Deuteronomio 22:29 - Biblia Dc en Mixe de Quetzaltepec

²⁹ yë ye'etyëjk kopkpëky ko nëjkx tkuyäky tkukëpety mëti'ipë ënety të tunyën. Jä'ä nëjkx tmo'oy ja u'unkteety wëxtyikxy majk ja meeny, aakyë'ë poop pujxn meeny. Jä'ä ko tëë ënety tyaj'ëxëëktëkë ja to'oxytyëjk, kopkpëky ko nëjkx twoy ets tmëëtsëënëty ets ka'ap tjëkyäpëty t'ëxmatsëty nijëna'a.

Biblia Mixe de Quetzaltepec

²⁹ yë ye'etyëjk kopkpëky ko nëjkx tkuyäky tkukëpety mëti'ipë ënäty të tunyën. Jä'ä nëjkx tmo'oy ja u'unkteety wëxtyikxy majk ja meeny, aakyë'ë poop pujxn meeny. Jä'ä ko tëë ënäty tyaj'ëxëëktëkë ja to'oxytyëjk, kopkpëky ko nëjkx twoy ets tmëëtsëënëty ets ka'ap tjëkyäpëty t'ëxmatsëty nijëna'a.

Deuteronomio 22:29 ပူးပေါင်းရင်းမြစ်များ

Deuteronomio 22:24

nimäjtsk nëjkx jam yajwoownëjkxtë ma ja kutuunktëjkën ets nëjkx nikajpxtë pën o'ktëp tyaapë ja'ayëty nimäjtskpë. Ja to'oxytyëjk nëjkxëp y'ooky mëët ko ka'ap ja putëjkën të t'amëtoy ets kajpntum të jyayajpaaty. Ets ja ye'etyëjk nëjkxëp y'ooky, mëët ko ja myëye'etyëjk ka'ap të tmëj'ixy, nimäjtsk kuka'atsy nëjkx y'ooktë. Jëtu'un ka'ap ja ëxëëktu'un ëxëëkajpxën xy'ijxta'aktëty ma ja Israel kajpnën.

Deuteronomio 22:19

Ets nëjkx ja kukëpäjtën tuknipëktë mëko'px ja meeny, aakyë'ë poop pujxn. Yë'ë yajmo'ojëp ja to'oxytyëjk ja tyeety, mëët ko ja to'oxytyëjk ënety nëkoo je'eyë të yajniwaanpety ma ja Israel kajpnën. Ja ye'etyëjk nëjkxëp ja to'oxytyëjk tmëëtsëënë ets ka'ap tjëkyepy nijëna'a t'ëxmatsëty.

Deuteronomio 21:14

E pën ok ka'ap t'ëk'oy'ijxnë ja to'oxytyëjk, jyëkyäpëp t'ëxmatsëty ets wyë'ëmëty ja to'oxytyëjk ëwaatsëtum oy maa nyëjkxa'anëty. Je'eyëp ko ka'ap tjëkyepy tookëty, ëkë pën tmo'ojëty, tääts je'eyë muum jyaak mëtunëty. Jä'ä ko tëë ënety tyaj'ëxëëktëkë.

Éxodo 22:16

Pën tu'uk ja ye'etyëjk mye'tsyp ja to'oxy'ëna'k mëti'ipë ka'ap yë ye'etyëjk tmëët'atynyëmën ets ka'ap pën yë jyämyëët'ajtpënëm ets t'atsip'atëty ets tmëët'ata'anëty, kwanë ko nëjkx tkuyäky ets mëët pyëkëty.

Deuteronomio 22:28

Pën tu'uk yë ye'etyëjk pyätyp tu'uk yë to'oxytyëjk ëna'kpë, mëti'ipë atu'uk'ajtpën ets ka'ap yë ye'etyëjk tmëët'atynyëm ets t'atsip'atëty, oy ënety ka'ap nijëna'a ja pëjkën ukën të tkatukwinwanë ets nëjkx yajkupatënyë ëkë yajnijawëty,

Deuteronomio 22:30

Ni pën tkajëkyäpëty tmëëttsëënëty ja to'oxytyëjk mëti'ipë ja tyeety tyo'oxytyëjk'ajtypyën. Jä'ä ko jëtu'un y'ëtë'ëtsëty, ja tyeety ënety ja myëyajtën wyintsë'kën yajtëkooyëp.

Éxodo 22:15

E pën jamts ja nyiwintsën y'ixyë, ko tsyëtyutëty wyintëkoyëty, yë'ë ka'ap nitu'kjënu'un tkujuyëty. Pën ja jëyujk je'eyë ënety të yaj'ënu'kxy, je'eyë nëjkx tmëjuy, mëët ko ënety të pyutëkëty.