Deuteronomio 20:16 - Biblia Dc en Mixe de Quetzaltepec

¹⁶ E ma ja naax kajpnën mëti'ipë jam yajpatpën ma ja it naaxwiinyëtën, mëti'ipë ja Wintsën ënety mooyëtëpën, tëkokyë winëjaty mëti'ipë jam yajpatëpën, nëjkxëp xyajkutëkooytya'atë.

Biblia Mixe de Quetzaltepec

¹⁶ E ma ja naax kajpnën mëti'ipë jam yajpatpën ma ja it naaxwiinyëtën, mëti'ipë ja Wintsën ënäty mooyëtëpën, tëkokyë winëjaty mëti'ipë jam yajpatëpën, nëjkxëp xyajkutëkooytya'atë.

Deuteronomio 20:16 ပူးပေါင်းရင်းမြစ်များ

Josue 11:14

Ojts tkupujxta'atë ja ja'ayëty jampë tsyëënëtën, nitu'uk tkayajwë'ëmtë. Yë'ë ojts tjä'ä'ajta'atë ja jëyujk tsajpkaa ets winëjaty jampë yajpaatyën kajpnjotm.

Josue 10:40

Jëtu'un'äämpy yë Josué ojts tniwa'kta'ay tampë ja it naaxwiinyëtë. Ojts tyaj'o'kta'ay ja yajkutujkpëtëjk jampë yajpaatën ma ja kopkjotmën, ma ja Négueb tnitänën, jam joyjyotm ma ja winjënakën. Yajkutëkooytyääy winë ets ojts tyaj'o'kta'ay ja ja'ay jampë tsyëënëtën. Ni pën ojts juuky tkayajwë'ëmy, jëtu'un tuuny tä ënety ja Wintsën mëti'ipë Tyios'ajtypyën yë Israel ja'ayëty të tyuk'ëne'emyën.

Josue 10:28

Jä'ä xëëw ojts ja Moisés tukja'ty ja Maquedá kajpn ets tyajkutëkooy, wa'ats tyaj'o'ktaay ja ja'ayëty mëti'ipë ënety jam tsënaaytyëpën. Ni pën ojts kyawë'ëmy juuky. Ja yajkutujkpë mëti'ipë ënety jam ënä'ämpën jëtu'un tyaj'o'ky tä tyaj'o'kyën ja Jericó yajkutujkpën.

Deuteronomio 7:16

E miitsëty tii tëy mtuntëp, myajkutëkooytya'atëp ja naax kajpn mëti'ipë ënety ja Dios kyë'ëyäjkpyën ma miitsëtyën, ninu'un xykyapa'ëyowtëty ets këtii yë wyintsën xy'ëwtajtëtëty, jä'ä ko yë'ë nëkoo je'eyë nëjkx myajtu'utëkoyëtë.

Josue 9:27

Yë'ë ojts tuknipëky ets tuunk'atëty yë nija'axk, nëëkoonk nëëwijtsk ets tyuntëty maa ja naax kajpnën ets ma ja wintsë'këntyaknën jam ma ënety ja Wintsën të twin'ixyën. Tyampaat yë Gabaón ja'ayëty yë'ë jëtu'unpë tyuunk'ajtëp.

Josue 9:24

Ënet t'ëtsoowtë ja Josué: Ëëtsëty paatykyëjxmës jëtu'un të n'ëtë'ëtstë, jä'ä ko miits ënety ntsë'këtyëp, koos xy'ëkyaj'o'ktaaynyëtëty, jä'ä ko tëëjës nijawëtë ko yë Moisés ojts yë Dios y'ënë'ëmxëty, ko tëkokyë ya'atë it naaxwiinyëtë tniwa'kta'ajëty ets tyajkutëkoyëty tu'kë'ëyë jënu'un yaa ja'ay tsyëënëtën.

Deuteronomio 20:15

Ja naax kajpn mëti'ipë ënety jëkäm yajpatpën mëët ya'atë kajpnëty mëti'ipë ja Wintsën mooyëtëpën, jëtu'un nëjkx xytyuntë tä yam të myajtuk'ënä'ämtën. Jä'ä jëtu'un ja kajpnëty mëti'ipë ka'ap yajpaatyën ma ja it naaxwiinyëtën mëti'ipë ja Wintsën mo'ojanëtëpën.

Deuteronomio 20:17

Nëjkxëp ëpëky xypyëjkta'aktë ets ja Wintsën jä'ä xytyukwintsë'ëkëtëty, tä yë Hit ja'ayëty, Amor ja'ayëty, Canaán ja'ayëty, Ferez ja'ayëty, Heve ja'ayëty ets Jebús ja'ayëty, jëtu'un ijxtëm ja Wintsën të ni'ënä'ämën, nëjkxëp xyajkutëkooytya'atë.

Josue 6:24

Ënet ja Israel ja'ayëty tjëën'ixko'onëtyë ja naax kajpn ets tyajtooytyëkooytyë, yi'iyë ojts ka'ap tnino'oktë ja pu'ts pujxn, poop pujxn, tsuxkpujxn ets ja juunpujxn mëti'ipë jap myënëjkxtën ma ja Dios ja wyit myeeny nyipetyën.

Josue 8:8

Ko ënety të xynyitëkëtë, tääts xyjyëënmo'otëty, jä'ä ko jëtu'un ja ënä'ämën myiny.

Josue 8:25

Jä'ä xëëw, jä'ä ojts y'ooktë Aí ja'ayëty, majkmäjtsk mil, ye'etyëjk to'oxytyëjk.

Josue 10:20

Ok ojts ja Josué mëët tëkokyë yë Israel ja'ayëty tjaakyaj'o'kta'atë ja Amor ja'ayëty, e mëti'ipë juuky wë'ëmtën jam ojts jyaak käktso'oktën ma kyajpnëtyën.

1 Samuel 15:3

Paaty tyam n'ënëëmë ninëjkx ets yaj'o'kta'a, wä'än tmëjëty tmutskëty, ye'etyëjk to'oxytyëjkëty, jëyujk tsajpkaa, tsajppax ets kupixyny.

Deuteronomio 4:21

E mëët ko miitsëty ka'ap ninu'un mkäjpxyjyä'äkyukëtë, ojtsës yë Dios xytyukjoot'anpëky ets y'ënäny ko ka'apës ntëkëty jam ma oy it oynyaaxën, mëti'ipë miits mjä'ä'atantëpën, ma yajtuknaxa'anyën ja Jordán mëjnëë.

Deuteronomio 24:4

ja nyiye'etyëjk mëti'ipë mëjëwyiin pëjkën ukën ka'ap tjëkyepy y'ëkwoowënëty, jä'ä ko ja to'oxytyëjk tëë ënety nyäyaj'ëxëëktëkëty mëët ja wiink ye'etyëjk. Ko jatëkok nyäpyuwa'këtëpëty yë Wintsën nëjkxëp tyajpoky, e miitsëty ka'ap mëpaat xyajnipäxëtëkëtë ja naax kajpn mëti'ipë ja mWintsën Dios mooyëtëpën ets xyjyä'ä'atëty.

Deuteronomio 31:5

Ko ënety ja Wintsën jëtu'un të tjantytyuny ets ënety të mkë'ëmo'ojëtë ja naax kajpn, jëtu'un nëjkx winë xytyuntë tä ënety yë'ë të tni'ënä'ämën.

Josue 9:7

Ja Israel ja'ayëty tyaa t'ëtsoowtë ja Heve ja'ayëty: Ëëtsëty wi'ixës n'uknijawëtëty pën janty jëkäm'itën mtsoontë, wä'änxyëp muum winkon mtsëënëtë; ¿E wi'ix jëtu'un ja käjpxytyu'unën ëëts n'ëktuntëty mëët miitsëty?