Deuteronomio 2:34 - Biblia Dc en Mixe de Quetzaltepec

³⁴ Tëkokyë yë nyaax kyajpn ojts nyajkutëkooytya'atës, wa'ats nyaj'o'ktaaytyës, ye'etyëjk to'oxytyëjkëty, mëjja'ay mutskja'ay. Ni pën ojts juuky nkayajwë'ëmtës.

Biblia Mixe de Quetzaltepec

³⁴ Tëkokyë yë nyaax kyajpn ojts nyajkutëkooytya'atës, wa'ats nyaj'o'ktaaytyës, ye'etyëjk to'oxytyëjkëty, mëjja'ay mutskja'ay. Ni pën ojts juuky nkayajwë'ëmtës.

Deuteronomio 2:34 ပူးပေါင်းရင်းမြစ်များ

Deuteronomio 3:6

Tëkokyë tääpë kajpn ojts nyajkutëkooytya'atës, jëtu'un tä ënety të ntuntënës ja Sihón ja nyaax kyajpn jampë y'ëne'emyën Hesbón. Wa'ats nyaj'o'ktaaytyës ye'etyëjk to'oxytyëjk ets mëjpë mutskpë.

Deuteronomio 7:2

Ko yë mWintsënëty ënety të tkë'ëyajkta'ay ya'atë ja naax kajpn ma miitsëtyën ets ko ënety tëë xyajkutëkooytya'atë, wa'ats nëjkx oytyiijëty xyajkutëkooytya'atë ets nitii aaw nitii ayuk nëjkx mëët xykyamëët'atë; nëjkxëp xyajkutëkooytya'atë, ninu'un xykyapa'ëyowtëty.

Deuteronomio 7:26

E paaty yam myajtuk'ëwaanëtë ko këtii jëtu'unpë xymyënëjkxtëty ma mjëën mtëjkëtyën mëti'ipë Wintsën y'ëxëëk'ijxypyën, këtiipë näjyëtu'un m'o'ktëpëty. Jä'ä ko mëti'ipë ënety yë Wintsën të tuknipëjktaakën ets kyutëkoyëty kopkpëky ko kyutëkoyëty, jä'ä ko yë'ë mëti'ipë ënety yë Wintsën y'ëxëëk'ijxypyën.

Josue 10:28

Jä'ä xëëw ojts ja Moisés tukja'ty ja Maquedá kajpn ets tyajkutëkooy, wa'ats tyaj'o'ktaay ja ja'ayëty mëti'ipë ënety jam tsënaaytyëpën. Ni pën ojts kyawë'ëmy juuky. Ja yajkutujkpë mëti'ipë ënety jam ënä'ämpën jëtu'un tyaj'o'ky tä tyaj'o'kyën ja Jericó yajkutujkpën.

Josue 10:40

Jëtu'un'äämpy yë Josué ojts tniwa'kta'ay tampë ja it naaxwiinyëtë. Ojts tyaj'o'kta'ay ja yajkutujkpëtëjk jampë yajpaatën ma ja kopkjotmën, ma ja Négueb tnitänën, jam joyjyotm ma ja winjënakën. Yajkutëkooytyääy winë ets ojts tyaj'o'kta'ay ja ja'ay jampë tsyëënëtën. Ni pën ojts juuky tkayajwë'ëmy, jëtu'un tuuny tä ënety ja Wintsën mëti'ipë Tyios'ajtypyën yë Israel ja'ayëty të tyuk'ëne'emyën.

Josue 11:14

Ojts tkupujxta'atë ja ja'ayëty jampë tsyëënëtën, nitu'uk tkayajwë'ëmtë. Yë'ë ojts tjä'ä'ajta'atë ja jëyujk tsajpkaa ets winëjaty jampë yajpaatyën kajpnjotm.

Josue 6:21

Yaj'o'ktaaytyë ja ye'etyëjk, to'oxytyëjk, mëjja'ay, mutskja'ay, jëyujk, tsajpkaa, yë tsajppax ets kupixyny. Wa'ats winë tyajkutëkooytyääytyë.

Josue 7:11

Yë Israel ja'ayëty poky të tuntë, jä'ä ko ka'ap të tmëjpëjkta'aktë ja käjpxytyu'unën. Tëë tmënëjkxtë ma jyëën tyëjkëtyën mëti'ipës ënety të ntuknipëjktaakën xyajkutëkoytyëty, tëë tontë tmäätstë ets t'apëjkmuktë mëët ma winë tyaj'itën mëti'ipë jyä'ä'ajtëpën.

Josue 9:24

Ënet t'ëtsoowtë ja Josué: Ëëtsëty paatykyëjxmës jëtu'un të n'ëtë'ëtstë, jä'ä ko miits ënety ntsë'këtyëp, koos xy'ëkyaj'o'ktaaynyëtëty, jä'ä ko tëëjës nijawëtë ko yë Moisés ojts yë Dios y'ënë'ëmxëty, ko tëkokyë ya'atë it naaxwiinyëtë tniwa'kta'ajëty ets tyajkutëkoyëty tu'kë'ëyë jënu'un yaa ja'ay tsyëënëtën.

1 Samuel 15:3

Paaty tyam n'ënëëmë ninëjkx ets yaj'o'kta'a, wä'än tmëjëty tmutskëty, ye'etyëjk to'oxytyëjkëty, jëyujk tsajpkaa, tsajppax ets kupixyny.