Deuteronomio 20:19 - Biblia Dc en Mixe de Quetzaltepec

¹⁹ Ko tu'uk yë kajpn jeky natuky xyaj'itëty ets mëët ja nyija'ay mtsiptuntëty ko ja kyajpn xynyitëkëja'antë, këtii yë kyepy xypyuxtëty, jä'ä ko jyëkyejpy yë tyëëm xyjyë'kxëtëty. Yë kepy ka'ap jyëtu'unëty tä ja'ayën mëti'ipë näkyuwanëpën ko ënety wi'ix xytyuntë.

Biblia Mixe de Quetzaltepec

¹⁹ Ko tu'uk yë kajpn jeky natuky xyaj'itëty ets mëët ja nyija'ay mtsiptuntëty ko ja kyajpn xynyitëkëja'antë, këtii yë kyepy xypyuxtëty, jä'ä ko jyëkyejpy yë tyëëm xyjyë'kxëtëty. Yë kepy ka'ap jyëtu'unëty tä ja'ayën mëti'ipë näkyuwanëpën ko ënäty wi'ix xytyuntë.

Deuteronomio 20:19 ပူးပေါင်းရင်းမြစ်များ

Mateo 3:10

Ja jatyë apaatë y'owxijnë ets tpujxë'ëka'any ja kepy ma tyiktsën. Pën ka'ap oy jyä'äy'äty, jëtu'un jä'ä ijxtëm ja kepy mëti'ipë ka'ap oy tyëëm'atyën; yajpujxë'ëkaanp ets yajnino'oka'any.

Deuteronomio 26:6

E yë Egiptë ja'ayëty ko jëtu'un t'ijxtë, mëktuunk ojts myo'ojëtë, yë'ë mëët yajxon yaj'ëyoowëtë ets tyiytyuunëtë.

Mateo 21:19

Ënet ojts t'ijxpaaty tu'uk ja higo kepy jam tu'upë'am ets tmëwinkoony. Nitu'uk ja tyëëm kyaka'ty, ujts aay je'eyë jam. Ënet t'ënëmaay ja higo kepy: Nijëna'a mkanäkytyëëm'atëty. E ja higo kepy ënätyë ja tyitsy.

Deuteronomio 20:18

Këtiipë mtukjatëtëty ja ëxëëktu'un ëxëëkajpxën ma ja wyintsën tmëjjaw tjaantyjyawëtën ets ja mWintsën xymyëtëkooynyëtëty.

Deuteronomio 20:20

Yë'ë tëy yë kepy mëti'ipë ka'ap tyëëmpetyën, jyëkyejpy xypyuxtëty, yë'ëts myajtuntëp ets xyajnatuktëty ja kajpn.

Jeremias 6:6

Yë Wintsën mëti'ipë maaytyääyëpën winë, jëtu'un yë ënä'ämën të tyäky: Puxtë kepy ets xywyinwëëtëtëty tääpë mëjpotsy mëti'ipë Jerusalén kajpn nyapots'ajtypyën ets xynyitëkëtëty.

2 Reyes 3:19

ets miits nëjkx xyjyijta'atë ja potsy mëti'ipë ja nyaaxëty kyajpnëty tyuknapots'ajtëpën; nëjkxëp xypyujkxë'kta'atë ja aay kepy mëti'ipë tëëmpäjtpën; nëjkxëp xyaj'ëtujkta'atë ja nëëwooky ets nëjkxëp ja nyaaxëty kyamëty xytsyaawinpi'iwëtya'atë.

2 Reyes 3:25

Ojts ja naax kajpn tyaj'atëkoytyë, ojts ja naax kamtëjk tsaawinko'owëtya'atë; ja nëëjut ojts naaxtukko'owëtë ets ja nëëwooky ets ja aay kepy ujts mëti'ipë ja tyëëm yajë'kxpën wa'ats tpujxkëtaawtaaytyë. Yi'iyë ojts ka'ap tyajkutëkoytyë ja kajpn mëti'ipë xyëëwajtypyën Quir-haréset. Je'eyëp ko ja ja'ayëty myiintë mëti'ipë myëtsiptuuntëpën ja tsaawëtu'un tä tyajnatujktë ets ja kajpn tmëmëtaktë.