Deuteronomio 2:14 - Biblia Dc en Mixe de Quetzaltepec

¹⁴ Jä'ä xëëw maas ntso'ontën jam Cades-barnea ets koos ntuknajxtë ja Zéred nëë wok, jä'ä ënety ja xëëw jëmëjt të nyanajxnë i'px majkmokx tëkëëk jëmëjt. Ja jotmëkja'aytyëjkëty ets ja tsip'ixyëtypë tëë ënety y'o'ktaaynyëtë, jëtu'un tä ja Wintsën ënety të tnikäjpxyën mëët ja aaw ayuk kutujkënmëëtpë.

Biblia Mixe de Quetzaltepec

¹⁴ Jä'ä xëëw maas ntso'ontën jam Cades-barnea ets koos ntuknajxtë ja Zéred nëë wok, jä'ä ënäty ja xëëw jëmëjt të nyanajxnë i'px majkmokx tëkëëk jëmëjt. Ja jotmëkja'aytyëjkëty ets ja tsip'ixyëtypë tëë ënäty y'o'ktaaynyëtë, jëtu'un tä ja Wintsën ënäty të tnikäjpxyën mëët ja aaw ayuk kutujkënmëëtpë.

Deuteronomio 2:14 ပူးပေါင်းရင်းမြစ်များ

Ezequiel 20:15

Näjyëtu'unës jam të'ëts'itjotm n'ënëmaaytyë, ko ka'apës nyajtëkëja'antë ma ja naax kajpnën mëti'ipës të njamo'otën, ma ja it naaxwiinyëtë oypyë tsujpë, ma ja jë'kxy pëky ka'ap y'ëmaaytyä'äkyën,

Salmos 95:11

Paaty ojts npokyës etsës t'ënëmaaytyë, ko ka'ap jam tyëkëja'antë maas ja npo'kxtaknën.

Salmos 106:26

Ënet jyoot'anpëjky ets ojts tnikäjpxy ko yaj'ooka'an yajtëkoya'anëtë jam të'ëts'itjotm,

Deuteronomio 1:19

Ko ojts ntso'onëm jam Horeb, ënät ojts jam nja'ajtëmë ma ja kopkjotmën, mëti'ipë nyitënaaytyëpën yë Amor ja'ayëty, mpatu'unëmë jëtu'un ja nWintsën'ajtëmë Dios ja y'ënä'ämën. Ojts ntukye'eynyajxta'ayëmë tampë të'ëts'itjot ma kyutsë'ëkëtyën, miits wa'ats xy'ijxtë xynyija'awëtyë ets ojts nja'ajtëmë jam Cades-barnea.

Deuteronomio 1:2

Mëj ja it naaxwiinyëtë tyajwintujktë, tyimtsoony jam Horeb ets tyimja'ty jam Cades-barnea, majktu'uk xëëw yajtukye'eynyajxta'ay ko tëyë ja tu'u yajpanëjkxy mëti'ipë ja'ajtpën jam ma Seir kopkën.

Judas 1:5

Oy miits të xyjyanijawëtë, ntukja'amyäjtstëp yam jatëkok ko ja Wintsën ojts tyajpëtsëmy ja Israel ja'ay jap Egiptë ets ojts tyajkutëkoy mëti'ipë kamëpëjkëtën.

1 Corintios 10:5

Oy jyajëtu'unëty, nimay ojts ka'ap tmëmëtowtë ja Dios, paaty ojts y'ooktë jam të'ëts'itjotm.

Salmos 90:9

Tëyajtën ko tëkokyë ëëts yë njuukyajtënëty, paaty kyixy nyäxy jä'ä ko xymyëët'aty yë joot'an, yë njuukyajtënëtyës jëtu'un nyäxy poj'am tä ja'ay myëkxejy y'o'kxejyën.

Salmos 90:3

Mijts pojën yë naaxwiinyëtë ja'ay jatëkok xyaj'awinpity naaxway ko m'ënaankojnë: Awinpitë naaxway miitsëty naaxwiinyëtë ja'ayëty.

Deuteronomio 1:46

Paatykyëjxm jëtu'un ojts jekpyaat mwë'ëmtë tsënääpyë ma ja Cadés y'itjotmën.

Deuteronomio 2:7

Yë'ë ja'awëy'itë ko Dios mëj këjää xykyënu'kxëmë, oy tii ntimtyu'unëmë. Ix jënu'un wëxtyikxy jyëmëjt të nyäxy ets yë'ë të tyimyajpaaty xëmë mëët ëëts'ajtëmë, ko të jyëtu'un'aty nitii të nkayajmëyajtëmë.

Deuteronomio 2:13

Ënet ja Wintsën y'ënäny: tyam tsoontë jam ma myajpaatën ets xytyuknaxtëty ja Zéred wok. Jëtu'un'äämpy ntuknajxtës ja nëë wok.

Deuteronomio 2:16

Ma ojts ka'ap nitu'uk y'ëkyajpatnën ja ja'ay mëti'ipë tsip'ixyën,

Josue 5:4

Ya'atë nätsyukë paatykyëjxm ojts jëtu'un tuny, jä'ä ko ja ja'ayëty mëti'ipë jap tso'ontën Egiptë tëë ënety ja xyëëw jyëmëjt tpatnëtë ets nyëjkxtëty tsiptuunpë, ojts ja y'o'ktaaynyëtë jam të'ëts'itjotm.

Josue 5:6

Yë Israel ja'ayëty wëxtyikxy jëmëjt jam jyëtijtë të'ëts'itjotm, ja ja'ayëty mëti'ipë jap tso'ontën Egiptë tëë ënety y'o'ktaaynyëtë, mëti'ipë jyëkyäjpnëtëp tsyiptuntëty. Tääpë ja'ayëty ka'ap ënety të tmëmëtowtë ja Wintsën, paaty ojts yajxon tyim'ënëmxëtë ko ka'ap nëjkx tyëkëtë ma ja it naaxwiinyëtën mëti'ipë të yaj'ëwaanëtën ja y'ap y'okëty ko yë'ë yajmo'oja'antë ja it naaxwiinyëtë ma ja jë'kxy pëky ka'ap y'ëmaaytyä'äkyën.

Josue 24:7

Ënätës ojts xymyëkajpxtë, etsës ojts nyajkootsë itkujky ma yë'ëjëtyën mëët miitsëty, ënätës yë nëë näjyëtu'un najtsmajtsëy ets nyikoonpäjtaaytyë ja Egiptë ja'ayëty. Miitsëty ojts winë kë'ëm xy'ixtë mëti'ipës jap ntuunën Egiptë. Ok ojts jam jeky mjëtijtëpë të'ëts'itjotm.

Salmos 90:15

Jeky ëëtsëty yajjuuky'ajtëk mëët yë xoontakën ets jotkujk'ajtën, jëtu'un tääjës jeky të nmon të ntuktën.