja'ay nyiwintsën'atyë? ¿Wi'ix ko yë Amón ja'ayëty yë'ë jam tsyëënëtë ma Gad y'itjotmën?

Lamentaciones 1:10

Tëë yë mëtsip tjä'äpëjkta'ay mëti'ipë Jerusalén jyä'ä'ajtypyën. Ojts yë naax kajpn t'ixy wi'ix kyajpntëjkëtyë yë ja'ayëty mëti'ipë wiink tios y'ëwtajtëpën, ja ja'ay mëti'ipë mnikajpxën ets ka'ap nijëna'a jap tyëkëtëty ma mjëën mtëjkën ma nätyu'ukmukë y'ityën.