Deuteronomio 21:19 - Biblia Dc en Mixe de Quetzaltepec

¹⁹ Jëtu'umpë ja u'unk ëna'k jam mëpaat yë tyeety tyaak myënëjkxyë ma ja mëjja'aytyëjkën mëti'ipë ënety kutuunk'ajtëpën ma ja naax kajpnën,

Biblia Mixe de Quetzaltepec

¹⁹ Jëtu'umpë ja u'unk ëna'k jam mëpaat yë tyeety tyaak myënëjkxyë ma ja mëjja'aytyëjkën mëti'ipë ënäty kutuunk'ajtëpën ma ja naax kajpnën,

Deuteronomio 21:19 ပူးပေါင်းရင်းမြစ်များ

Zacarías 13:3

paaty ko ënety pën kyäjpxynyaxa'any ets tukajpxpätëty yë Dios, yë'ë nëjkx kë'ëm tyeety tyaak y'ënë'ëmxëty: Mijts m'ookëp ënät, jä'ä ko mwin'ëënaanp je'eyë ko m'ëna'any ko yë Dios yë y'aaw y'ayuk xynyikajpxanëyë. Kë'ëm nëjkx ja tyeety tyaak tyukmoxmëtijëty ja tëypyujxn ko ënety nyäyajnaxyë käjpxynyajxpë.

Deuteronomio 25:7

E pën ja ye'etyëjk kajts tpëka'any ja kyäpy, ja to'oxytyëjk jam nëjkx tnikäjpxy ma ja kutuunktëjkëtyën ets ma ja mëjja'aytyëjkëty jam yajpaatën ets y'ëna'anëty: Yë nkäpyës ka'ap tsoky ets y'äjty yë xyëëw ja'amyetsy y'itëty ma Israel kajpnën. Ka'apës xypyëka'any, e ëjts nija'apës ko yë'ë patëp jä'ä ko yë'ëjës nkäpy'äjtyp.

Deuteronomio 21:2

Yë mëjja'aytyëjkëty ets kutuunktëjkëty nëjkxëp t'ixtë ja o'kpë ets tpaye'eytyëty tiikajpn winkon yajpatp.

Deuteronomio 16:18

Nikajpxpätë yë ja'ayëty mëti'ipë kutuunk'atëpën ma ja naax kajpnën mëti'ipë yë Wintsën mo'ojanëtëpën ets yë'ë myëku'uk tnikopk'atëty ets tnipaye'eytyëty yajxon ja jyiiky myëku'uk ja nyëë pyokyëty ets ja y'amay jyotmayëty.

Deuteronomio 21:18

Ko pën yë myaank kyamëtowëty ets kyäjpxykyumëtoownaxëty, oy wi'ix ja tyeety tyaak jya'ënë'ëmxëty ets oy jyatëytyunëtëty ets ni yë'ë tkamëjpëjkta'akëty.

Deuteronomio 21:20

ets tukmëmëtya'akëty, t'ënëëmëty: Ya'atë nmaankës ka'ap myëtoy, je'eyë kyäjpxykyutëjy; ka'apës xymyëmëtowtë oy tii jyayajtuk'ëne'emy, tëë yë jyot wyinma'any tyajtëkooynyë ets je'eyë xëmë y'uknë myukënë.

Jeremias 38:7

E jam ijty tu'uk yë Etiopíë ja'ay, jä'ä xyëëwajtyp Ébet-mélec, yë'ë mëët tyuny yë yajkutujkpë, ojts tnijawë ko yë Jeremías të tkujëpipëtë nëëjutjoty. Ja yajkutujkpë jam ënety yajpaaty ma ja käjpxy mëtyä'äky y'ityën ma ja tëjkën mëti'ipë tyijtëpën Benjamín Tyëjk Aaw,