Deuteronomio 21:16 - Biblia Dc en Mixe de Quetzaltepec

¹⁶ E ko ënety tyajwa'kxa'any ja näykyumayë, ka'ap tjëkyepy jä'ä tmëjpëjkta'akëty ja to'oxytyëjk ja myaank mëti'ipë tsyojkpyën jya'apën. Jä'ä ko nëjkxëp ja jyoot'anpëky ja to'oxytyëjk ja myaank mëti'ipë ka'ap tsokyën ets jä'ä kä'äxkopk.

Biblia Mixe de Quetzaltepec

¹⁶ E ko ënäty tyajwa'kxa'any ja näykyumayë, ka'ap tjëkyepy jä'ä tmëjpëjkta'akëty ja to'oxytyëjk ja myaank mëti'ipë tsyojkpyën jya'apën. Jä'ä ko nëjkxëp ja jyoot'anpëky ja to'oxytyëjk ja myaank mëti'ipë ka'ap tsokyën ets jä'ä kä'äxkopk.

Deuteronomio 21:16 ပူးပေါင်းရင်းမြစ်များ

1 Crónicas 26:10

Yë y'u'unk y'ëna'k yë Hosá, y'u'unk y'ok yë Merarí, jä'ä xyëëwajtë: Simri, mëti'ipë nyikopk'ajtypyën ja myëku'uktëjk, oy ënety kyakä'äxkopkëty, tyeety ojts kë'ëm pyëjktä'äkyë ets tnikopk'atëty ja myëku'uktëjk;

Filipenses 4:8

Mëku'uktëjkëty yë'ë mëmay mëtajtë mëti'ipë tëy jaantyën, mëti'ipë paat'ajtëp yajwintsë'ëkëtyën, mëtëypyë, wa'atspë; mëti'ipë yajtukjotkëtakpën ets mëti'ipë oy wiinkëxë'kpën. Mëmay mëtajtë tu'kë'ëyë mëti'ipë oyën ets paat'ajtëp oy yajnikajpxëty.

Romanos 8:29

Mëti'ipë tëëyëp ja Dios y'ixy'äjtypyën ets ojts tuknipëjktaakë ko t'u'unk'ata'any; jëtu'un ja y'u'unk mëj y'itëty ma nimay ja myëkä'äxtëjkën.

2 Crónicas 21:3

Ojts tyeety may myo'oyë putspujxn, poop pujxn ets winëjaty mëti'ipë tsowëtyën. Ojts näjyëtu'un myo'oyë naax kajpn mëti'ipë ijx'ity këwent'atyën mëët yë tsiptuunpëtëjkëty jam Judá, Joram yajmooy jä'ä ko yë'ë kä'äxkopk.

Génesis 25:31

Ënet yë Jacob y'ëtsooy: Ënet yam nmo'ojëty yë tojkx, pën mkupëjkpy etsës nnaxëty ijxtëmës jeexyë nkä'äxkopk'atyën.

Deuteronomio 21:15

Pën tu'uk yë ye'etyëjk myëëttsënääpy mäjtsk yë to'oxytyëjk, tu'uk ja mëti'ipë mëk tsyojkpyën ets tu'uk y'ixtijpy. E ya'atë nimäjtskpë to'oxytyëjk aaktam yë myaankëty mëti'ipë ja ye'etyëjk mëët t'u'unk'atyën; mëti'ipë ëka'any ja myaank ojts myinyën naaxwiinyëtë, jä'ä ja to'oxytyëjk mëti'ipë ka'ap nëkooyë yajtsokyën.

Deuteronomio 21:17

Ya'atë kä'äxkopk nëjkxëp ni'ik yë kyuma'ayën yajmo'oy mëti'ipë patëpën. Jä'ä ko yë'ë ënety ëka'any yajwinkëxë'kpy ja jyot myëjaaw ja ye'etyëjk mëti'ipë patëpën ets ja kyuma'ayën kujkwä'kxy nyi'ikëty, jä'ä ko yë'ë kä'äxkopk'ajtp.