Deuteronomio 19:1 - Biblia Dc en Mixe de Quetzaltepec

¹ Ko ënety ja Wintsën të tyajkutëkooytyä'äy ja naax kajpn, mëti'ipë jam yajpatëpën ma ja it naaxwiinyëtë mëti'ipë miits mjä'ä'atantëpën ets jam ja mnaax mkajpnëty ets ja mjëën mtëjkëty ënety të xypyëjktaknëtë.

Biblia Mixe de Quetzaltepec

¹ Ko ënäty ja Wintsën të tyajkutëkooytyä'äy ja naax kajpn, mëti'ipë jam yajpatëpën ma ja it naaxwiinyëtë mëti'ipë miits mjä'ä'atantëpën ets jam ja mnaax mkajpnëty ets ja mjëën mtëjkëty ënäty të xypyëjktaknëtë.

Deuteronomio 19:1 ပူးပေါင်းရင်းမြစ်များ

Deuteronomio 12:29

Ko ënety ja Wintsën tëë tyajkutëkooytyä'äy ja naax kajpn mëti'ipë miits mniwa'akantëpën ets jam mtsënaaynyëtë. Ijxkëm näjyëtu'un xytyuuntëpë winë tä yë'ëjëtyën ets ja wyintsënëty xy'ëwtajnëtëty.

Deuteronomio 6:10

Yë Wintsën mëti'ipë miits mTiosajtëpën, yë'ë jam myajtëkëjanëtëp ma ja naax kamën mëti'ipë ja Abraham, Isaac ets Jacob tyukwinwa'anëyën ko mo'oja'anëtë. Tääpë it naaxwiinyëtë myëët'ajtyp oyëtypë naax kajpn, mëti'ipë miits nijënu'un xykyanijawëtën wi'ix ojts kyojyën.

Deuteronomio 17:14

Ko ënety jam të mja'ajnëtë ma ja naax kajpnën mëti'ipë ja Wintsën mo'ojanëtëpën, tëëpë xynyitsiptuntë ets jam mtsënaaynyëtë ets jëna'a m'ëna'antëty: Yë yajkutujkpë ëëts tu'uk ntsojktëp, mëti'ipë xy'ënä'ämtëpësën, jëtu'un ijxtëm muum yë yajkutujkpëtëjk yajpaatën.

Deuteronomio 12:1

Ya'atës jëtu'un ënä'ämën'ajtp tëy'ajtën'ajtp, mëti'ipë mtuntëpën ko ënety jam mjuuky'ajnëtë ma ja it naaxwiinyëtën mëti'ipë ja Wintsën mo'ojanëtëpën, mëti'ipë y'ëwtajtën yë mteety m'apëty.

Éxodo 21:13

E pën ka'ap ja myëku'uk tsokyëty të tyaj'ooky ets pën jëtu'un ënety ja Dios të timyajkutujkpë ets y'ookëty, ok ntuk'ëwaanëty ma nëjkx kyäktso'okyën.

Deuteronomio 6:11

Ja jëën tëjk ujts yajpaaty mëët winë mëti'ipë oyëtyën; mëti'ipë ka'ap miitsëty të xy'atsëëm'utstën ets mëët ja nëëjut mëti'ipë ka'ap të xytyajtën; näjyëtu'un ja tsatsymkyam, tsajpmokam, mëti'ipë jamën mëj këjää jam yajpaatë, ka'apë myiitsëty xynyijawëtën wi'ix të wyintu'upëkyën. E yë'ëts nëjkx xyjyë'kxtë ets akëtä'äky jotkëtä'äky myajpaatëty.

Josue 20:1

Ënet ojts ja Wintsën tmëkäjpxy ja Josué ets t'ënëmaay:

Josue 24:13

Tëë miits nmo'otë yë naaxwiinyëtë ma ënety ka'ap nijëna'a të mtuntën ets ja naax kajpn ma ka'ap miitsëty të xykyojtën. E tyam jam mtsëënëtë ets yë'ë mjë'kxtëp ja aay ujts mëti'ipë ka'ap të xykyojtën. Ets ja Josué tjaaknikajpxëy ja y'ayuk: