Deuteronomio 20:14 - Biblia Dc en Mixe de Quetzaltepec

¹⁴ To'oxytyëjkëty, pi'k'ëna'këty, jëyujk tsajpkaajëty miits nëjkx xyjyä'ä'atë; tëkokyë mëti'ipë ënety yë Wintsën të tnikäjpxyën xyjyä'ä'atëty, tuk'it tukxontëmës yë'ë.

Biblia Mixe de Quetzaltepec

¹⁴ To'oxytyëjkëty, pi'k'ëna'këty, jëyujk tsajpkaajëty miits nëjkx xyjyä'ä'atë; tëkokyë mëti'ipë ënäty yë Wintsën të tnikäjpxyën xyjyä'ä'atëty, tuk'it tukxontëmës yë'ë.

Deuteronomio 20:14 ပူးပေါင်းရင်းမြစ်များ

Josue 8:2

Yë Aí kajpn mëët ja nyiyajkutujkpë mëti'ipë jam ënä'ämpën, jëtu'un nëjkx xyajjaty xyajkëpety tä xytyuunyën yë Jericó. Je'eyëp ko ja mëti'ipë ënety mtukyajni'o'ktutëpën ja mëtsipëty, jyëkyäpëp miits xyjyä'ä'atëty. Tuknipëjktaakë ets tääpë kajpn ajotkumonë jëxkë'ptsow xynyitëkëty.

Josue 22:8

Ets t'ënëmaay: tyam oy mwinpijnëtëty, mënëjkxtë ja mwit mmeenyëty, ja pu'ts pujxnën, poop pujxnën, tsuxkpujxnën ets ja juunpujxnëty; näjyëtu'un ja maywyit maytyujkxy mënëjkxta'atë ets yajwa'kxtë jam ma ja mjëëky mëku'ukëtyën mëti'ipë ja mëtsip të xypyëjkëtën.

Romanos 8:37

Ko tii xyjyajtëm xykyëpäjtëm, nmëmëtakëm, jä'äkyëjxm ko ja Kristë xypyutëjkëmë, mëti'ipë ni'ik xytsojkëmën.

Salmos 68:12

Tam kyä'äktë ja yajkutujkpëtëjk mëët ja tsyiptuunpëtëjkëty. Jam tëjkwintum, yë to'oxytyëjkëty yë'ë jam pyëjkwa'kxtëp mëti'ipë ja mëtsiptëjk të yajtukniwojptu'utën,

2 Crónicas 20:25

Ënet ja Josafat mëët ja jyä'äy myiintë ets tpëjkmujktaaytyë winë mëti'ipë ënety ja mëtsip të tyajwë'ëmtën, mëti'ipë të tni'o'ktu'utën. Ojts tpaatë may ja jëyujk, tsajpkaa, may ja tsaa, pujxn mëti'ipë myëtsiptuuntëpën, may ja wit tujkxy ets winëjaty mëti'ipë tsowëtyën. May jam winë t'ëxmajtstën ja mëtsip, tëkëëk xëëw pyoxtë ja Josafat mëët ja jyä'äy ets tpëjkmujktaaytyë winë.

Josue 11:14

Ojts tkupujxta'atë ja ja'ayëty jampë tsyëënëtën, nitu'uk tkayajwë'ëmtë. Yë'ë ojts tjä'ä'ajta'atë ja jëyujk tsajpkaa ets winëjaty jampë yajpaatyën kajpnjotm.

Deuteronomio 20:15

Ja naax kajpn mëti'ipë ënety jëkäm yajpatpën mëët ya'atë kajpnëty mëti'ipë ja Wintsën mooyëtëpën, jëtu'un nëjkx xytyuntë tä yam të myajtuk'ënä'ämtën. Jä'ä jëtu'un ja kajpnëty mëti'ipë ka'ap yajpaatyën ma ja it naaxwiinyëtën mëti'ipë ja Wintsën mo'ojanëtëpën.

Deuteronomio 2:35

Yi'iyë tëy yë jëyujk tsajpkaa ets winëjaty mëti'ipë tsoowpaatyën ojts njä'äpëktës, mëti'ipë ijty jyä'ä'ajtëpën ja ja'ayëty tëëpë nyajkutëkoytyënës.