Deuteronomio 20:4 - Biblia Dc en Mixe de Quetzaltepec

⁴ Jä'ä ko yë mWintsën yë'ë yajpatp ma miitsëtyën ets yë'ë tsiptunaanp mëët yë mëtsiptëjkëty, oy tyimjëna'ajëty ets miits mëta'aktëty.

Biblia Mixe de Quetzaltepec

⁴ Jä'ä ko yë mWintsën yë'ë yajpatp ma miitsëtyën ets yë'ë tsiptunaanp mëët yë mëtsiptëjkëty, oy tyimjëna'ajëty ets miits mëta'aktëty.

Deuteronomio 20:4 ပူးပေါင်းရင်းမြစ်များ

1 Crónicas 14:15

Ko xymyëtowëty myäy'ënä'äny ja ujts'aay jam kepykyëjxm, tääts ënätyë xynyipëtë'ëkëty, jä'ä ko yë'ë nëjkx xytyuk'ixy ko mijts ënety nyajmëta'akäämpy ma ja mëtsiptëjkën, ets nyaj'o'kta'aja'anyës ja filistejë ja'ayëty.

2 Crónicas 13:12

Yë'ë tëy ja'amyätstë yajxon, ko ëëtsëty yë'ëjës xytyu'uwinye'eytyëp yë Wintsën ets teetytyëjkëty, yë'ëjëty jëjp'ixy tyim'itë ets tyajxu'uxa'antë ja pujxnxuxn mëti'ipë nyikäjpxypën ja tsip ets miitsëty myajnipëtë'ëktëty. E paaty yam myaj'ënëëmëtë Israel ja'ayëty, ko këtii nëkoo mtsiptuntëty mëët yë Wintsën, mëti'ipë Tiosajtën ja m'aptëjkëty, jä'ä ko ka'ap mëta'aktëty.

Éxodo 14:14

Miitsëty këtiimës mmaytyë mtajtë, yë Dios yë'ë mnitsiptunanëtëp.

Romanos 8:37

Ko tii xyjyajtëm xykyëpäjtëm, nmëmëtakëm, jä'äkyëjxm ko ja Kristë xypyutëjkëmë, mëti'ipë ni'ik xytsojkëmën.

Deuteronomio 1:30

Yë Wintsën mëti'ipë miits mTiosajtëpën yë'ë mwinye'eyëtëp ets yë'ë mnitsiptunanëtëp, jëtu'un tä ojts jyäty kyëpetyën jap Egiptë.

Deuteronomio 11:25

Ni pën nëjkx xykyayajmëta'aktë ko ënety mtsiptuntë. Jä'ä Ko yë Wintsën yë'ë yajkëta'akäämpy yë mëktsë'ëkë ma mmëtsiptëjkëtyën ma ënety muum mnaxtën, jëtu'un tä të twinwanën.

Deuteronomio 3:22

Ni pën xykyatsë'ëkëty. Jä'ä ko yë mWintsën mkuwa'ananëp ets mnitsiptunanëp.

Deuteronomio 31:6

Amëk jotmëk mnäjyawëtëty, këtii mtsë'ëkëtëty ko ënety yë mëtsip muum xywyinkuwa'akëtë. Jä'ä ko yë Wintsën yë'ë yajpaataanp ma miitsëtyën ets ka'ap nijëna'a m'ëxmatsa'anyë.

Deuteronomio 32:30

Tu'uk je'eyë ja myëtsip mëti'ipë nitu'kmil yajkekpyën ja myëtsip. ¿Wi'ix jëtää ko jyëtu'unëty? E ja mäjtskpë ja myëtsip majk mil tyajke'eky. ¿Näy wi'ix ko jyëtu'unëty? E ¿tiikyëjxm ko jëtu'un jyajnëtë kyëpäjnëtë? Yë'ë ko Wintsën jëtu'un të tuknipëjktaakë, mëti'ipë ijty këwent'ajtëtëpën. E tyam jä'ä ko tëë y'ëxmajtsënëtë, paaty o'ktëy jyajnëtë kyëpäjnëtë ma ja myëtsipëtyën.

Josue 10:11

Ko jam jyënajkë'ktë yë Amor ja'ayëty ma ja it naaxwiinyëtë txëëwatyën Bet-horón ets jä'ä tkukä'äktë ja Israel ja'ayëty. Ënet yë Wintsën jam tyajkutëjkëy yë mëktëtsn tuu tsajpjotm ets may yë Amor ja'ayëty y'o'ktë mëët ja tëtsn tuu këtiinëm jyëtu'unëty tä ënety ja Israel ja'ayëty të tyaj'ooktën mëët ja tyiypyujxnëty.

Josue 23:10

Tu'ukpë ja ja'ay ma miitsëtyën, jyëkyejpy tyajkä'äkëty nitu'kmil ja myëtsip, jä'ä ko ja Dios mnitsiptuunëtëp jëtu'un tä të tnikäjpxyën.

1 Samuel 14:23

Jampaat ojts jya'ajnëtë tsiptuunpë ma txëëwatyën Bet-avén, jëtu'un'äämpyë ojts yë Wintsën tyajtso'oky yë Israel ja'ayëty jä'ä xëëw.