Deuteronomio 23:23 - Biblia Dc en Mixe de Quetzaltepec

²³ E pën kë'ëmwinma'any miits yë Wintsën ënety tii të xytyukwinwanëtë, kopkpëky ko xyaj'ëtuktëty ja mwaantakënëty.

Biblia Mixe de Quetzaltepec

²³ E pën kë'ëmwinma'any miits yë Wintsën ënäty tii të xytyukwinwanëtë, kopkpëky ko xyaj'ëtuktëty ja mwaantakënëty.

Deuteronomio 23:23 ပူးပေါင်းရင်းမြစ်များ

Proverbios 20:25

Kutsë'ëkë wäänë ko yë ja'ay tii yë Dios tukwinwanë ets ënät ok tmëkjawë ko ja wyaantakën tyäky.

Hechos 23:21

Ka'ap xymyëpëkëty, jä'ä ko jap ja ja'ay tu'u ëkë'p y'owëxita'antë niwëxytyikxynyäxy. Tëë mëktä'äky nyäkyajpxëtë ko y'ayuu'ata'antë koonëm ja Pablo tyaj'ooka'antë. Je'eyë mijts ja m'ayuk yaj'ëwxijnë.

Hechos 23:12

Komjopy ja jutiis ja'ay tkäjpxy'ajtë ets ja Pablo y'ookëty, mëk'äämpy ojts tuknipëjktaakëtë ets ja Dios tyajkajpxtë ets ojts timkyu'ëyuu'atëtë koonëm ja Pablo y'ookëty.

Salmos 116:18

Nkuuytyunäämpyës ja waantakën ma ja Wintsënën mëti'ipës të ntukwinwanën, ets y'ixtëp tëkokyë ja naax kajpn mëti'ipë yë'ë kyajpn'ajtypyën.

1 Samuel 14:24

E yë'ë tëy yë Israel ja'ayëty yajxon ënety të y'ënu'kxëtyääynyëtë, jä'ä ko ka'ap ënety ni pën të kyäy, jä'äkyëjxm ko ënety yë Saúl të y'ënä'äny: Poky yë ja'ay wyë'ëmëty mëti'ipë kääpyën ma ka'anëm yë xëëw kyëtä'äkynyëmën, maas ënety ka'ap të n'ijxnajxta'aynyën yë nmëtsipës.

1 Samuel 1:11

Ets ja wyaantakën tpëjktäky, t'ënëmaay ja Wintsën: Wintsën mëti'ipë maaytyääyëpën winë; pën mijts mpa'ëyoopy mnajts'ëyo'owëp ya'atë mtuunpë ets xyjyä'ämyäjtspës koos xymyo'ojëty tu'uk yë u'unk maay, ëjts nkë'ëyakëpës yë'ë ma mijtsën ets mëtunëtëty ets ka'ap ja kyuwaay nëjkx yajkeepy, yë'ë yajtuk'ixëp ko ënety mijts të ntukmëyoxy.

Jueces 11:35

Ko jëtu'un t'ijxy ënät ojts yë wyit amëjaaw tnënuky ets tkë'ëtswä'kxy mëët ko janty mëk tja'awëy ko jä'ä ja nyëëx pyëtsiimy äjtspë ets t'ënëmaay: U'unk maay janty o'ktëyës näjyawëty. Mijtsës ënät tyam ëxëëk xyajjajtp xyajkëpäjtp. Tëës yë waantakën tu'uk ntuny ma Wintsën e kopkpëky koos ënät nmo'ojëty mëti'ipës të ntukwinwanën.

Mateo 5:33

Näy tëë xymyëtoy'atë ko ja aptëjk yaj'ënëmaaytyë: Pën tëë tii xywaantä'äky mëët ja Dios, mkuuytyunëp.

Deuteronomio 23:22

Pën ka'ap tii yë Wintsën xytyukwinwanëtë, nitii poky miits mkapaatëtëty.

Deuteronomio 23:24

Ko muum mtëkëtëty kamjotm ma mëku'uk yë tsatsymkyam tmëët'atyën, jyëkyejpy xyjyë'kxtëty yë tsatym jënu'un xytyimjë'kxa'anyën. Yë'ë ko ka'ap tjëkyepy wäänë xymyënëjkxtëty ma mtëjkëtyën.

Jeremias 44:17

Ni'ikyës njaaktuuna'antë ja mëti'ipës xëmë ntuuntëpën. Ntukwintoyantëpës ja poom mëti'ipë nyiwintaj'ajtypyën ja tsajp; jëtu'unyëm tääjës ntuntën, tä ja n'aptëjkëtyës tuuntën, tä ja yajkutujkpëtëjk ets wintsëntëjkëty tuuntën mëti'ipë jam Judá yajpatën ets jampë Jerusalén të yajpaatën në'ëjoty tu'ujotypë;

Josue 9:18

E ja Israel ja'ayëty ko jam jyajtë ka'ap ojts tyaj'ooktë ja Gabaón ja'ayëty, jä'ä ko ja kopktëjkëty tëë ënety jëtu'un tukwinwanëtë ja Wintsën mëti'ipë Tyios'ajtëpën ja Israel ja'ayëty ko tnimä'kxa'antë ja jyuuky'ajtënëty. Paatykyëjxm ja mëjja'aytyëjkëty ojts tyukjoot'anpëkëtë ja Israel kajpn.

Salmos 50:14

Wä'än yë Dios yë'ë tyajtukwintsë'ëkë yë kukkajpxën ja'awëkyëtakkën; kuuytyun mëti'ipë të xytyukwinwanën ja Ni'ik Këjxmëpë.