Deuteronomio 21:22 - Biblia Dc en Mixe de Quetzaltepec

²² Pën tëë yajni'ënä'ämë ets tu'uk yë ye'etyëjk y'ookëty kutëy kepykyijxy, mëët ko ja mëjpoky të tuuntëkoy.

Biblia Mixe de Quetzaltepec

²² Pën tëë yajni'ënä'ämë ets tu'uk yë ye'etyëjk y'ookëty kutëy kepykyijxy, mëët ko ja mëjpoky të tuuntëkoy.

Deuteronomio 21:22 ပူးပေါင်းရင်းမြစ်များ

Hechos 26:31

Ënet ëpëky ojts nyëjkxtë. Tä nyäkyajpxëtë ets y'ënantë: Ka'ap ya'atë ja'ay tii tuuntëkoy ets tku'ookëty, ets nän ka'ap pyaat'atyë ets tsumy y'itëty.

Hechos 23:29

Ënätës nija'awëy ko Pablo yë'ë yajtukni'ë'ënëp ko tkapatuny ja y'ënä'ämënëty, e ka'apës mpaty ja pyoky ets y'ookëty ets tsumy y'itëty.

Lucas 23:33

Ko jyajtë ma ja it txëëwatyën O'kpë Këpajk, jam tyajkruutspäjtë ja Jesús mëët ja nimäjtskpë pokytyuunpë, tu'uk aka'any'äämpy ets tu'uk anajnytsyow.

Mateo 26:66

¿Wi'ix miits m'ëna'antë? Tääts y'ënantë: Pokymyëët yë'ë, wä'än t'ooky.

Deuteronomio 22:26

Ja to'oxytyëjk ka'ap wi'ix yajtunëty, jä'ä ko yë'ë nitii tuuntëko'oyën të tkatuny mëti'ipë mëpaat tku'ookën. Ja to'oxytyëjk mëti'ipë të yaj'atsip'atyën jëtu'un tpaaty tä jeexyë tu'uk yë ja'ay të yaj'ookyën.

Hechos 25:11

Ëjts, ka'apës yam n'ëna'any koos yë n'o'kën nkakupëka'any pën tëëjës ntuuntëkoy mëti'ipë ja o'kën paat'ajtëpën. E pën ka'ap tyiyëty mëti'ipës xytyukni'ë'ënëtëpën, ni pën tkamëët'aty ja mëk'ajtën etsës xykyë'ëyakëty ma ja jutiis ja'ayëtyën. Ënaanpës ets kë'ëm xypyaye'eyëty ja yajkutujkpë kopk.

Marcos 14:64

Tëë xymyëtowtë ko tëë ja Dios tmëkajpxtëkoy, ¿wi'ix miitsëty m'ëna'antë? Ënet ni'ëmukë y'ënantë ko pokymyëët yë'ë wä'än t'ooky.

2 Samuel 21:9

tääts tkë'ëmooy ja Gabaón ja'ayëty ets jam tyo'ktëëytyë ma tu'uk ja kopkën Wintsën wyintuuy. Jëtu'un ojts niwëxtujk y'ooktë ma ënety kujk ja tsajpmok myëjayën.

2 Samuel 21:6

yë'ëjës ntsojktëp etsës niwëxtujk yë jyä'äy xytyukkë'ëtëkëtëty, etsës jam ntëyë'ëktëty Wintsën wyintum jam Guibeá ma ja Saúl tnitänën, ja Saúl mëti'ipë yë Wintsën kë'ëm wyin'ijxën. Ja yajkutujkpë ojts tkupëky ja mëti'ipë yajtukmëmëtyakën,

2 Samuel 4:12

Tä ja David ni'ënä'ämëy, tuknipëjky ja tyuunpëtëjk ets tyaj'ooktëty; ojts tnëpujxëtë ja kyë'ë tyeky ets jam tëëyë'ktë winkon ma tu'uk ja nëëjut jam tukwa'ats yajpaatyën jam Hebrón. Ojts ja Is-boset ja kyëpajk tpëjkë'këtë ets tyajnaaxtëjkëtyë jam Hebrón winkon ma ja Abner ënety näjyëtu'un të nyaaxtëkën.

1 Samuel 26:16

Ka'ap y'oyëty ko mijts jëtu'un m'ëtë'ëtsy, tyam yajxon n'ënëëmëty ko njanitëjkëtyëp jeexyë m'ooktë, ix ka'ap xykyëwent'atë oy ja mëj'ënä'ämpë mëti'ipë ja Wintsën kë'ëm të twin'ixyën. Ixta'a tyam ja kyu'umën ets ja nyëë'a'ukën mëti'ipë yaj'ijtypyën jam pyë'am ets xy'ixëty pën mpatyp.

Josue 10:26

Yë Josué ojts tyaj'ooky ja nimëkoxkpë ja yajkutujkpëty ets tkutëëy ma tu'uk yë kepyën, tu'ukjaty jam ojts tyajxëëwnaxy.

Josue 8:29

Ja yajkutujkpë Aí kepykyëjxm yë Josué tkutëëy ets jëtu'un y'o'ky koonëm ja xëëw kyëtäky, tääts ni'ënä'ämëy ets tyajënaktëty ets jam tsaanipiwtëty ma ja kajpn yajnitëkën. Tsyampaat tääpë tsaanipiy yajpatpnëm jam.

Deuteronomio 19:6

Jä'ä ko pën ka'ap ma ja naax kajpn yajpaaty, ma mëpaat ja ja'ay kyäktso'okyën ets yeny oy ja tu'u. Mëti'ipë ja myëku'uk ënety të y'ookyën tsojk poj'am tpatsoonëty mëti'ipë ënety të yaja'ay'ookyën ets näjyëtu'un tyaj'o'okwinpitëty. Tyam ja tu'ukpë ka'ap ënety ja myëku'uk tsokyëty tuny ets ka'ap maa nyämyëtsip'atëtë.

Hechos 25:25

e ëjts ka'apës npaaty tii tëko'oyën ma ya'atë ja'ayën mëti'ipë jeexyë kyu'o'këpën. Tëë kë'ëm t'amëtoy ets jam nëjkx yajpaye'ey ma ja yajkutujkpë kopkën, paatyës jam ntimyajnëjkxa'any.

Josue 10:27

Ko tsyu'ujënë tä ja Josué tni'ënä'ämëy ets tyajjënaktëty ja o'kpë ets nëjkx jap tpëjkta'aktë aankjoty ma ënety të nyäyu'utsëtën. Ta'tspëk ojts yajxon t'akë'ëtë mëët yë tsaa. Tsyampaat këxë'kp jam jëtu'un ja aank.

Génesis 40:19

kom tëkëëk xëëw yë mëj yajkutujkpë tnipaye'eyä'äny yë mpoky ets myajyo'ktëyä'äny ma tu'uk yë kepyën, yë joon jëyujk yë'ë mnini'kx nëjkx tsyu'utsyë.

2 Samuel 21:10

Ënet ja Rizpa o'ktëy nyäxyojxë, ja Aiá nyëëx; yë'ë pyëjktak yë tukwit mëti'ipë tëë ëxëëk jyajtaaynyën mëët ja monyëtukyë mëti'ipë ënety myënajxyp yajnajxypyën, jamts tsaakëjxm nyäjyëpijptakë. Jam jëtu'un ja xëëw jëmëjt tyajnajxy tyimtso'ontäky ma ja pëjktä'äky cebadë ënety myëjaawë'ëkyën koonëm ja ja'ay tpëjkmujktaay tuunmujktaaytyë ja pyëjktä'äkyëty ets pyotmtëjkëy, ka'ap tuktsu'ty ja lut majkwejkxy ja o'kpë.