Deuteronomio 22:24 - Biblia Dc en Mixe de Quetzaltepec

²⁴ nimäjtsk nëjkx jam yajwoownëjkxtë ma ja kutuunktëjkën ets nëjkx nikajpxtë pën o'ktëp tyaapë ja'ayëty nimäjtskpë. Ja to'oxytyëjk nëjkxëp y'ooky mëët ko ka'ap ja putëjkën të t'amëtoy ets kajpntum të jyayajpaaty. Ets ja ye'etyëjk nëjkxëp y'ooky, mëët ko ja myëye'etyëjk ka'ap të tmëj'ixy, nimäjtsk kuka'atsy nëjkx y'ooktë. Jëtu'un ka'ap ja ëxëëktu'un ëxëëkajpxën xy'ijxta'aktëty ma ja Israel kajpnën.

Biblia Mixe de Quetzaltepec

²⁴ nimäjtsk nëjkx jam yajwoownëjkxtë ma ja kutuunktëjkën ets nëjkx nikajpxtë pën o'ktëp tyaapë ja'ayëty nimäjtskpë. Ja to'oxytyëjk nëjkxëp y'ooky mëët ko ka'ap ja putëjkën të t'amëtoy ets kajpntum të jyayajpaaty. Ets ja ye'etyëjk nëjkxëp y'ooky, mëët ko ja myëye'etyëjk ka'ap të tmëj'ixy, nimäjtsk kuka'atsy nëjkx y'ooktë. Jëtu'un ka'ap ja ëxëëktu'un ëxëëkajpxën xy'ijxta'aktëty ma ja Israel kajpnën.

Deuteronomio 22:24 ပူးပေါင်းရင်းမြစ်များ

1 Corintios 5:13

E miitsëty mpaat'ajtëtëp xypyaye'eytyëty mëti'ipë mëpëjktëpën, yajpëtsëmtë ya'atë pokyjyä'äy mëti'ipë jap ma miitsëtyën.

Deuteronomio 21:14

E pën ok ka'ap t'ëk'oy'ijxnë ja to'oxytyëjk, jyëkyäpëp t'ëxmatsëty ets wyë'ëmëty ja to'oxytyëjk ëwaatsëtum oy maa nyëjkxa'anëty. Je'eyëp ko ka'ap tjëkyepy tookëty, ëkë pën tmo'ojëty, tääts je'eyë muum jyaak mëtunëty. Jä'ä ko tëë ënety tyaj'ëxëëktëkë.

1 Corintios 5:2

Ets miitsëty ni'ikyë mëj këjxm mnäyajnajxëtëpë. Ijxtëm jeexyë mmontën mtuktën. Ja ja'ay mëti'ipë jëtu'un ëtëtspën, ixkäxtë ma miitsëtyën.

Mateo 1:24

Ets ko José myä'äypyëti'ky, tääts tuuny wi'ix ënety ja Wintsën ja y'anklës të y'ënë'ëmxëtyën, tääts ja Maria ojts tpëky t'uuky.

Mateo 1:20

Tëë ënety ja José jëtu'un myäy tyäjy ko ojts t'ixy kuma'ayjoty tu'uk ja Wintsën ja y'anklës. Tääts ojts y'ënë'ëmxëty: José, David yë tyëëmp y'aats, këtii xytsyë'ëkë ko xytyo'oxytyëjk'atëty yë Maria, yajminäämpy tu'uk yë mëxu'unk, Kënu'kxypyë Mëk'ajtënkyëjxm.

Deuteronomio 13:5

Tääpë käjpxynyajxpë, ëkë mëti'ipë yajniwijpyën yë kuma'ay, nëjkxëp yë y'ooky, mëëtkyëjxm ko ënety tëë mnajts'ëw mnaskajpxëtë ets xykyäjpxy kumëtoownaxtëty ja Wintsën mëti'ipë mTyios'ajtëpën, mëti'ipë myaj'ëwaatsëpëtsëëmëtën jap Egiptë ma ënety mëtun m'ëyowtën ets ka'ap myajmëjuytyë. Jëtu'un ënety ka'ap xy'ijxta'aktë ja ëxëëkajtën ma miitsëtyën.

Génesis 29:21

Ko ojts kyä'pxy wëxtujk jëmëjt, ënät ja Jacob t'ënëmaay ja Labán: Mooykyës ënät ja nto'oxytyëjk, wä'änës mëët mpëky n'uuky, jä'ä ko tëë kya'pxnë wëxtujk jëmëjt ijxtëm ojts ntukwinwanën nitunanyës yë mnëëx.

Deuteronomio 22:23

Pën tu'uk yë to'oxy'ëna'k jam yë nyijämyëët'ajtpë ets muum yë wiink ye'etyëjk pyaatëtëty ets myëët'atëtëty,

Deuteronomio 22:25

Pën tu'uk yë ye'etyëjk pyätyp muum tu'uk yë to'oxytyëjk kamjotm mëti'ipë ënety jamnë yë nyijämyëët'ajtpë ets atsip tmëët'atëty. Ko jyëtu'un'atëty yi'iyë nëjkx ja ye'etyëjk y'ooky mëti'ipë ënety ja to'oxytyëjk të t'atsip'atyën.

Job 31:11

Jä'ä ko pën jëtu'unës të ntuuntëkoy ka'ap yë y'oytyuunkëty; jëtu'unpë ja tu'unën kajpxën jyëkyejpy ja yajkumëtowëty.

Deuteronomio 17:7

Mëti'ipë ënety ja myëku'uk të tnikajpxtën, yë'ë ëka'any xajjë'ëkëp ets oknëm ja mayjyä'äyëty. Jëtu'un'äämpy ka'ap jyam'atëty ja ëxëëktu'un ëxëëkajpxën ma miitsëtyën.

Ezequiel 16:38

Ets yë'ë ntukpatëkëjäämpy ko ënety të xyajwintsë'këntyëkoy ja pëjkën ukën ets ko ënety të myajja'ay ooky, atsip a'äkë nëjkx nyaj'ooky.