Deuteronomio 2:11 - Biblia Dc en Mixe de Quetzaltepec

¹¹ Yë ja'ayëty jëtu'un ënety tyijëtë refaita ja'ayëty, e yë Moab ja'ayëty jä'ä ënety tyijëtë emitas.

Biblia Mixe de Quetzaltepec

¹¹ Yë ja'ayëty jëtu'un ënäty tyijëtë refaita ja'ayëty, e yë Moab ja'ayëty jä'ä ënäty tyijëtë emitas.

Deuteronomio 2:11 ပူးပေါင်းရင်းမြစ်များ

Deuteronomio 9:2

Yë ja'ayëty jampë tsyëënëtën këjxmëty tyänëtë, jëtu'un tä ja ja'aypyajkyeny Anac ja y'u'unk y'okën. Miitsëty wa'ats xynyijawëtë ja ayuk mëti'ipë ënaanpën: ¿Pën y'ëkwinkuwa'akëp ja ja'aypyajkyeny Anac ja y'u'unk y'ok?

Deuteronomio 1:28

E tyam, ¿maa ënät nëjkxmëty? Yë nmëkukajpn'ajtëmë jëtu'un y'ëna'antë, ko ma tääpë itjotmën tam yë ja'ayëty mëti'ipë mëkëtyën ets këjxmëty tyänëtë. Ets nyaax kyajpnëty ta'tspëky oy nyapotsy'atë ets näjyëtu'un nikajpxtë, ko tëë t'ixtë yë y'u'unk y'ok yë ja'aypyajkyeny Anac. Tääpë aaw ayuk jëtu'unyë të xy'ëtsë'këtyä'äyëmë.

Génesis 14:5

Kom jëmëjt yë yajkutujkpë Quedorlaomer ets mëët ja yajkutujkpëtëjk jënu'un mëët oy nyäyaj'ityën, ojts nyëjkxtë ma ja it naaxwiinyëtë txëëwatyën Astarot Carnaim. Jamts ojts tmëmëta'aktë ja Refa ja'ayëty, zuzitë ja'ayëty jam ma yajtijyën Ham, ja emitas ja'ayëty jam ojts yajmëmëta'aktë ma yajtijyën Save-quiriataim,

Deuteronomio 2:20

Ya'atë naax kajpn yë'ë ijty tëëyëp yajtukjä'ä'ajtëp yë Refa ja'ay, yë'ë jam tsënaaytyë, mëti'ipë yë Amón ja'ayëty tyijtëpën zamzumitas.

Deuteronomio 3:11

Yë yajkutujkpë Og, yi'iyë ënety tu'uk jaakwë'ëmp ma Refa ja'ayëtyën. Yë myaapäjn aak juunpujxn ënety mëët y'oytyunyëty ets jä'ä y'ayenyëty mäjtsk xajpk ja mäjtsk kë'ënux ets myëjwiinëty tu'kxajpk. Tyampaat jaakyaj'ijxp yë jëtu'unpë ma Amón ja'ayëtyën jam Rabá.

Génesis 6:4

Jää ojts ëka'any jya'të yë ja'ayëty mëti'ipë yajtijtëpën ja'aypyajkyeny ko ja Dios ja tyuunpëtëjk nyämyujkëtë mëët ja to'oxy'ëna'këty mëti'ipë ënety yi'iyë myëmaay myëët'ajtëpën yääyëpë naaxwiinyën. Ko myiintë jyajtë ja y'u'unk y'ëna'këty, yë'ë jëtu'un ojts jotmëk y'itë ko ijty ja tsip tyunyë jeky'äjty.

2 Samuel 21:16

jam tu'uk yë ja'ay mëti'ipë xyëëwajtypyën Isbi-benob, ja'aypyajkyeny ënety, yë'ë ojts yë David tjayaj'ooka'any ko t'ijxy tëë y'ënu'kxënyë; jä'ä kyu'umën jye'emtyëty i'px majk tsimën ets tam tu'uk yë yenypyujxn t'ëxwëën'aty jemypyë.