Deuteronomio 18:9 - Biblia Dc en Mixe de Quetzaltepec

⁹ Ko ënety jam të mja'ajnëtë ma ja it naaxwiinyëtën mëti'ipë ja Wintsën mo'ojanëtëpën, këtii ja ëxëëkpë tu'unën kajpxën xytyuuntëpëty, tä ja ja'ayëtyën ma tampë ja naax kajpnëtyën.

Biblia Mixe de Quetzaltepec

⁹ Ko ënäty jam të mja'ajnëtë ma ja it naaxwiinyëtën mëti'ipë ja Wintsën mo'ojanëtëpën, këtii ja ëxëëkpë tu'unën kajpxën xytyuuntëpëty, tä ja ja'ayëtyën ma tampë ja naax kajpnëtyën.

Deuteronomio 18:9 ပူးပေါင်းရင်းမြစ်များ

Deuteronomio 9:4

Ko ënety ja Wintsën të tyajjëwa'kta'ay ja ja'ay, mëti'ipë jam tsënaaytyëpën, këtii nëjkx m'ëna'antë: Tioskujuuyëp mëët ya'atë mëjnäkyumayë, ma ya'atë Wintsën të xymyo'oyëmën yë naax kam. Jä'ä ko pën yë Wintsën y'ëxwojptääpy tääpë yë naax kajpn, yë'ëkyëjxm jëtu'un tuny, ko ja nyëë pyokyëty mëj këjää oy të wyinku'ujtnë jam Dios wintum.

Deuteronomio 9:5

E paaty ka'ap yë'ëkyëjxmëty ko miitsëty oy mja'ay'atë ets ko mëtowtë myajmo'otë ja kuma'ayën; yë Wintsën paaty t'ëxwojpta'ay tääpë ja'ay jä'äkyëjxm ko ja tyu'unën kyajpxënëty ka'ap myëtëyëty ets näjyëtu'un mëët ko tniwa'aka'any ja y'ayuk, mëti'ipë tyukwinwa'anëyën ja Abraham, Isaac ets Jacob, miits ja m'ap m'okëty.

2 Reyes 17:8

jëtu'un ojts winë tuunëtë tä ja naax kajpn ja jyot wyinma'anyëtyën ets ja tyu'unën kyajpxënëtyën mëti'ipë ënety ja Wintsën të t'ëxwojpta'ayën ma yë'ëjëtyën; jëtu'un tä ënety myinyën kuja'ay kukeetsy ma ja ënä'ämën kutujkënën mëti'ipë ja yajkutujkpë ja'ayëty yajwë'ëmtën.

Deuteronomio 20:18

Këtiipë mtukjatëtëty ja ëxëëktu'un ëxëëkajpxën ma ja wyintsën tmëjjaw tjaantyjyawëtën ets ja mWintsën xymyëtëkooynyëtëty.

2 Reyes 17:11

timjëtu'un ojts winë t'atuunajxnëtë tä ja kajpnëtyën mëti'ipë ja Wintsën ënety të t'ëxëëk'ixtën ets ja naax kajpn mëti'ipë ënety të t'ëxwopyën; ojts twino'k twinxaamnëtë mëët ja poom, ka'apë wyintsënëtyën, tuunëtë tkajpxnëtë ja ka'apë tyuunëtyën ets tyajjoot'anpëktë jëtu'un ja Wintsën mëjwiin këjää.

2 Crónicas 28:3

ojts ja poom tyajjoky tyajwiixy jam ma ja joyjyot txëëwatyën Ben-hinom, ni'ikyë ja y'u'unk y'ëna'k ojts tnino'k tniixaamnë, tukwintsë'ëkë ja ëxëëkpë ku'oypyë, tuunë winë tä ja naax kajpnëtyën mëti'ipë ënety ja Wintsën të t'ëxkexyën.

2 Crónicas 36:14

Näyjyëtu'un ja Judá ja'ayëty ets ja teetytyëjkëty, ojts ja jyot wyinma'any tyajtëkooynyëtë ets ka'ap ja Wintsën ojts t'ëkmëj'ijxnëtë; jëtu'un winë tuunëtë tä ja ja'ayëtyën mëti'ipë ka'ap ja Wintsën t'ixy'atën ets ka'ap t'ëkwitsë'kënëtë ja Wintsën ja jyëën tyëjk, mëti'ipë ënety ja Wintsën të tnikäjpxyën ko yë'ë tëjk'ata'any mëti'ipë jam Jerusalén yajpatpën.

Jeremias 10:2

Jëtu'un yë Wintsën y'ënä'äny: Këtii jëtu'un tii xytyunëty tä wiinkëtypë naax kajpnën.