Deuteronomio 21:23 - Biblia Dc en Mixe de Quetzaltepec

²³ Yë jyot nyini'kx ka'ap mëpaat wyi'imy tu'ktsuupaat këxtëy ma ënety të y'ookyën, ënätyë xyajnaaxtëkëtëty ko ënety të tsyu'ujënyë jä'ä xëëw. Jä'ä ko yë Wintsën mëti'ipë mTiosajtëpën pyojkpy yë ja'ay mëti'ipë kutëy o'kpën kepykyijxy, miitsëty ka'ap mëpaat nëkoo ja it naaxwiinyëtë xyaj'ëxëëkëtë mëti'ipë ja mWintsën mo'ojanëtëpën ets xyjyä'ä'atëty.

Biblia Mixe de Quetzaltepec

²³ Yë jyot nyini'kx ka'ap mëpaat wyi'imy tu'ktsuupaat këxtëy ma ënäty të y'ookyën, ënätyë xyajnaaxtëkëtëty ko ënäty të tsyu'ujënyë jä'ä xëëw. Jä'ä ko yë Wintsën mëti'ipë mTiosajtëpën pyojkpy yë ja'ay mëti'ipë kutëy o'kpën kepykyijxy, miitsëty ka'ap mëpaat nëkoo ja it naaxwiinyëtë xyaj'ëxëëkëtë mëti'ipë ja mWintsën mo'ojanëtëpën ets xyjyä'ä'atëty.

Deuteronomio 21:23 ပူးပေါင်းရင်းမြစ်များ

Gálatas 3:13

Tëë ja Kristë xyajpëtsë'ëmëmë ma ijty kajpxpoky n'ijtëmën, jä'äkyëjxm ko ja Kristë ojts nyätyukjä'ätijyë ja kajpxpojkën mëti'ipë ënety ëëts njä'ä'ajtëmën, jëtu'un këxja'ay myiny: Kajpxpoky tu'kë'ëyë winë y'ity mëti'ipë kepykyijxy këx'o'kpën.

Juan 19:31

Tu'kxëëwnëm ënety tkapaaty ja ëmaayxyëëw ets ja jutiis ja'ayëty ka'ap ënety tsoktë ets ja o'kpë jam wyë'ëmëty kruutskëjxm po'kxënxëëwëtë; ma tääpë ja po'kxënxëëw ënety tpaatyën mëj xëëw ënety jää tunanëp. Paaty ja Pilato t'ënëmaaytyë ets yajtekytyëjtëty ja mëti'ipë jam kruutskëjxmëtyën ets tyajjënaktëty ja o'kpë jam kruutskëjxm.

2 Corintios 5:21

Kristë nitii poky ojts tkatuny, je'eyë ko ëëtskyëjxm ja Dios pyëjktakë ijxtëm jeexyë ja poky tmëët'atyën, jëtu'unts ja Dios xyaj'ëwaatsëpëtsë'emëty mëët ja Kristë.

Romanos 9:3

ja ënaanpës ets jeexyë kajpxpoky n'ityës, nmëjëkäm'atyës ja Kristë ets tuk'oy'atëty ja nmëku'uktëjkës, nmëjutiis ja'ayës.

Josue 8:29

Ja yajkutujkpë Aí kepykyëjxm yë Josué tkutëëy ets jëtu'un y'o'ky koonëm ja xëëw kyëtäky, tääts ni'ënä'ämëy ets tyajënaktëty ets jam tsaanipiwtëty ma ja kajpn yajnitëkën. Tsyampaat tääpë tsaanipiy yajpatpnëm jam.

1 Corintios 16:22

Pën jää jënaakën ka'apë tsokyën ja Wintsën Jesukristë, wä'än t'ity kajpxpoky. Min tsojk Wintsën Jesukristë.

Josue 7:12

Paaty ka'ap ninu'un tjëkyepy tsyiptuntëty mëët ja myëtsipëty. Jëtu'unyë nëjkx kyäkta'atë jä'ä ko nitëjkëyëtëp y'o'kta'atëty yë Israel ja'ayëty. Pën miitsëty ka'ap xyajkutëkoytyë mëti'ipës të nikäjpxyën xyajkutëkoytyëty, ëjts ka'apës n'ëkyajpaatanë ma miitsëtyën

2 Samuel 21:6

yë'ëjës ntsojktëp etsës niwëxtujk yë jyä'äy xytyukkë'ëtëkëtëty, etsës jam ntëyë'ëktëty Wintsën wyintum jam Guibeá ma ja Saúl tnitänën, ja Saúl mëti'ipë yë Wintsën kë'ëm wyin'ijxën. Ja yajkutujkpë ojts tkupëky ja mëti'ipë yajtukmëmëtyakën,

Deuteronomio 7:26

E paaty yam myajtuk'ëwaanëtë ko këtii jëtu'unpë xymyënëjkxtëty ma mjëën mtëjkëtyën mëti'ipë Wintsën y'ëxëëk'ijxypyën, këtiipë näjyëtu'un m'o'ktëpëty. Jä'ä ko mëti'ipë ënety yë Wintsën të tuknipëjktaakën ets kyutëkoyëty kopkpëky ko kyutëkoyëty, jä'ä ko yë'ë mëti'ipë ënety yë Wintsën y'ëxëëk'ijxypyën.

2 Samuel 21:10

Ënet ja Rizpa o'ktëy nyäxyojxë, ja Aiá nyëëx; yë'ë pyëjktak yë tukwit mëti'ipë tëë ëxëëk jyajtaaynyën mëët ja monyëtukyë mëti'ipë ënety myënajxyp yajnajxypyën, jamts tsaakëjxm nyäjyëpijptakë. Jam jëtu'un ja xëëw jëmëjt tyajnajxy tyimtso'ontäky ma ja pëjktä'äky cebadë ënety myëjaawë'ëkyën koonëm ja ja'ay tpëjkmujktaay tuunmujktaaytyë ja pyëjktä'äkyëty ets pyotmtëjkëy, ka'ap tuktsu'ty ja lut majkwejkxy ja o'kpë.

Ezequiel 39:12

Jää yë Israel ja'ay tyajnaaxtëjkëtya'atëty wëxtujk po'ojën ets nëjkx ja naax kajpn wa'ats jatëkok wyi'imy.

Deuteronomio 4:21

E mëët ko miitsëty ka'ap ninu'un mkäjpxyjyä'äkyukëtë, ojtsës yë Dios xytyukjoot'anpëky ets y'ënäny ko ka'apës ntëkëty jam ma oy it oynyaaxën, mëti'ipë miits mjä'ä'atantëpën, ma yajtuknaxa'anyën ja Jordán mëjnëë.

Deuteronomio 25:19

E paaty n'ënëëmëtë, ko ënety ja Wintsën tëë mputëkëtë ets ja mmëtsip tëë xyajkutëkooytya'atë, mëti'ipë winkon tsënaaytyëpën ma ja naax kamën mëti'ipë ja Wintsën mo'ojanëtëpën. Yë Amalec këtii xyjyä'äytyëkoytyëty, nëjkxëp xyajkutëkooytya'atë yë y'u'unk y'ëna'këty ets nyaax kyajpnëty.

2 Reyes 10:8

Ko jam jyä'äjty ja kukäjpxy, ënät t'ënëmaay ja Jehú: Tëë yajmëja'ty ja kyëpajkëty ja yajkutujkpë ja yu'unk y'ëna'k. Tä ja Jehú ni'ënä'ämëy: Jam nëjkx mäjtsk nikupupy pëjkta'aktë ma kajpn yajnitëkën, wä'än jam t'ity jopypyaat.