Deuteronomio 2:9 - Biblia Dc en Mixe de Quetzaltepec

⁹ Ënet ja Wintsën xy'ënëmaayës: Këtii nëkoo xymyëmayëty ets xynyipëtë'ëkëty yë Moab ja'ayëty. Jä'ä ko yë'ë y'u'unk y'ok yë Lot, yë nyaax kyam mëti'ipë nyitënaaytyëpën nitii xykyajëjp'ixëty. Ëjts kë'ëm të nmo'otë ets tjä'ä'atëty tääpë it naaxwiinyëtë mëti'ipë xyëëwajtypyën Ar.

Biblia Mixe de Quetzaltepec

⁹ Ënät ja Wintsën xy'ënëmaayës: Këtii nëkoo xymyëmayëty ets xynyipëtë'ëkëty yë Moab ja'ayëty. Jä'ä ko yë'ë y'u'unk y'ok yë Lot, yë nyaax kyam mëti'ipë nyitënaaytyëpën nitii xykyajëjp'ixëty. Ëjts kë'ëm të nmo'otë ets tjä'ä'atëty tääpë it naaxwiinyëtë mëti'ipë xyëëwajtypyën Ar.

Deuteronomio 2:9 ပူးပေါင်းရင်းမြစ်များ

2 Crónicas 20:10

E tyam, ja Amón ja'ayëty, ja Moab ja'ayëty ets mëti'ipë jam tso'ontëpën ma y'itjotëtyën ja Seir ja'ayëty, ma ojts xynyikäjpxyën ko ka'ap jam ja Israel ja'ayëty nyëjkxtëty ko jap tsyo'ontë Egiptë, je'eyë ojts tnaye'eytyë ets ka'ap wi'ix tuuntë.

Salmos 83:8

ets yë'ëpaat yë Asiria ja'ayëty tëë tyu'ukmuktë mëët yë'ëjëty, ets yë'ë tyukjotmëk'ajtëp yë Lot yë y'u'unk y'ëna'k.

Isaías 15:1

Jä'ä tsu'um ma Ar kajpn kyutëkooyën, o'ktëy ojts jyäty kyëpety yë Moab; jä'ä tsu'um ma Quir kajpn kyutëkooyën o'ktëy, jyäjty kyëpejty yë Moab.

Deuteronomio 2:29

Jëtu'un tä ëëts të xyajnaxtën yë Esaú yë y'u'unk y'ëna'k jampë tsyëënëtën Seir ets tä yë moapja'ayëtyën jampë tsyëënëtën Ar ets koonëm ntuknaxtëtyës ja Jordán mëjnëë ets nja'tëtyës jam ma ja naax kamën mëti'ipë ja Wintsën ëëts xymyo'ojantëpën, mëti'ipës nTios'ajtëpën.

Deuteronomio 2:5

Ets këtii nëkoo xykyë'ënitontëty, jä'ä ko yë'ëjëty ka'apës nitu'knu'unën yë nyaax nkë'ëyakanëtë. Tääpë Seir kopk, yë'ë jyä'ä'ajtëp yë Esaú yë y'u'unk y'ok. Ëjts yë kë'ëm të nmo'otë.

Jueces 11:15

mëët ya'atë aaw ayuk: Ëëtsëty, Israel ja'ayëty ka'ap ma pën yë nyaax kyajpn të npëjkëtës, yë Moab ja'ayëty ets Amón ja'ayëty ka'apës maa nyaax npëjkëtë.

Jueces 11:17

Paaty ojts yë Edom yajkutujkpë nkäjpxynyikexyës etsës jeexyë jam xyajnaxtë ma nyaax kyamëtyën, e yë'ë ka'ap t'a'ijxëy. Ojts näjyëtu'un yë Moab yajkutujkpë njakäjpxynyikexyës, yë'ë näjyëtu'un ka'ap t'a'ijxëy paaty ojts jam ntimy wë'ëmtës Cadés.

Jueces 11:18

E ëëtsëty jam të'ëts'itjotm, ojts na'ëwtitës ja nyaax kyajpnëty ja Edom ets Moab ja'ayëty ets nja'ajtës jamtsow a'oytsyow ma Moab y'itjotmën; jamtsës ojts tu'kjëmëjt ntsënaaytyaknpëktë jamtsow awinm ma Arnón mëjnëëjën. E kajts ojts ntuknaxtës jä'ä ko jam ënety tsyo'ontä'äky ja Moab ja'ayëty ja nyaaxjotmëty.