Deuteronomio 2:23 - Biblia Dc en Mixe de Quetzaltepec

²³ Timjëtu'un ojts jyatë kyëpätë yë Heve ja'ayëty jampë tsyëënëtën winkon ma Gaza kajpnën, ma yajkutëkooyëtën yë filistejë ja'ayëty ets ojts ja nyaaxëty niwa'kta'ayëtë mëti'ipë ënety të tsyoontën jam Creta ets jam myiintaaytyë tsënääpyë.

Biblia Mixe de Quetzaltepec

²³ Timjëtu'un ojts jyatë kyëpätë yë Heve ja'ayëty jampë tsyëënëtën winkon ma Gaza kajpnën, ma yajkutëkooyëtën yë filistejë ja'ayëty ets ojts ja nyaaxëty niwa'kta'ayëtë mëti'ipë ënäty të tsyoontën jam Creta ets jam myiintaaytyë tsënääpyë.

Deuteronomio 2:23 ပူးပေါင်းရင်းမြစ်များ

Génesis 10:14

Näy jam tsyoontë mëti'ipë xyëëwajtëpën patrusejë ja'ayëty, Caslu ja'ayëty, Cafto ja'ayëty ets ojts ok txëëwajnëtë filistejë ja'ayëty.

Génesis 10:19

Yë nyaaxjotëty yë Canaán ja'ayëty jampaat ojts t'ëkniwa'knëtë ma ja nyaaxjotmën yë Guerar ets jampaat nyäxy ma ja Sidón kajpnën ets ma ja mutsk kajpn txëëwatyën Gaza ets tyimja'ty jam Sodomë ets Gomorra, Admá ets Seboím, ma ja kyajpnën ja Lesa.

1 Reyes 4:24

Ko jëtu'un winë nyipety, yë'ëkyëjxm ko ja Salomón aakyë'ë ënety y'ënä'ämtääpy tëkokyë ja naax kajpn mëti'ipë jam yajpatëpën matsow xëëw kyëtä'äkyën ma yajtijyën Éufrates, tsyo'ontä'äky jam Tirsá, tyimja'ty jampaat Gaza, aak ojts yë Salomón ya'atë ënä'ämpëtëjk tmëmëtakta'ay ets ko ënety nimay mëët ja näykyajpx'oyë të tuny.

2 Reyes 18:8

Ko mëët tsyiptuuny yë filistejë ja'ayëty ka'ap tyajmëtäky, ëxëëk jam tuuny Gaza ets jampaat ma ënety mëët nyämëtsëpa'an'atyën; yë'ëpaat ja myëtsiptëjk ka'ap tyajmëtäky ma ënety jam kyëwent'atën potsykyëjxm ets ma ja kyajpnëtyën mëti'ipë ta'tspëkyën ets natukyën.

1 Crónicas 1:12

Patru ja'ayëty, Caslu ja'ayëty ets ja Cafto ja'ayëty, ma näjyëtu'un tsyoontën yë Filistejë ja'ayëty.

Jeremias 25:20

ets oypyënëty mëti'ipë jap Egiptë yajpatëpën, tu'kë'ëyë yajkutujkpëtëjk mëti'ipë jam Us ënä'ämtëpën ets tëkokyë yë filistejë ja'ayëty: yë Ascalón kajpn, Gaza kajpn, Ecrón kajpn ets mëti'ipë jam Asdod të wyë'ëmtën;

Jeremias 47:4

Nyixëëw ënety jëtu'un të tpaaty ets filistejë ja'ayëty kyutëkoytyëty; ja Tirë ja'ayëty, Sidónja'ayëty nëjkxëp yajpëjkëtë ja jyä'äy mëti'ipë ënety mëët të tkäjpxy'atën ko nyäpyutëkëja'anëtë.

Amós 9:7

Jëtu'un yë Wintsën y'ënä'äny: Miitsëty Israel ja'ayëty ka'ap mtëkatsy'atë mëët yë Etiope ja'ayëty. Jëtu'un tä miitsëty jap nyajtso'ontën Egiptë ets yaa nyajmiintë, jëtu'unës yë filistejë ja'ayëty ojts nyajtsoontë Creta ets Arameë ja'ayëty jam Quir.

Sofonías 2:4

Aanë'ëk tëëtsë'ëk yë Gaza kajpn wyë'ëma'any ets Ascalón kajpn tukwa'ats y'awinpita'any; xëëny nëjkx yaj'ëxwojpta'atë yë ja'ayëty mëti'ipë jam Asdod tsyënaaytyëpën ets Ecrón ja'ayëty yajwo'onë'kta'ajaanp yë tyikts y'aatsëty.

Zacarías 9:5

Ko ënety ja Ascalón kajpn jëtu'unpë t'ixy, nëjkxëp yë tsë'ëkë tyuktëkëty. Ëxëëk y'ëyowa'any yë Gaza kajpn, mëti'ipë ënety ja Ecrón kajpn jyëjp'ijxypyën jëtu'unyë nëjkx tyëkooytyä'äy. Yë Gaza kajpn tukwa'ats nëjkx wyi'imy ets Ascalón kajpn tukwa'ats nëjkx y'awinpity, ni pën jam kyatsëënëja'any.

Hechos 17:26

Dios pyëjktak ja ye'etyëjk mëti'ipë ja naaxwiinyëtë ja'ay tyeety'at tyaak'atëpën, jëtu'unts tyajwintukëty tu'kë'ëyë ja naaxwiinyëtë, ets tëë tmo'oy ja xëëw jëmëjt mapaat tyajjuuky'ata'anyën,

Josue 10:41

Tu'ktonyë tmëmëtaktaay ja yajkutujkpëtëjk ets tniwa'ktaay ja naaxwiinyëtë jampë yajpaatyën itkujkm ma Cades-barnea mëët yë Gaza nyäpyäätyë; näjyëtu'un ma ja Gosen it tnitänën ets jampaat jyä'ty Gabaón. E tiikyëjxmën ko myëtaktë, jä'ä ko yë Wintsën yë'ë ënety mëët yajpaatë.

Josue 11:22

Ka'ap ojts nitu'uk wyi'imy ja y'u'unk y'ok ja ja'aypyajkyeny Anac ma ja Israel ja naaxwiinyëtë ojts tniwä'äkyën. Ja ja'aypyajkyeny Anac ja y'u'unk y'ok jämyë ojts wyë'ëmtë ma ja Gaza, Gad ets Asdod kajpnën.

Josue 13:3

mëti'ipë jam najxpën ma ja Sihor mëjnëë jyënäkyën, a'oytsyow ma Egiptë naaxwiinyëtë yajpaatyën, jyä'ty jam ma Ecrón ja tsyëpa'an nyäxyën, jam anëkëjxmtsow mëti'ipë yaj'antijpën ko Canaán ja'ayëty tjä'ä'atë; ma tääpë it naaxwiinyëtën nimëkoxk jam yajpaatë yë filistejë ja'ayëty yë wyintsëntëjkëty, jä'ä mëti'ipë jam yajpaatëpën Gaza, Asdod, Ascalón, Gad ets jam Ecrón. Jaakwë'ëmp näjyëtu'un ja itjot mëti'ipë nyitënaaytyëpën ja Avejë ja'ayëty,

Josue 15:47

Ja kajpn mëti'ipë xyëëwajtypyën Asdod mëët ja myutsk kajpn ets ja pya'a nyux; ja Gaza mëët ja myutsk kajpnëty ets ja pya'a nyux ets tyimja'ty ma ja wokjot nyäxyën mëti'ipë Egiptë tso'onpën ets ma mëët nyäpyäätyë ja Mejy Naax'akukpë.

Jueces 1:18

E yë'ë tëy ja kajpnëty mëti'ipë txëëwajtëpën Gaza, Ascalón ets Ecrón ka'ap ojts myäyëtë tnitëkëtëty ets näjyëtu'un ja mëti'ipë jam winkon yajpatëpën.