Deuteronomio 2:32 - Biblia Dc en Mixe de Quetzaltepec

³² Ja Sihón ojts näjyëtu'un jam tsyo'ompë ma ënety yajpaatyën mëët ja myäytsyiptuunpë ets xynyimiintës jam maas ënety nyajpaatën ets tsyiptuna'any mëët ëëtsëty jam Jahas.

Biblia Mixe de Quetzaltepec

³² Ja Sihón ojts näjyëtu'un jam tsyo'ompë ma ënäty yajpaatyën mëët ja myäytsyiptuunpë ets xynyimiintës jam maas ënäty nyajpaatën ets tsyiptuna'any mëët ëëtsëty jam Jahas.

Deuteronomio 2:32 ပူးပေါင်းရင်းမြစ်များ

Salmos 136:19

Ja Sihón mëti'ipë yajkutujkpën ma Amor ja'ayëtyën, jä'ä ko yë tsyojkën jya'awën winë xëëw winë jëmëjt yë y'ijtëy.

Salmos 135:11

Ja Sihón, mëti'ipë ënety ënä'ämpën ma Amor ja'ayëtyën; ja Og, mëti'ipë ënety ënä'ämpën jam Basán ets tëkokyë ja yajkutujkpëtëjk mëti'ipë ënety jam ënä'ämtëpën Canaán.

Salmos 120:7

Koos njakäjpxy njamëtyä'äky ets jyää'atëty ja nämyë'oy'atë, yë'ëjëty tsiptuunk je'eyë y'akajpxtëp.

Nehemías 9:22

Yë'ë mtukë'ëpëjkëtyääytyë ja naax kajpn mëjjatyëtypë, jëtu'un xypyëjkwa'kxta'ay tä ja'ay kam tu'u tyajwä'kxyën, yë'ë jyä'ä'ajtë ja Hesbón kajpn ma yajkutukyën ja Sihón ets Basán ets ma yajkutujkyën yë Og.

Deuteronomio 2:31

Ënätës yë Wintsën xy'ënëmaay: Ya'atë xëëw ya'atë po'o yam mijts ntukë'ëtëkë yë Sihón mëët tëkokyë yë nyaax kyajpn. Tëkë akujk jotkujk ma nyaaxjotmën ets niwa'ktaayë yë y'itjot.

Deuteronomio 2:33

E yë nWintsën'ajtëm Dios, yë'ë ënety të tkë'ëyäky ma ëëtsëtyën. Paaty ko ja tsip mëët ntuuntës ka'apës nyajmëtaktë. Wa'ats nyaj'o'ktaaytyës mëët ja tsyiptuunpëtëjkëty ets ja y'u'unk y'ëna'këty.

Deuteronomio 3:1

Ënet ojts wiinkpë tu'u npëktës ets nëjkxtës jam Basán. E yë Og mëti'ipë jam yajkutujkpën, ojts xynyitsoontës mëët nimay yë tsyiptuunpëtëjk ets tsyiptuna'any mëët ëëtsëty jam Edrei.

Josue 12:1

Yaa yajnimëtyä'äky jënaak ojts y'ooktën ja yajkutujkpëtëjk mëti'ipë ja Israel ja'ayëty yaj'o'ktën jam a'oytsyow ma ja Jordán mëjnëëjën ets ja it naaxwiinyëtë mëti'ipë nyiwa'kën jampë tsyo'ontä'äkyën Arnón ets jyä'ty jam ma Hermón kopkën ets tu'kë'ëyë jënu'un ja jyoyjyot jam yajpaatyën awinmtsow ma ja Jordán mëjnëëjën.