Deuteronomio 19:10 - Biblia Dc en Mixe de Quetzaltepec

¹⁰ Jëtu'un ka'ap pën ja ne'pyny tam tjä'ätsëty nanëkokyëjxm ma ja naax kajpnën mëti'ipë ja Wintsën mo'ojanëtëpën ets ka'ap pën pyokytsyëëmë'ëkëty ets ja käjpxy y'ëna'anëty yaja'ay'o'kpë.

Biblia Mixe de Quetzaltepec

¹⁰ Jëtu'un ka'ap pën ja ne'pyny tam tjä'ätsëty nanëkokyëjxm ma ja naax kajpnën mëti'ipë ja Wintsën mo'ojanëtëpën ets ka'ap pën pyokytsyëëmë'ëkëty ets ja käjpxy y'ëna'anëty yaja'ay'o'kpë.

Deuteronomio 19:10 ပူးပေါင်းရင်းမြစ်များ

Isaías 59:7

Mtimnyëëkajp mtimyujkajptëp yë mtekyëty ets ëxëëkpë xytyuna'antë, xyaj'ooka'antë ja mjëëky mëku'ukëty. Aakyë'ë mëmaay mëët'ajtëp wi'ix myajja'ay ooktëtyën maajaty mnaxtën xit ko'ow winë xytyuunta'atë.

Proverbios 6:17

ko ja'ay nyämyëjaw nyäjyääntyjyawëty, ko ja'ay wyin'ëëny, ko ja'ay yaja'ay'ooky nanëkookyëjxm,

Jonás 1:14

Ënet ja Wintsën ojts tmëkajpxtë ets t'ënëmaaytyë: Wintsën këtii xy'ëwa'atsëty etsës nku'ook nkutëkoytyëty ya'atë ja'ay nyëë pyoky. Pën yë'ë ka'ap tii poky tmëëtëty këtii ëëts xypyoky'ixtëty, mijts Wintsën jëtu'un winë xytyuny tä xytsyojkën'atyën.

Joel 3:19

Xit ko'ow yë Egiptë jyata'any e yë Edom anë'ëk tëëtsë'ëk y'awinpita'any, jä'ä ko ojts ëxëëk tuntë Judá ja'ayëty ets jam kyajpnjotmëty ojts tyaj'ooktë ja'ay mëti'ipë ka'ap tii poky tmëëtëtyën.

2 Reyes 24:4

ets ko ja ne'pny ënety nëkoo të tam të tjä'ätstë jam Jerusalén. Paatykyëjxm ja Wintsën ka'ap ojts y'ëkpokymyä'kxënëtë.

2 Reyes 21:16

Ëpëky ja nëë poky mëti'ipë ja Manasés tyuktuunën ja Judá ja'ay ets mëti'ipë yë'ë kë'ëm tyuunën Wintsën wyintum; këjää ojts ja ja'ay tyaj'ok tyajtëkooynyë ka'apë tii poky tmëëtëtyën jam Jerusalén.

1 Reyes 2:31

Tä ja yajkutujkpë y'ëtsooy: Tsojk nyajjotkujk'ajtëmë, nëjkx jap yaj'ook ets xyajnaaxtëkëty jëtu'un tyim yajjo'otsëty ja xyëëw maas ja nteety ja kyutujktaknën ets maas ja nkutujktaknën näjyëtu'un, mëët ja nëë poky mëti'ipë tyuuntëkooyën yë Joab, ko may ja ja'ay tyaj'o'ky.

Deuteronomio 19:13

Jëtu'umpë ja'ay këtii xypya'ëyowtëty, ko jëtu'un xytyuntëty yë'ë ënety m'ëtujktëp ets ka'ap ja jot ne'pyny nëkoo pën tam tjä'ätsëty ma ja Israel kajpnën; ko jëtu'un xytyuntëty, oy nëjkx winë mwinpëtsë'ëm njëjppëtsë'ëmxëtë.

Salmos 94:21

mëti'ipë je'eyë nyikäjpxytyu'unëtyëpën yë wa'ats ja'aytyëjk ets ka'apë tii poky tuuntëkoyën, ets tyajnitukëtë ets y'ookëty.

1 Samuel 19:5

Ix wa'ats xynyijawë ko ka'ap yë jyuukyajtën tpa'ëyooy ma tyaj'o'kyën ja filistejë ja'ay, e mëët yë'ëkëjxm yë Israel ja'ayëty ojts tpaatë ja nitsokën. Mijts yajkutujkpë wa'ats xy'ijxy ets wa'ats xynyijawë. ¿E wi'ix ko ënät nëkoo xyaj'ooka'any tu'uk yë ja'ay mëti'ipë ka'ap tii poky tmëëtëtyën, ma xytyuknipëjktaakën xyaj'ooka'any ja David?

Deuteronomio 4:21

E mëët ko miitsëty ka'ap ninu'un mkäjpxyjyä'äkyukëtë, ojtsës yë Dios xytyukjoot'anpëky ets y'ënäny ko ka'apës ntëkëty jam ma oy it oynyaaxën, mëti'ipë miits mjä'ä'atantëpën, ma yajtuknaxa'anyën ja Jordán mëjnëë.

Deuteronomio 26:1

Ko ënety jam të mja'ajnë ma ja it naaxwiinyëtën, mëti'ipë yë mWintsën mmo'ojanëpën ets xyjyä'ä'atëty ets ënety jam të mtsënaaytyaknpëjknë.